Drone Prathap : ಬಿಗ್‌ಬಾಸ್‌ ಮನೆಯಲ್ಲಿ ಆತ್ಮಹತ್ಯೆಗೆ ಯತ್ನಿಸಿದ್ರಾ ಡ್ರೋನ್‌ ಪ್ರತಾಪ್‌..!? ನಿಜವಾಗಿ ರಾತ್ರಿ ಆಗಿದ್ದೇನು..?

Drone Prathap Suicide : ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10 ಹೊಸ ಹೊಸ ವಿವಾದಗಳಿಗೆ ಕಾರಣವಾಗುತ್ತಿದೆ. ಸ್ಪರ್ಧಿಗಳ ಜಗಳದಿಂದ ಹಿಡಿದು ಒಂದಲ್ಲ ಒಂದು ವಿಚಾರದಲ್ಲಿ ಸದಾ ಸುದ್ದಿಯಲ್ಲಿರುತ್ತದೆ. ಸಧ್ಯ ಡ್ರೋನ್‌ ಪ್ರತಾಪ್‌ಗೆ ಸಂಬಂಧಿಸಿ ವಿಚಾರವೊಂದು ಮುನ್ನೆಲೆಗೆ ಬಂದಿದ್ದು, ಇಂಟರ್‌ನೆಟ್‌ನಲ್ಲಿ ಸಂಚಲನ ಸೃಷ್ಟಿಸುತ್ತಿದೆ.

ಹೌದು.. ಕಳೆದ ರಾತ್ರಿಯಿಂದ ಡ್ರೋನ್‌ ಪ್ರತಾಪ್‌ ದೊಡ್ಮನೆಯಲ್ಲಿ ಕಾಣುತ್ತಿಲ್ಲ. ಇದರಿಂದಾಗಿ ಅವರ ಅಭಿಮಾನಿಗಳು ಅತಂಕಗೊಂಡಿದ್ದರು. ಅಲ್ಲದೆ, ಸೋಷಿಯಲ್‌ ಮಿಡಿಯಾದಲ್ಲಿ ನೆಟ್ಟಿಗರು ವಂದತಿ ಹಬ್ಬಿಸಲು ಶುರುಮಾಡಿದ್ದು, ಪ್ರತಾಪ್‌ ಆತ್ಮಹತ್ಯೆಗೆ ಯತ್ನಿಸಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದು ಹೇಳಲಾಗುತಿದೆ. ಆದರೆ ಈ ಕುರಿತು ಬಿಗ್‌ಬಾಸ್‌ ಯಾವುದೇ ಅಪ್‌ಡೇಟ್‌ ನೀಡಿಲ್ಲ. 

ಇದನ್ನೂ ಓದಿ: ಯಶ್‌ ʼಟಾಕ್ಸಿಕ್‌ʼ ಮೂಲಕ ಸ್ಯಾಂಡಲ್‌ವುಡ್‌ಗೆ ಬಿಟೌನ್‌ ಬೇಬಿ ಕರೀನಾ ಎಂಟ್ರಿ..! 

ನೆಟ್ಟಿಗರು ಮಾತ್ರ ಪ್ರತಾಪ್‌ ಆತ್ಮಹತ್ಯೆಗೆ ಯತ್ನಿಸಿ ಆಸ್ಪತ್ರೆ ಸೇರಿದ್ದಾರೆ ಎಂದು ಚರ್ಚೆ ಮಾಡುತ್ತಿದ್ದಾರೆ. ಅಲ್ಲದೆ, ಇನ್ನು ಕೆಲವರು, ಅವರ ಆರೋಗ್ಯದಲ್ಲಿ ಏರುಪೇರಾದ ಹಿನ್ನೆಲೆ ಅವರನ್ನು ಆಸ್ಪತ್ರೆಗೆ ದಾಖಲಿಸಾಗಿದ್ದು, ಅದಷ್ಟು ಬೇಗ ಬಿಗ್‌ಬಾಸ್‌ ಮನೆ ಸೇರ್ತಾರೆ ಅಂತ ಹೇಳುತ್ತಿದ್ದಾರೆ. ಪ್ರತಾಪ್‌ ಸೊಷಿಯಲ್‌ ಮೀಡಿಯಾ ಹ್ಯಾಂಡಲ್‌ ಟೀಮ್‌ ಸಹ ಈ ಕುರಿತು ಅಪ್‌ಡೇಟ್‌ ನೀಡಿದೆ.

ನಿನ್ನೆ ಆಹಾರದಲ್ಲಿ ವ್ಯತ್ಯಾಸವಾದ ಹಿನ್ನೆಲೆ ಪ್ರತಾಪ್‌ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ. ಅವರು ಆರೋಗ್ಯವಾಗಿದ್ದು, ಬಿಗ್‌ಬಾಸ್‌ಗೆ ಮರಳಲಿದ್ದಾರೆ ಎಂದು ಪ್ರತಾಪ್‌ ಟೀಂ ತಿಳಿಸಿದೆ. ಆದ್ರೆ ನೆಟ್ಟಿಗರು, ಕೋವಿಡ್‌ ಸೋಂಕು ತಗುಲಿದೆ, ಆತ್ಮಹತ್ಯೆಗೆ ಯತ್ನ ಮಾಡಿದ್ದಾರೆ, ಗಂಭೀರ ಆರೋಗ್ಯ ಸಮಸ್ಯೆ ಎದುರಿಸುತ್ತಿದ್ದಾರೆ ಎಂದು ವದಂತಿ ಹಬ್ಬಿಸುತ್ತಿದ್ದಾರೆ. ಈ ಕುರಿತು ಬಿಗ್‌ಬಾಸ್‌ ಸ್ಪಷ್ಟತೆ ನೀಡಬೇಕಿದೆ.