BBK 10 : ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಸ್ಪರ್ಧಿಗಳ ಲಿಸ್ಟ್‌ ವೈರಲ್‌!

Bigg Boss Season 10 : ಕಿರುತೆರೆಯ ಬಹು ನಿರೀಕ್ಷಿತ ರಿಯಾಲಿಟಿ ಶೋ ಬಿಗ್‌ ಬಾಸ್‌ ಕನ್ನಡ. ಕಲರ್ಸ್‌ ಕನ್ನಡದಲ್ಲಿ ಬಿಗ್‌ಬಾಸ್‌ ರಿಯಾಲಿಟಿ ಶೋ ಪ್ರಸಾರವಾಗುತ್ತದೆ. ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಬಗ್ಗೆ ಅಪ್‌ಡೇಟ್‌ಗಳು ವೈರಲ್‌ ಆಗುತ್ತಿವೆ. ಕಳೆದ ಬಾರಿಯಂತೆ ಈ ಸಲ ಬಿಗ್‌ಬಾಸ್‌ ಓಟಿಟಿ ನಡೆಯುವ ಸಾಧ್ಯತೆ ವಿರಳ. ಹಾಗಾಗಿ ನೇರವಾಗಿ ಟಿವಿಯಲ್ಲಿ ಬಿಗ್‌ ಬಾಸ್ ಶೋ ನಡೆಯುವ ಸಾಧ್ಯತೆ ಇದೆ. 

ಇದನ್ನೂ ಓದಿ: ವಿಜಯ್ ದೇವರಕೊಂಡ ಭಾವಿ ಹೆಂಡತಿ ಬಗ್ಗೆ ಸಮಂತಾ ರುತ್‌ ಪ್ರಭು ಮಾತು

ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10  ಸಪ್ಟೆಂಬರ್‌ನಿಂದ ಶುರುವಾಗುವ ಸಾಧ್ಯತೆಯಿದೆ. ಇದೇ ಕಾರಣಕ್ಕಾಗಿ ಸ್ಪರ್ಧಿಗಳ ಲಿಸ್ಟ್‌ ವೈರಲ್‌ ಆಗದೆ. ಯಾರೆಲ್ಲ ಸ್ಪರ್ಧಿಗಳಾಗಿ ಆಗಮಿಸಲಿದ್ದಾರೆ ಎಂಬ ಚರ್ಚೆ ಸಹ ಜೋರಾಗಿ ನಡೆದಿದೆ. ಸೆಪ್ಟೆಂಬರ್‌ ಕೊನೆಯ ವಾರ ಅಥವಾ ಅಕ್ಟೋಬರ್‌ ಮೊದಲ ವಾರದಲ್ಲಿ ಬಿಗ್‌ಬಾಸ್‌ ಶುರುವಾಗುವ ಸಾಧ್ಯತೆ ಇದೆ. 

ನಾಗಿಣಿ ಧಾರಾವಾಹಿ ಖ್ಯಾತಿಯ ನಮ್ರತಾ ಗೌಡ, ಸೋಷಿಯಲ್‌ ಮೀಡಿಯಾ ಇನ್‌ಫ್ಲುಯೆನ್ಸರ್‌ ಭೂಮಿಕಾ ಬಸವರಾಜ್‌ ಮತ್ತು ವರ್ಷ ಕಾವೇರಿ, ನಟಿ ರೇಖಾ, ಕಿರುತೆರೆ ನಟ ರಾಜೇಶ್‌ ಧ್ರುವ, ಶನಿ ಸೀರಿಯಲ್‌ ಖ್ಯಾತಿಯ ಸುನೀಲ್‌ ಅವರ ಹೆಸರು ವೈರಲ್‌ ಆಗುತ್ತಿದೆ. ದೊಡ್ಮನೆಗೆ ಆಗಮಿಸುವ 15 ಕಲಾವಿದರ ಪೈಕಿ ಐವರ ಹೆಸರು ಜೋರಾಗಿ ಹರಿದಾಡುತ್ತಿದೆ.

ಇದನ್ನೂ ಓದಿ: ಗಲ್ಲಾಪೆಟ್ಟಿಗೆಯಲ್ಲಿ ಜೈಲರ್‌ ಹೊಸ ದಾಖಲೆ!! ಒಟ್ಟು ಕಲೆಕ್ಷನ್‌ ಎಷ್ಟು ಕೋಟಿ ಗೊತ್ತಾ?

ಪ್ರತಿಬಾರಿಯಂತೆ ಈ ಬಾರಿಯೂ ವಾರದ ಕಥೆ ಕಿಚ್ಚನ ಜೊತೆ, ಸೂಪರ್ ಸಂಡೆ ವಿತ್ ಸುದೀಪ ಅಂತಹ ಸಂಚಿಕೆಗಳಲ್ಲಿ ನಟ ಸುದೀಪ್‌ರನ್ನು ನೋಡಲು ಫ್ಯಾನ್ಸ್‌ ಉತ್ಸುಕರಾಗಿದ್ದಾರೆ. ವಾರಕ್ಕೊಂದು ಎಲಿಮಿನೇಷನ್‌ ಜೊತೆ ಮೈ ನವಿರೇಳಿಸುವ ಟಾಸ್ಕ್‌ಗಳನ್ನು ನೋಡಲು ಜನ ಕಾದು ಕುಳಿತಿದ್ದಾರೆ. ಒಟ್ಟಾರೆ ಶೀಘ್ರದಲ್ಲೇ ಬಿಗ್‌ ಬಾಸ್‌ ಕನ್ನಡ 10 ಶುರುವಾಗಲಿದ್ದು, ಜನರಿಗೆ ಮನರಂಜನೆಯ ರಸದೌತಣ ನೀಡಲಿದೆ.