ತನ್ನ ಫೇವರಿಟ್ ನಟನ ಜೊತೆ ನಟಿಸುವ ಚಾನ್ಸ್‌ ಗಿಟ್ಟಿಸಿಕೊಂಡ ʼಬೇಬಿʼ ವೈಷ್ಣವಿ..! ಯಾರು ಆ ಹೀರೋ..

Vaishnavi chaitanya : ತೆಲುಗು ನಟಿ ವೈಷ್ಣವಿ ಚೈತನ್ಯ 'ಬೇಬಿ' ಚಿತ್ರದ ಮೂಲಕ ಸೌತ್‌ ಸಿನಿರಂಗದಲ್ಲಿ ಸ್ಟಾರ್‌ಗಿರಿಗೆ ಏರಿದರು. ಮೊದಲ ಸಿನಿಮಾದಲ್ಲೇ ನಟಿಸಿ ಯುವಜನತೆಯಲ್ಲಿ ಕ್ರೇಜ್ ಗಳಿಸಿದ್ದರು. ಬೇಬಿ ಚಿತ್ರದಲ್ಲಿ ಅವರ ಅಭಿನಯಕ್ಕೆ ಮರುಳಾಗದ ಪ್ರೇಕ್ಷಕರೇ ಇಲ್ಲ. ಆನಂದ್ ದೇವರಕೊಂಡ, ವೈಷ್ಣವಿ ಮತ್ತು ವಿರಾಜ್ ಅಶ್ವಿನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ ಬೇಬಿ ಬಾಕ್ಸ್ ಆಫೀಸ್‌ನಲ್ಲಿ ಕಲೆಕ್ಷನ್‌ಗಳಲ್ಲಿ ದಾಖಲೆ ಸೃಷ್ಟಿಸಿತು.

ಮೆಗಾಸ್ಟಾರ್ ಚಿರಂಜೀವಿ ವೈಷ್ಣವಿಯನ್ನು ಸಹ ನಟಿ ಜಯಸುಧಾ ಜೊತೆ ಹೋಲಿಕೆ ಮಾಡಿದರೆ ಅವರ ನಟನೆ ಯಾವ ಮಟ್ಟದಲ್ಲಿದೆ ಎಂಬುದು ಅರ್ಥವಾಗುತ್ತದೆ. ಸದ್ಯ ತೆಲುಗು ಫಿಲಂ ಸರ್ಕಲ್‌ನ ಎಲ್ಲೆಡೆ ವೈಷ್ಣವಿ ಹೆಸರು ಕೇಳಿ ಬರುತ್ತಿದೆ. ಬೇಬಿ ಹಿಟ್‌ನೊಂದಿಗೆ ವೈಷ್ಣವಿಗೆ ಸರಣಿ ಆಫರ್‌ಗಳು ಬರುತ್ತಿವೆ.

ಇದನ್ನೂ ಓದಿ: ನಾನು ದೀಪಿಕಪಡುಕೋಣೆಯನ್ನು ಲವ್‌ ಮಾಡ್ತೀನಿ : ಏಕಾಎಕಿ ಪ್ರಭಾಸ್‌ ಹೀಗೆ ಹೇಳಿದ್ಯಾಕೆ..!

ಯಂಗ್ ಹೀರೋಗಳ ಪ್ರಾಜೆಕ್ಟ್‌ಗಳಿಗೆ ಮೊದಲು ವೈಷ್ಣವಿ ಹೆಸರನ್ನು ಆಯ್ಕೆಯಾಗಿ ತೆಗೆದುಕೊಳ್ಳಲಾಗುತ್ತಿದೆ ಎಂಬ ಮಾತು ಬಲವಾಗಿ ಕೇಳಿಬರುತ್ತಿದೆ. ಇತ್ತೀಚೆಗೆ ಈ ಚೆಲುವೆಗೆ ಎನರ್ಜಿಟಿಕ್ ಸ್ಟಾರ್ ರಾಮ್ ಪೋತಿನೇನಿ ಸಿನಿಮಾದಲ್ಲಿ ಅವಕಾಶ ಸಿಕ್ಕಿದೆಯಂತೆ. ಸ್ಟಾರ್ ಡೈರೆಕ್ಟರ್ ಪೂರಿ ಜಗನ್ನಾಥ್ ಮತ್ತು ರಾಮ್ ಕಾಂಬಿನೇಷನ್ ನಲ್ಲಿ 'ಡಬಲ್ ಇಸ್ಮಾರ್ಟ್ ಸಿನಿಮಾ' ತೆರೆಕಾಣುತ್ತಿರುವುದು ಗೊತ್ತೇ ಇದೆ.

ಈ ಚಿತ್ರದಲ್ಲಿ ರಾಮ್‌ಗೆ ಜೋಡಿಯಾಗಿ ವೈಷ್ಣವಿಯನ್ನು ತೆಗೆದುಕೊಳ್ಳಲು ನಿರ್ಮಾಪಕರು ಯೋಚಿಸುತ್ತಿದ್ದಾರೆ. ಈ ಚಿತ್ರಕ್ಕೆ ಇನ್ನೂ ಇಬ್ಬರು ನಾಯಕಿಯರಿಗೆ ಅವಕಾಶವಿದೆ ಎನ್ನಲಾಗುತ್ತಿದೆ. ವೈಷ್ಣವಿ ನಾಯಕಿಯಾಗಿ ಫಿಕ್ಸ್ ಆಗಿದ್ದಾರಂತೆ. ಸದ್ಯದಲ್ಲೇ ಚಿತ್ರತಂಡ ಈ ಬಗ್ಗೆ ಅಧಿಕೃತ ಘೋಷಣೆ ಮಾಡುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.