ಅಲ್ಲು ಅರ್ಜುನ್ ಜಾತಕದ ಬಗ್ಗೆ ಖ್ಯಾತ ಜ್ಯೋತಿಷಿಯಿಂದ ಸ್ಫೋಟಕ ಭವಿಷ್ಯ.! ಅಭಿಮಾನಿಗಳ ಎದೆಯಲ್ಲಿ ಢವ ಢವ..!

Allu Arjun: ಪುಷ್ಪಾ 2 ಸಿಕ್ಕ ಸಿಕ್ಕ ದಾಖಲೆಗಳನ್ನೆಲ್ಲಾ ಹರಿದು ಮುಕ್ಕುತ್ತಾ, ಗಲ್ಲಾಪೆಟ್ಟಿಗೆಯನ್ನು ಕುಟ್ಟಿ ಕುಟ್ಟಿ ಪುಡಿ ಮಾಡುತ್ತಿದೆ. ಆದರೆ ಈ ಸಿನಿಮಾದ ಹೀರೋ ಅಲ್ಲು ಅರ್ಜುನ್ ಅಭಿಮಾನಿ ಸಾವಿನಿಂದ ಹಿಡಿದು ಜೈಲು-ಬೇಲು, ಮನೆ ಮೇಲೆ ದಾಳಿ ಮತ್ತಿತರ ಸಮಸ್ಯೆ ಮೇಲೆ ಸಮಸ್ಯೆಗೆ ಸಿಲುಕಿ ನಲುಗಿ ಬಳಲಿ ಬೆಂಡಾಗಿದ್ದಾರೆ.  ಈ ಸಕಲ ಅನಿಷ್ಠಗಳಿಗೂ ಅಲ್ಲು ಅರ್ಜುನ್ ಜಾತಕ ಸರಿಯಿಲ್ಲದಿರುವುದೇ ಕಾರಣವಂತೆ! ಹಾಗಂತ ಖ್ಯಾತ ಜ್ಯೋತಿಷಿ ವೇಣು ಸ್ವಾಮಿ ಸ್ಫೋಟಕ ಭವಿಷ್ಯ ನುಡಿದಿದ್ದಾರೆ.

ವೇಣು ಸ್ವಾಮಿ ಅಂತಿಂಥ ಜ್ಯೋತಿಷಿ ಅಲ್ಲ, ದಕ್ಷಿಣ ಭಾರತದ ಸೆಲೆಬ್ರಿಟಿಗಳು, ರಾಜಕಾರಣಿಗಳು ಮತ್ತು ಹೈಪ್ರೊಫೈಲ್ ಅಸಾಮಿಗಳಿಗೆ ಜಾತಕ ಬರೆಯುವ, ಭವಿಷ್ಯ ಹೇಳುವ ಜ್ಯೋತಿಷಿ. ಪುಷ್ಪಾ 2 ಸಿನಿಮಾ ಬಿಡುಗಡೆ ವೇಳೆ ಆದ ಕಾಲ್ತುಳಿತದಲ್ಲಿ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿರುವ ಶ್ರೀತೇಜ್ ಆರೋಗ್ಯ ವಿಚಾರಿಸಿದ ವೇಣು ಸ್ವಾಮಿ ಬಳಿಕ ಮಾಧ್ಯಮದವರ ಜೊತೆ ಮಾತನಾಡಿದ್ದಾರೆ. ಈ ವೇಳೆ ಅಲ್ಲು ಅರ್ಜುನ್ ಜಾತಕ ಸರಿಯಿಲ್ಲ. ಅದರಿಂದ ಅವರಿಗೆ ಮುಂದಿನ ಮಾರ್ಚ್ ವರೆಗೆ ಸಮಸ್ಯೆ ತಪ್ಪಿದ್ದಲ್ಲ ಎಂದು ಆತಂಕಕಾರಿ ಸಂಗತಿಯನ್ನು ತಿಳಿಸಿದ್ದಾರೆ.

ಇದನ್ನೂ ಓದಿ- ಮಗಳು ದುವಾ ಜೊತೆ ಮೊದಲ ಕ್ರಿಸ್ಮಸ್ ಆಚರಣೆ: ಫೋಟೋ ಶೇರ್ ಮಾಡಿದ ದೀಪಿಕಾ ಪಡುಕೋಣೆ!

ಸದ್ಯ ಅಲ್ಲು ಅರ್ಜುನ್ ಜಾತಕದ ಪ್ರಕಾರ ಶನಿ ಆರನೇ ಮನೆಯಲ್ಲಿ ಇದ್ದಾನೆ. ಹಾಗಾಗಿ ಮುಂದಿನ ಮಾರ್ಚ್ ವರೆಗೆ ಅಲ್ಲು ಅರ್ಜುನ್ ಬಾಳಲ್ಲಿ ಯಾವ ಅನಾಹುತ ಬೇಕಾದರೂ ನಡೆಯಬಹುದು. ಯಾರೂ ಸಹ ಜಾತಕದಿಂದ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಕಲಿಯುಗದಲ್ಲಿ ಧನ ಇರುವ ಕಡೆ ಅಪಾಯವೂ ಇರುತ್ತದೆ. ಈ ವಿಷಯವನ್ನು ಅಲ್ಲು ಅರ್ಜುನ್ ಚೆನ್ನಾಗಿ ಅರಿಯಬೇಕು, ಅವರು ಅತ್ಯಂತ ಎಚ್ಚರಿಕೆಯಿಂದ ಇರಬೇಕು ಎಂದು ಅವರು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ- ನೋಡೋಕೆ ಎರಡು ಕಣ್ಣು ಸಾಲಕಿಲ್ಲ ಬಾಹುಬಲಿ ಕಟ್ಟಪ್ಪನ ಪುತ್ರಿಯ ಅಂದವ! ಪೋಟೋಸ್‌ ನೋಡಿ ನೀವೂ ಕಳೆದೋಗ್ತಿರಾ  

ನಾಗಚೈತನ್ಯ ಮತ್ತು ಸಮಂತಾ ಋತು ಪ್ರಭು ಬೇರೆಯಾಗುತ್ತಾರೆ ಎಂದು ವೇಣು ಸ್ವಾಮಿ ಭವಿಷ್ಯ ನುಡಿದಿದ್ದರು. ಹಾಗೆಯೇ ಅವರಿಬ್ಬರೂ ಬೇರೆಯಾದರು. ಆನಂತರದಲ್ಲಿ ವೇಣು ಸ್ವಾಮಿ ಭವಿಷ್ಯದ ಬಗ್ಗೆ ಬಹಳ ಜನ ನಂಬಿಕೊಂಡಿದ್ದಾರೆ. ಈಗ ವೇಣು ಸ್ವಾಮಿ, ಅಲ್ಲು ಅರ್ಜುನ್ ಜಾತಕ ಸರಿಯಿಲ್ಲ, ಮುಂದಿನ ಮೂರು ತಿಂಗಳಲ್ಲಿ ಏನು ಬೇಕಾದರೂ ಆಗಬಹುದು ಎಂದು ಭವಿಷ್ಯ ನುಡಿದಿರುವುದರಿಂದ ಅಭಿಮಾನಿಗಳು ತೀವ್ರ ಕಳವಳಕ್ಕೊಳಗಾಗಿದ್ದಾರೆ. ವೇಣು ಸ್ವಾಮಿ ಮಾತುಗಳು ವೈರಲ್ ಆಗಿದ್ದು ಅಲ್ಲು ಅರ್ಜುನ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನಿಗೆ ಯಾವುದೇ ಸಮಸ್ಯೆ ಬಾರದಿರಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.