`ನನ್ನನ್ನು ಬಿಗ್ ಬಾಸ್ ಮನೆಯಿಂದ ಹೊರ ಹಾಕಿ`.. ಧಿಡೀರ್‌ ಶೋಭಾ ಶೆಟ್ಟಿ ಈ ರೀತಿ ಹೇಳಿದ್ದೇಕೆ? ಅಷ್ಟಕ್ಕೂ ದೊಡ್ಮನೆಯಲ್ಲಿ ಅಂತದ್ದೇನಾಯ್ತು?!

Bigg Boss Kannada 11: ಬಿಗ್ ಬಾಸ್ ತೆಲುಗು ಖ್ಯಾತಿಯ ಕಾರ್ತಿಕ ದೀಪಂ ಮೋನಿತಾ ಅಲಿಯಾಸ್ ಶೋಭಾ ಶೆಟ್ಟಿ ಕೂಡ ಕನ್ನಡ ಬಿಗ್‌ಬಾಸ್‌ ಮನೆಯಲ್ಲಿ ಇದ್ದಾರೆ. ಅಲ್ಲದೇ ರಜತ್ ಎಂಬ ಮತ್ತೊಬ್ಬ ಸ್ಪರ್ಧಿ ಕೂಡ ವೈಲ್ಡ್ ಕಾರ್ಡ್ ಎಂಟ್ರಿ ಕೊಟ್ಟಿದ್ದಾರೆ. ಅವರೀಗ ಮನೆಯ ಟಾಪ್ ಸ್ಪರ್ಧಿ. ರಜತ್ ಈ ಸೀಸನ್‌ನ ವಿನ್ನರ್ ಎಂಬ ಮಾತುಗಳು ಕೇಳಿಬರುತ್ತಿವೆ. ಆದರೆ ರಜತ್ ಜೊತೆಗೆ ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಕೊಟ್ಟ ಶೋಭಾಶೆಟ್ಟಿಗೆ ಬಿಗ್ ಬಾಸ್ ಮನೆಯಲ್ಲಿ ಇರಲು ಸಾಧ್ಯವಾಗುತ್ತಿಲ್ಲ.

ಮನೆ ಪ್ರವೇಶಿಸಿದಾಗ ಫುಲ್ ಸ್ವಿಂಗ್ ಆಗಿ ಕಾಣಿಸಿಕೊಂಡಿದ್ದ ಶೋಭಾ ಈಗ ಸಂಪೂರ್ಣ ಸೈಲೆಂಟ್ ಆಗಿದ್ದಾರೆ. ಬಿಗ್ ಬಾಸ್ ನಿಂದ ಹೊರ ಹೋಗುತ್ತೇನೆ ಎಂದು ಅಳಲು ತೋಡಿಕೊಂಡಿದ್ದಾರೆ. ಶೋಭಾ ಶೆಟ್ಟಿ ಈ ವಾರ ನಾಮಿನೇಷನ್ ನಲ್ಲಿ ನಿಂತಿದ್ದರು. ಆದರೆ ಪ್ರೇಕ್ಷಕರು ಆಕೆಗೆ ಮತ ನೀಡಿ ರಕ್ಷಿಸಿದ್ದಾರೆ. ಆದರೆ ಶೋಭಾಶೆಟ್ಟಿಗೆ ಮನೆಯಲ್ಲಿ ಇರಲು ಇಷ್ಟವಿಲ್ಲ. ಈ ವಿಷಯವನ್ನು ಸುದೀಪ್ ಬಳಿ ಹೇಳಿದ ಶೋಭಾಶೆಟ್ಟಿ, ಆಕೆಯನ್ನು ಹೊರಗೆ ಕಳುಹಿಸುವಂತೆ ವಿನಮ್ರವಾಗಿ ಬೇಡಿಕೊಂಡರು.

ಇದನ್ನೂ ಓದಿ-ಐಶ್ವರ್ಯ ರೈ ಅವರ ಅತ್ತಿಗೆ ಯಾರು ಗೊತ್ತಾ..? ಮಾಜಿ ವಿಶ್ವ ಸುಂದರಿಯನ್ನೆ ಬೀಟ್‌ ಮಾಡುವಂತಿದ್ದಾರೆ ಸಹೋದರನ ಪತ್ನಿ..!!

ಶೋಭಾಶೆಟ್ಟಿಗೆ ಸುದೀಪ್ ಸಲಹೆಯನ್ನೂ ನೀಡಿದರು.. 'ಈ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಿರುವ ಉದ್ದೇಶ ಏನೆಂದು ಒಮ್ಮೆ ಯೋಚಿಸಿ' ಎಂದು ಹೇಳಿದರು... ಅದಾದ ನಂತರ, 'ನಿಮಗೆ ಮತ ಹಾಕಿದ ಪ್ರೇಕ್ಷಕರಿಗೆ ಅನ್ಯಾಯವಾದರೆ ಏನು ಹೇಳುತ್ತೀರಿ?' ಆದರೂ ಶೋಭಾಶೆಟ್ಟಿ ಹೊರ ಹೋಗಲೇಬೇಕು ಎಂದು ಪಟ್ಟು ಹಿಡಿದರು. ಕೊನೆಗೂ ಶೋಭಾಶೆಟ್ಟಿ ಮಾತಿಗೆ ಕೋಪಗೊಂಡ ಸುದೀಪ್ ಬಿಗ್ ಬಾಸ್ ಮನೆಯ ಬಾಗಿಲು ತೆರೆದರು. ಆದರೆ ಶೋಭಾಶೆಟ್ಟಿ ಹೊರ ಹೋಗಿದ್ದಾರೋ ಇಲ್ಲವೋ ಎಂಬುದು ಇಂದಿನ ರಾತ್ರಿಯ ಸಂಚಿಕೆಯಿಂದ ಸ್ಪಷ್ಟವಾಗಲಿದೆ.

ಭಾನುವಾರದ ಎಂದರೇ ಇಂದಿನ ಸಂಚಿಕೆಯಲ್ಲಿ ಶೋಭಾ ಶೆಟ್ಟಿ ಸುದೀಪ್ ಮುಂದೆ ಮನೆ ಬಿಟ್ಟು ಹೋಗುತ್ತೇನೆ ಎಂದು ಹಠ ಹಿಡಿದಿದ್ದಾರೆ. ಸುದೀಪ್ ಕೂಡ ಬಿಗ್ ಬಾಸ್ ಗೇಟ್ ಓಪನ್ ಮಾಡಿದ್ದಾರೆ. ಶೋಭಾಶೆಟ್ಟಿ ಮನೆಯಿಂದ ಹೊರಗೆ ಹೋಗಿದ್ದಾರಾ? ಅಥವಾ ಇಲ್ಲವಾ? ಎಂಬುದನ್ನು ತಿಳಿಯಲು ಇಂದು ರಾತ್ರಿಯ ಸಂಚಿಕೆಯವರೆಗೆ ಕಾಯಲೇಬೇಕು.