ಚೇತನ್‌ ಅಹಿಂಸಾಗೆ ಮತ್ತೆ ಬಿಗ್‌ ರಿಲೀಫ್‌ : ಕರ್ನಾಟಕ ಹೈಕೋರ್ಟ್‌ನಿಂದ ತಡೆಯಾಜ್ಞೆ ವಿಸ್ತರಣೆ

Karnataka Highcourt : ಸಮುದಾಯಗಳ ನಡುವೆ ದ್ವೇಷ ಬಿತ್ತುವುದರ ಜೊತೆಗೆ ಭಾರತೀಯ ವಿರೋಧಿ ಚಟುವಟಿಗಳ ಆರೋಪಗಳ ಹಿನ್ನಲೆ ಕೇಂದ್ರ  ಸರ್ಕಾರ ನೋಟಿಸ್‌ ನೀಡಿ ಉತ್ತರ ಪಡೆದುಕೊಂಡಿತ್ತು. ಆದರೆ ಚೇತನ್‌ ಅಹಿಂಸಾ ಅವರಿಂದ ಸಮಾಧನಕರ ಉತ್ತರ ಸಿಗದೇ ಇರುವುದಕ್ಕೆ 2018 ರಲ್ಲಿ ಕರ್ನಾಟಕ ಹೈಕೋರ್ಟ್‌ ನೀಡಿದ್ದ ಸಾಗರೋತ್ತರ ಪೌರತ್ವ ಕಾರ್ಡ್‌ ನ್ನು ಕೇಂದ್ರ ಸರ್ಕಾರ ರದ್ದುಗೊಳಿಸಿತ್ತು. ಈ ವಿಚಾರವಾಗಿ ನಟ ಚೇತನ್‌ ಕರ್ನಾಟಕ ಹೈಕೋರ್ಟ್‌ ಮೆಟ್ಟಿಲೇರಿದ್ದರು.

 ಕರ್ನಾಟಕ ಹೈಕೋರ್ಟ್‌ ನಟ ಚೇತನ್‌ ಅವರಿಗೆ ಏ.21ರಂದು ಕಾನೂನಾತ್ಮಕ ಷರತ್ತುಬದ್ಧ ರಿಲೀಫ್‌ ನೀಡಿತ್ತು. ನ್ಯಾಯಾಂಗದ ಕುರಿತಾಗಿ ನಟ ಯಾವುದೇ ಟ್ವೀಟ್‌ ಮಾಡುವಂತಿಲ್ಲ, ಬಾಕಿಯಿರುವ ಕೇಸ್‌ಗಳ ಬಗ್ಗೆಯೂ ಟ್ವೀಟ್‌ ಮಾಡುವಂತಿಲ್ಲ ಎಂದು ಹೈಕೋರ್ಟ್‌ ಆದೇಶ ನೀಡಿತ್ತು. ಜೊತೆಗೆ ಈ ಹಿಂದೆ ನಟ ಚೇತನ್‌ ಅವರು ಮಾಡಿರುವ ಎಲ್ಲಾ ಟ್ವೀಟ್‌ಗಳನ್ನು ಡಿಲೀಟ್‌ ಮಾಡುವಂತೆ ಕೋರ್ಟ್‌ ವಕೀಲರು ತಿಳಿಸಿದ್ದಾರೆ. 

ವಾದ ವಿವಾದಗಳನ್ನು ಪರೀಶೀಲಿಸಿದ ಹೈಕೋರ್ಟ್‌ ಈ ಹಿಂದೆ ನೀಡಿದ್ದ ಮಧ್ಯಂತರ ತಡೆಯಾಜ್ಞೆಯನ್ನು ಜೂನ್‌ 20 ರವರೆಗೆ ವಿಸ್ತರಿಸಿದೆ. ಅಲ್ಲದೆ ನಟ ಚೇತನ್‌ ಅರ್ಜಿಗೆ ಆಕ್ಷೇಪನೆ ಸಲ್ಲಿಸುವಂತೆ ಕೇಂದ್ರ ಸರ್ಕಾರಕ್ಕೆ ಸೂಚನೆ ನೀಡಿದೆ.