ಮಗಳು ಹುಟ್ಟಿದ ನಂತರ ಶುರುವಾಯ್ತಾ ರಣಬೀರ್ - ಆಲಿಯಾ ಜಗಳ! ಸ್ವತಃ ನಟಿಯೇ ಬಹಿರಂಗಪಡಿಸಿದ್ರು ಈ ವಿಚಾರ!

ಮುಂಬೈ: ಕರಣ್ ಜೋಹರ್ ಅವರ ಪ್ರಸಿದ್ಧ ಸೆಲೆಬ್ರಿಟಿ ಚಾಟ್ ಶೋ ಕಾಫಿ ವಿತ್ ಕರಣ್ 8 ಪ್ರಾರಂಭವಾಗಿದೆ. ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಈ ಶೋಗೆ ಮೊದಲ ಅತಿಥಿಗಳಾಗಿ ಆಗಮಿಸಿದ್ದರು. ಈ ವೇಳೆ ದೀಪಿಕಾ ಕೂಡ ಕೆಲವು ಗೊತ್ತಿರದ ವಿಚಾರಗಳನ್ನು ಬಹಿರಂಗಪಡಿಸಿದ್ದು ಎಲ್ಲೆಡೆ ಸಂಚಲನ ಮೂಡಿಸಿದೆ. ಇದೀಗ ಆಲಿಯಾ ಭಟ್ ಮತ್ತು ಕರೀನಾ ಕಪೂರ್ ಕಾರ್ಯಕ್ರಮಕ್ಕೆ ಅತಿಥಿಗಳಾಗಿ ಆಗಮಿಸಿದ್ದಾರೆ. ವಿಶೇಷವೆಂದರೆ ಆಲಿಯಾ ಭಟ್ ಶೋನಲ್ಲಿ ಅಚ್ಚರಿಯ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಟಿ ತಾಯ್ತನ ಮತ್ತು ಮದುವೆಯ ಬಗ್ಗೆ ಮಾತನಾಡಿದ್ದಾರೆ ಎನ್ನಲಾಗಿದೆ.  

ಆಲಿಯಾ ಭಟ್ ಮತ್ತು ರಣಬೀರ್ ತಮ್ಮ ಮಗಳನ್ನು ಮಾಧ್ಯಮದ ಪ್ರಚಾರದಿಂದ ದೂರವಿಟ್ಟಿದ್ದಾರೆ. ಆದರೆ ಕಾಫಿ ವಿತ್ ಕರಣ್ 8 ರ ಮುಂಬರುವ ಸಂಚಿಕೆಯಲ್ಲಿ ರಾಹಾ ಅವರ ಜನನದ ಬಗ್ಗೆ ಬಹಿರಂಗವಾಗಿ ಮಾತನಾಡುತ್ತಾರೆ. ಮನೆಯಲ್ಲಿ ತಮ್ಮ ಜಗಳಕ್ಕೆ ರಾಹಾ ಕಾರಣ ಎಂದು ಆಲಿಯಾ ಕಾರ್ಯಕ್ರಮದಲ್ಲಿ ಬಹಿರಂಗಪಡಿಸಿದ್ದಾರೆ. ವರದಿಯ ಪ್ರಕಾರ, ಕಾಫಿ ವಿಥ್ ಕರಣ್‌ನಲ್ಲಿ, ಕೆಲವೊಮ್ಮೆ, ನಾವು ರಾಹಾಗಾಗಿ ಮನೆಯಲ್ಲಿ ಜಗಳವಾಡುತ್ತೇವೆ ಎಂದು ಆಲಿಯಾ ಹೇಳಿದ್ದಾರೆ. 

ಇದನ್ನೂ ಓದಿ : ಪೊಲೀಸರಿಂದ ತನಿಷಾ, ಪ್ರತಾಪ್ ವಿಚಾರಣೆ ! ಬಿಗ್ ಬಾಸ್ ಸೆಟ್ ನಲ್ಲಿ ಅಸಲಿಗೆ ನಡೆದದ್ದೇನು ?

ರಣಬೀರ್ ಕಪೂರ್ ಅವರ ಸೋದರಸಂಬಂಧಿ ಆಗಿರುವ ನಟಿ ಕರೀನಾ ಕಪೂರ್ ಕೂಡ ಪ್ರತಿಕ್ರಿಯಿಸಿದ್ದಾರೆ. ಇದು ನಿಮ್ಮಿಬ್ಬರಿಗೂ ಇನ್ನೊಂದು ಮಗುವಾಗಬೇಕು ಎಂಬುದರ ಸಂಕೇತವಾಗಿದೆ. ಇದರಿಂದ ನೀವಿಬ್ಬರೂ ಒಂದೊಂದು ಮಗುವನ್ನು ನೋಡಿಕೊಳ್ಳಬಹುದು ಎಂದು ಕರೀನಾ ಹೇಳಿದ್ದಾರೆ.

ಕರಣ್ ಜೋಹರ್ ಸೋಮವಾರ ಕಾರ್ಯಕ್ರಮದ ಹೊಸ ಪ್ರೋಮೋವನ್ನು ಬಿಡುಗಡೆ ಮಾಡಿದರು. ಶೋನಲ್ಲಿ ತಾಯ್ತನದ ಬಗ್ಗೆ ಮಾತನಾಡುವುದರ ಜೊತೆಗೆ, ಆಲಿಯಾ ಭಟ್ ಉದ್ಯಮದಲ್ಲಿನ ಸ್ಪರ್ಧೆಯ ಬಗ್ಗೆಯೂ ಚರ್ಚಿಸುತ್ತಾರೆ ಎಂದು ಇದು ತೋರಿಸುತ್ತದೆ. 

ಇದನ್ನೂ ಓದಿ : ಮಗು ನನಗೆ ಹುಟ್ಟಿಲ್ಲ ಅಂದಿದ್ದ.. ಹೆಂಡತಿಗೆ ಕುಡಿದು ಹಿಂಸೆ ಕೊಡ್ತಿದ್ದ: ವರ್ತೂರ್‌ ಬಗ್ಗೆ ಮಾವನ ಗಂಭೀರ ಆರೋಪ!!