ಬಿಗ್‌ ಬಾಸ್‌ ಮನೆಯಲ್ಲಿ ಜಡೆ ಜಗಳ.. ನಮ್ರತಾ ಜೊತೆ ವಾದಕ್ಕಿಳಿದು ಕಣ್ಣೀರಿಟ್ಟ ತನಿಷಾ!

Kannada Bigg Boss 10 Nomination : ಬಿಗ್ ಬಾಸ್ ಕನ್ನಡ 10 ರ ಮೂರನೇ ದಿನವೇ ನಾಮಿನೇಷನ್ ಪ್ರಕ್ರಿಯೆ ನಡೆದಿದೆ. ನಾಮಿನೇಷನ್ ಪ್ರಕ್ರಿಯೆಯನ್ನು ಎರಡು ಹಂತಗಳಲ್ಲಿ ಮಾಡಲಾಗಿದೆ. ಅಸಮರ್ಥರ ಪೈಕಿ ಪ್ರತಾಪ್, ವರ್ತೂರು, ಸಂತೋಷ್, ಕಾರ್ತಿಕ್ ಹಾಗೂ ತನಿಷಾ ಕುಪ್ಪಂಡ ನಾಮಿನೇಟ್ ಆಗಿದ್ದಾರೆ. ಇನ್ನೂ ಸಮರ್ಥರ ಪೈಕಿ ಸ್ನೇಕ್ ಶ್ಯಾಮ್, ಮೈಕಲ್ ಅಜಯ್, ನೀತು ವನಜಾಕ್ಷಿ ಹಾಗೂ ಸಿರಿ ನಾಮಿನೇಟ್ ಆಗಿದ್ದಾರೆ.  

ನಾಮಿನೇಷನ್‌ ವೇಳೆ ನಮ್ರತಾ ಗೌಡ ಅವರು ಅಸಮರ್ಥರ ಪೈಕಿ ತನಿಷಾ ಕುಪ್ಪಂಡ ಅವರ ಹೆಸರನ್ನು ತೆಗೆದುಕೊಂಡಿದ್ದಾರೆ. ಇದಕ್ಕೆ ಸೂಕ್ತ ಕಾರಣ ನೀಡುವ ವೇಳೆ, ತನಿಷಾ ಬಗ್ಗೆ ಕೊಟ್ಟ ಕಾರಣವೇ ಈಗ ಜಗಳಕ್ಕೆ ಕಾಋಣವಾಗಿದೆ. ಅವರ ಕಡೆಯಿಂದ ಕಂಟಿನ್ಯೂಸ್‌ ಆಗಿ ಡಿಸ್ಬರ್ಬನ್ಸ್‌ ಇರುತ್ತೆ ಎಂದು ನಮ್ರತಾ ಹೇಳಿದ್ದರು. ಈ ಮಾತು ತನಿಷಾ ಅವರ ಅಸಮಾಧಾನಕ್ಕೆ ಕಾರಣವಾಗಿದೆ. 

ಇದನ್ನೂ ಓದಿ: ಕನ್ನಡ ಬಿಗ್‌ ಬಾಸ್‌ ಇತಿಹಾಸದಲ್ಲೇ ಇದೇ ಮೊದಲು ಕಾಣಿಸಿಕೊಳ್ತು ಇಂಥದ್ದೊಂದು ಪ್ರಾಬ್ಲಮ್‌!!

ನಾಮಿನೇಷನ್‌ ಪ್ರಕ್ರಿಯೆ ಮುಗಿದ ಬಳಿಕ ನಮ್ರತಾ ಮತ್ತು ತನಿಷಾ ನಡುವೆ ಇದೇ ವಿಚಾರಕ್ಕೆ ವಾದ ನಡೆದಿದೆ. ಈ ವೇಳೆ ನನ್ನ ವಾಯ್ಸ್‌ ಜೋರಾಗಿಯೇ ಇರೋದು ಎಂದು ತನಿಷಾ ಹೇಳಿದ್ದಾರೆ. ಇದಕ್ಕೆ ನಮ್ರತಾ ನಾನು ಹೇಳಿದ್ದು ಹಾಗಲ್ಲ, ನಿಮ್ಮ ವಾಯ್ಸ್‌ ಡಾಮಿನೇಟಿಂಗ್‌ ಆಗಿತ್ತು ಹೀಗೆ ಇಬ್ಬರ ನಡುವೆ ವಾದ ಮುಂದುವರೆದಿದ್ದು, ಕೊನೆಗೆ ತನಿಷಾ ಅಳಲು ಆರಂಭಿಸಿದ್ದಾರೆ.