India v/s Bharat ಚರ್ಚೆಯ ನಡುವೆ ಅಮಿತಾಬ್ ಬಚ್ಚನ್ ಪೋಸ್ಟ್ ವೈರಲ್

India v/s Bharat : ಜಿ-20 ಶೃಂಗಸಭೆಯ ಔತಣ ಕೂಟದ ಆಹ್ವಾನವು ವೈರಲ್ ಆಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ಕೋಲಾಹಲವನ್ನು ಸೃಷ್ಟಿಸಿದೆ. ಇಂಡಿಯಾ ಮತ್ತು ಭಾರತ ಎಂಬ ಈ ಎರಡು ಹೆಸರುಗಳ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿದೆ. ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಸಾಮಾಜಿಕ ಮಾಧ್ಯಮದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ ಮತ್ತು ದೇಶದಲ್ಲಿ ನಡೆಯುತ್ತಿರುವ ಸಮಸ್ಯೆಗಳ ಬಗ್ಗೆ ತಮ್ಮ ಪ್ರತಿಕ್ರಿಯೆಯನ್ನು ನೀಡಲು ಹಿಂಜರಿಯುವುದಿಲ್ಲ. ಇತ್ತೀಚೆಗಷ್ಟೇ ಅವರು ಸಾಮಾಜಿಕ ಜಾಲತಾಣದಲ್ಲಿ ಈ ವಿಚಾರವಾಗಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. 

ಅಮಿತಾಬ್ ಬಚ್ಚನ್ ಇತ್ತೀಚೆಗೆ ಎಕ್ಸ್ (ಟ್ವಿಟ್ಟರ್) ನಲ್ಲಿ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ, ಅದು ಕೋಲಾಹಲವನ್ನು ಸೃಷ್ಟಿಸಿತು. ಅವರ ಪೋಸ್ಟ್ ನೋಡಿದ ಜನರು ಅವರು ಇದನ್ನು ಏಕೆ ಬರೆದಿದ್ದಾರೆ ಎಂದು ಯೋಚಿಸುತ್ತಿದ್ದಾರೆ. 

ಅಮಿತಾಬ್‌, 'ಭಾರತ್ ಮಾತಾ ಕೀ ಜೈ' ಎಂದು ಘೋಷಣೆಯನ್ನು ಬರೆದು ಪೋಸ್ಟ್‌ ಮಾಡಿದ್ದಾರೆ. ದೇಶದ ಇಂಗ್ಲಿಷ್ ಹೆಸರು ಇಂಡಿಯಾ ವನ್ನು ರದ್ದುಗೊಳಿಸಲು ಸರ್ಕಾರ ಯೋಜಿಸುತ್ತಿದೆ ಎಂಬ ವರದಿಗಳಿವೆ. ಶೀಘ್ರದಲ್ಲೇ ಸರ್ಕಾರವು ಈ ಪ್ರಸ್ತಾವನೆಯನ್ನು ಸಂಸತ್ತಿನಲ್ಲಿ ಮಂಡಿಸಬಹುದು ಎಂಬ ಹೇಳಲಾಗ್ತಿದೆ. ಈ ಸುದ್ದಿಗಳ ನಡುವೆ, ಜನರು ಅಮಿತಾಬ್ ಬಚ್ಚನ್ ಅವರ ಈ ಟ್ವೀಟ್ ಅನ್ನು ಸಂಯೋಜಿಸುತ್ತಿದ್ದಾರೆ. ಟ್ವೀಟ್‌ನ ಎಡಭಾಗದಲ್ಲಿ ಅವರು ತ್ರಿವರ್ಣ ಧ್ವಜದ ಎಮೋಜಿಯನ್ನು ಹಾಕಿದ್ದಾರೆ ಮತ್ತು ಬಲಭಾಗದಲ್ಲಿ ಅವರು ಕೆಂಪು ಧ್ವಜದ ಎಮೋಜಿಯನ್ನು ಹಾಕಿದ್ದಾರೆ.

ಆದರೆ, ಈ ಹೇಳಿಕೆಗಳಲ್ಲಿ ಎಷ್ಟರಮಟ್ಟಿಗೆ ಸತ್ಯಾಂಶವಿದೆ ಎಂಬುದು ಮುಂದಿನ ದಿನಗಳಲ್ಲಿ ಸ್ಪಷ್ಟವಾಗಲಿದೆ. ಸದ್ಯ ರಾಜಕೀಯ ವಲಯದಿಂದ ದೇಶದ ಹೆಸರಲ್ಲಿ ಚರ್ಚೆ ನಡೆಯುತ್ತಿದ್ದು, ಬಾಲಿವುಡ್‌ಗೂ ಕಾಲಿಟ್ಟಿದೆ. 

ಇದನ್ನೂ ಓದಿ: ಸೀರೆಯುಟ್ಟು ನಾಭಿ ದರ್ಶನ ಮಾಡಿಸಿದ ಮೌನಿ ರಾಯ್‌...ಫೋಟೋಸ್‌ ನೋಡಿ

ಜಿ-20 ಶೃಂಗಸಭೆಯ ವೇಳೆ ರಾಷ್ಟ್ರಪತಿ ಭವನದಲ್ಲಿ ಆಯೋಜಿಸಲಾದ ಔತಣಕೂಟದ ಆಮಂತ್ರಣ ಪತ್ರದ ಬಗ್ಗೆಯೂ ವಿವಾದ ಉದ್ಭವಿಸಿದೆ. ಸೆಪ್ಟೆಂಬರ್ 9 ರಂದು ರಾಷ್ಟ್ರಪತಿ ಭವನದಲ್ಲಿ ನಡೆಯಲಿರುವ ಜಿ-20 ಔತಣಕೂಟದ ಆಮಂತ್ರಣ ಪತ್ರಿಕೆಯಲ್ಲಿ 'ಪ್ರೆಸಿಡೆಂಟ್‌ ಆಫ್‌ ಇಂಡಿಯಾ' ಬದಲು 'ಪ್ರೆಸಿಡೆಂಟ್‌ ಆಫ್‌ ಭಾರತ' ಎಂದು ಬರೆಯಲಾಗಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ.