ಬಿಗ್ ಬಾಸ್ ಮನೆಯಲ್ಲಿ ಬಿಗ್ ಟ್ವಿಸ್ಟ್.. ವೈಲ್ಡ್‌ ಕಾರ್ಡ್‌ ಅಲ್ಲ.. ಎಲಿಮಿನೇಟ್ ಆದ ಸ್ಪರ್ಧಿಗಳು ರೀ ಎಂಟ್ರಿ! ಅಸಲಿ ಕಾರಣ ಇದೇ?!

Bigg Boss: ಬಿಗ್ ಬಾಸ್ ತೆಲುಗು 8 ಯಶಸ್ವಿಯಾಗಿ ಹನ್ನೊಂದು ವಾರಗಳನ್ನು ಪೂರೈಸಿದೆ. ಈ ವಾರ ಯಾರು ಎಲಿಮಿನೇಟ್ ಆಗುತ್ತಾರೆ ಎಂಬುದನ್ನು ಈ ಭಾನುವಾರದ ಸಂಚಿಕೆ ಬಹಿರಂಗಪಡಿಸಲಾಗಿದೆ.. ಇದೆಲ್ಲದರ ಮಧ್ಯೆ ಈ ಸೀಸನ್‌ ಬಿಗ್ ಟ್ವಿಸ್ಟ್ ಮತ್ತು ತಿರುವುಗಳನ್ನು ತೆಗೆದುಕೊಳ್ಳುತ್ತಿದೆ ಎಂದು ತಿಳಿದಿದೆ.‌ ಅದರಂತೆ ಈ ಬಾರಿ ಮತ್ತೊಂದು ಟ್ವಿಸ್ಟ್ ಕೊಡಲಿದ್ದಾರೆ. ಈಗಾಗಲೇ ಎಲಿಮಿನೇಟ್ ಆಗಿರುವ ಸ್ಪರ್ಧಿಗಳನ್ನು ಮತ್ತೊಮ್ಮೆ ಮನೆಯೊಳಗೆ ಕರೆತರಲಿದ್ದಾರೆ. 

ಈ ಬಾರಿ ಬಿಗ್ ಬಾಸ್ ತೆಲುಗು 8 ಸೀಸನ್ ಜನಪ್ರಿಯವಾಗಿಲ್ಲ.. ಇಂಟರೆಸ್ಟಿಂಗ್ ಇಲ್ಲ, ತುಂಬಾ ಸ್ಮೂತ್ ಆಗಿದ್ದು, ನಾಮಿನೇಷನ್ ತಪ್ಪಿದರೆ ಆಮೇಲೆ ಕಿಕ್ ಹೆಚ್ಚು ಸಿಗಲ್ಲ ಎಂಬ ಕಾಮೆಂಟ್ ಇದೆ. ಒಂದು ರೀತಿಯಲ್ಲಿ ಹೇಳುವುದಾದರೇ ಬರೀ ನೆಗೆಟಿವ್‌ ಕಾಮೆಂಟ್‌ಗಳು ಹೆಚ್ಚು ಕೇಳಿಬರುತ್ತಿವೆ. ಈಗಾಗಲೇ ಮನೆ ಪ್ರವೇಶಿಸಿದವರು ಹಾಗೂ ಮಾಜಿ ಸ್ಪರ್ಧಿಗಳೂ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. 

ಇದನ್ನೂ ಓದಿ-ಈ ಬಾರಿಯ ಬಿಗ್ ಬಾಸ್ ಇತಿಹಾಸದಲ್ಲೇ ಅತ್ಯಂತ ಕಡಿಮೆ ಸಂಭಾವನೆಯೊಂದಿಗೆ ಎಲಿಮಿನೇಟ್‌ ಆದ ಸ್ಪರ್ಧಿ ಇವರೇ! 

ಈ ಹಿನ್ನೆಲೆಯಲ್ಲಿ ಶೋನಲ್ಲಿ ಆಸಕ್ತಿ ಹೆಚ್ಚಿಸಲು ತಂಡ ಪ್ರಯತ್ನಿಸಲಿದೆ. ಹೀಗಾಗಿ ಈಗಾಗಲೇ ಎಲಿಮಿನೇಟ್ ಆಗಿರುವ ಸ್ಪರ್ಧಿಗಳನ್ನು ಮತ್ತೊಮ್ಮೆ ಮನೆಯೊಳಗೆ ಕರೆತರಲಾಗುತ್ತದೆ. ಆದರೆ ಅದು ವೈಲ್ಡ್ ಕಾರ್ಡ್ ಮೂಲಕ ಅಲ್ಲ. ಈ ಬಾರಿಯ ನಾಮಿನೇಷನ್ ಪ್ರಕ್ರಿಯೆಯನ್ನು ಹೊಸದಾಗಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ. ಮಾಜಿ ಸ್ಪರ್ಧಿಗಳಿಂದ ನಾಮಿನೇಷನ್‌ ನಡೆಯಲಿದೆ. ಹೌದು ಈಗಾಗಲೇ ಎಲಿಮಿನೇಟ್ ಆಗಿರುವ ಸೋನಿಯಾ, ಮೆಹಬೂಬ್, ನಯನಿ ಪಾವನಿ, ಹರಿತೇಜಾ, ಶೇಖರ್ ಬಾಷಾ, ಆದಿತ್ಯ ಓಂ, ನಾಗ ಮಣಿಕಂಠ, ಕಿರಕ್ ಸೀತಾ, ನೈನಿಕಾ ಮತ್ತೆ ಬಿಗ್‌ಬಾಸ್‌ ಮನೆಗೆ ಬರುತ್ತಿದ್ದಾರೆ. 

ಇದನ್ನೂ ಓದಿ-ಹಣ್ಣಿನ ಮೇಲೆ ಹಾಕಿರುವ ಸ್ಟಿಕರ್ ಮೂಲಕವೇ ತಿಳಿದುಕೊಳ್ಳಬಹುದು ಖರೀದಿಸುತ್ತಿರುವ ಹಣ್ಣಿನ ನಿಜ ಬಣ್ಣ ! ಸ್ಟಿಕ್ಕರ್ ಹೇಳುವ ಸತ್ಯಗಳು ಇವು!

ಇಲ್ಲಿಯವರೆಗೂ ಮನೆಯಲ್ಲಿರುವ ಇತರ ಸ್ಪರ್ಧಿಗಳಲ್ಲಿ ಯಾರು ಮನೆಯಲ್ಲಿ ಉಳಿಯಲು ಅನರ್ಹರು.. ಅರ್ಹರು ಎಂದು ಸೂಕ್ತ ಕಾರಣಗಳನ್ನು ನೀಡಿ ನಾಮಿನೇಷನ್‌ ಮಾಡುವ ಅಧಿಕಾರವನ್ನು ಮನೆಗೆ ಎಂಟ್ರಿಕೊಡುವ ಸ್ಪರ್ಧಿಗಳಿಗೆ ನೀಡಲಾಗಿದೆ.. ಅತಿ ಹೆಚ್ಚು ಮತ ಪಡೆದವರನ್ನು ನಾಮನಿರ್ದೇಶನ ಮಾಡಲಾಗುತ್ತದೆ. ಆದರೆ ಈ ಬಾರಿ ಮನೆಯಿಂದ ಹೊರ ಹೋದ ಸ್ಪರ್ಧಿಗಳು ಮತ್ತೆ ಮನೆಗೆ ಬಂದು ನಾಮಿನೇಟ್ ಮಾಡಲಿದ್ದಾರೆ. ಇದೊಂದು ಹೊಸ ಪ್ರಯೋಗವಾಗಲಿದೆ ಎಂದು ತಿಳಿದುಬಂದಿದೆ. ಇದು ಇಂದಿನ ಸಂಚಿಕೆಯಲ್ಲಿ ನಡೆಯಲಿದೆ ಎಂದು ವರದಿಯಾಗಿದೆ. ಮತ್ತು ಇದರಲ್ಲಿ ಎಷ್ಟು ಸತ್ಯಾಂಶವಿದೆ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ. 

 ಈ ವಾರದ ನಾಮನಿರ್ದೇಶನಗಳಲ್ಲಿ ಯಶ್ಮಿ, ಗೌತಮ್, ಪೃಥ್ವಿರಾಜ್, ತೇಜ, ಅವಿನಾಶ್ ಮತ್ತು ವಿಷ್ಣು ಪ್ರಿಯಾ ಇದ್ದಾರೆ. ಅವರಲ್ಲಿ ಪೃಥ್ವಿರಾಜ್ ಮತ್ತು ಗೌತಮ್ ಈಗಾಗಲೇ ಪಾರಾಗಿದ್ದಾರೆ. ಸದ್ಯ ಯಶ್ಮಿ, ವಿಷ್ಣು ಪ್ರಿಯಾ, ತೇಜ ಮತ್ತು ಅವಿನಾಶ್ ನಾಮಿನೇಷನ್ ನಲ್ಲಿದ್ದಾರೆ. ಯಾರು ಎಲಿಮಿನೇಟ್ ಆಗುತ್ತಾರೆ ಎಂಬುದು ಕುತೂಹಲ ಮೂಡಿಸಿದೆ. ಅವಿನಾಶ್ ಮತ್ತು ತೇಜಾ ಇಬ್ಬರಲ್ಲಿ ಒಬ್ಬರು ಎಲಿಮಿನೇಟ್ ಆಗಲಿದ್ದಾರೆ ಎಂದು ವರದಿಯಾಗಿದೆ.