ʼಅಲ್ಲು ಅರ್ಜುನ್‌ʼ ಒಡೆತನದ ಹೊಸ ಥಿಯೇಟರ್‌ನಲ್ಲಿ ʼಪ್ರಭಾಸ್‌ ಆದಿಪುರುಷʼ ಫಸ್ಟ್‌ ಶೋ..!

Adipurush first show in Allu Arjun theater : ರೆಬಲ್‌ ಸ್ಟಾರ್‌ ಪ್ರಭಾಸ್, ಕೃತಿ ಸನನ್, ಸೈಫ್ ಅಲಿ ಖಾನ್ ಮತ್ತು ಸನ್ನಿ ಸಿಂಗ್ ಅಭಿನಯದ ಬಹು ನಿರೀಕ್ಷಿತ 'ಆದಿಪುರುಷ' ಚಿತ್ರ ಪ್ರದರ್ಶನದೊಂದಿಗೆ ಹೈದರಾಬಾದ್‌ನಲ್ಲಿರುವ ಅಲ್ಲು ಅರ್ಜುನ್ ಅವರ ಹೊಸ ಚಿತ್ರಮಂದಿರ ʼಎಎಎ ಸಿನಿಮಾಸ್‌ʼ ಗ್ರ್ಯಾಂಡ್‌ ಓಪನಿಂಗ್‌ ಪಡೆಯಲಿದೆ. ಜೂನ್ 16 ರಂದು ಎಎಎ ಸಿನಿಮಾಸ್‌ ಕಾರ್ಯಾಚರಣೆ ಪ್ರಾರಂಭಿಸಲಿದೆ.

ಭೂಷಣ್ ಕುಮಾರ್ ನಿರ್ಮಾಣದ ಓಂ ರಾವುತ್ ನಿರ್ದೇಶನ ಆದಿಪುರುಷ ಸಿನಿಮಾ, ಪ್ಯಾನ್-ಇಂಡಿಯಾ ಲೆವೆಲ್‌ನಲ್ಲಿ ಬಿಡುಗಡೆಯಾಗಲಿದೆ. ಈಗಾಗಲೇ ಮುಂಗಡ ಟಿಕೆಟ್‌ ಬುಕ್ಕಿಂಗ್‌ ದಾಖಲೆ ನಿರ್ಮಿಸಿದೆ. 'ಆದಿಪುರುಷ' ಚಿತ್ರಮಂದಿರಕ್ಕೆ ಬರಲು ಕೇವಲ ಒಂದು ದಿನ ಬಾಕಿ ಉಳಿದಿದ್ದು, ಪ್ರೇಕ್ಷಕರು ಕುತೂಹಲದಿಂದ ಕಾಯುತ್ತಿದ್ದಾರೆ. ಇದೇ ವೇಳೆ ನಟ ಅಲ್ಲು ಅರ್ಜುನ್‌ ಒಡೆತನದ ಎಎಎ ಸಿನಿಮಾಸ್‌ ಆದಿಪುರುಷ ಚಿತ್ರ ಪ್ರದರ್ಶನದ ಮೂಲಕ ಗ್ರ್ಯಾಂಡ್‌ ಓಪನಿಂಗ್ ಪಡೆಯಲಿದೆ.

ಇದನ್ನೂ ಓದಿ: Kantara 2 : 'ಕಾಂತಾರ 2' ಮುಹೂರ್ತಕ್ಕೆ ಡೇಟ್‌ ಫಿಕ್ಸ್‌.! ರಿಲೀಸ್‌ ಯಾವಾಗ ಗೊತ್ತಾ?

ಆದಿಪುರುಷ ಟಿಕೆಟ್ ಬೆಲೆ ಏರಿಕೆ : ತೆಲಂಗಾಣ ಸರ್ಕಾರದ ಆದಿಪುರುಷ ಚಿತ್ರದ ಟಿಕೆಟ್ ದರವನ್ನು 50 ರೂಪಾಯಿ ಹೆಚ್ಚಿಸುವ ಸೂಚನೆಯನ್ನು ನೀಡಿದೆ. ಈ ಕುರಿತು ಟ್ವೀಟ್‌ನಲ್ಲಿ ಮಾಹಿತಿ ನೀಡಿದೆ. ಟೈಮ್ಸ್ ನೌ ವರದಿಯ ಪ್ರಕಾರ, ಕೆಲವು ಸಿನಿಮಾ ಹಾಲ್‌ಗಳು ಒಂದು ಟಿಕೆಟ್‌ 2000 ರೂ. ನಂತೆ ಮಾರಾಟ ಮಾಡಿದೆ ಎಂದು ಹೇಳಲಾಗುತ್ತಿದೆ. 250-ರೂ. ರಿಂದ 500 ವರೆಗಿನ ಟಿಕೆಟ್‌ಗಳು ಸಹ ಲಭ್ಯವಿದೆ.

'ಆದಿಪುರುಷ' ಮಹಾಕಾವ್ಯ ರಾಮಾಯಣದಿಂದ ಪ್ರೇರಿತವಾದ ಸಿನಿಮಾ. ಈ ಚಿತ್ರದಲ್ಲಿ, ಪ್ರಭಾಸ್ ರಾಘವ್, ಕೃತಿ ಜಾನಕಿ ಮತ್ತು ಸೈಫ್ ರಾವಣನ ಪ್ರಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರವನ್ನು ಓಂ ರಾವುತ್ ನಿರ್ದೇಶಿಸಿದ್ದಾರೆ. ಹಿಂದಿ ಮತ್ತು ತೆಲುಗು ಭಾಷೆಗಳಲ್ಲಿ ಈ ಚಿತ್ರದವನ್ನು ಏಕಕಾಲದಲ್ಲಿ ಚಿತ್ರೀಕರಿಸಲಾಗಿದೆ. ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.