ಕನ್ನಡ ಬಿಗ್‌ ಬಾಸ್‌ ಇತಿಹಾಸದಲ್ಲೇ ಇದೇ ಮೊದಲು ಕಾಣಿಸಿಕೊಳ್ತು ಇಂಥದ್ದೊಂದು ಪ್ರಾಬ್ಲಮ್‌!!

Kannada Bigg Boss 10 : ಬಿಗ್ ಬಾಸ್ ಸೀಸನ್ 10 ರ ರಿಯಲ್ ಆಟ ಶುರುವಾಗಿದೆ. ರೀಲ್‌ ಮುಂದೆ ಮಿಂಚಿದವರ ರಿಯಲ್‌ ಮುಖ ಆಚೆ ಬರುತ್ತಿದೆ. ಸಣ್ಣ ಪುಟ್ಟ ಮನಸ್ತಾಪಗಳು ಶುರುವಾಗುತ್ತಿವೆ. ಇದರ ಜೊತೆಗೆ ಸ್ಪರ್ಧಿಗಳು ತಮ್ಮ ತಮ್ಮ ಟ್ಯಾಲೆಂಟ್‌ ಅನ್ನು ಹೊರಹಾಕುತ್ತಿದ್ದಾರೆ. ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಕೆಲವು ಮನಸ್ಸುಗಳು ಹತ್ತಿರವಾಗುತ್ತಿದ್ದರೆ, ಮತ್ತೆ ಕೆಲವರ ವೈಬ್ಸ್‌ ಮ್ಯಾಚ್‌ ಆಗುತ್ತಿಲ್ಲ. 

ಬಿಗ್‌ ಬಾಸ್‌ನ ಮೊದಲ ದಿನ ಎಲ್ಲ ಸ್ಪರ್ಧಿಗಳು ಗಾರ್ಡನ್‌ ಏರಿಯಾದಲ್ಲಿ ಕುಳಿತು ಹರಟೆ ಹೊಡೆಯುತ್ತಿರುತ್ತಾರೆ. ಆಗ ತಕ್ಷಣ ಬಿಗ್ ಬಾಸ್ ಧ್ವನಿ‌ ಕೇಳುತ್ತದೆ. ಇಷ್ಟು ಸೀಸನ್‌ನಲ್ಲಿ ಎದುರಾಗದ ಸಮಸ್ಯೆ, ಈ ಸೀಸನ್‌ನಲ್ಲಿ ಕಂಡಿದೆ. ಎಲ್ಲರೂ ಇದರಿಂದ ಗೊಂದಲಗೊಂಡಿದ್ದಾರೆ. ಈ ಸಮಸ್ಯೆಗೆ ಒಂದು ಪರಿಹಾರ ಹುಡುಕಬೇಕು ಎಂದು ಬಿಗ್‌ ಬಾಸ್‌ ಹೇಳುತ್ತಾರೆ. 

ಬಿಗ್‌ ಬಾಸ್‌ ಮನೆಯ ಇತಿಹಾಸದಲ್ಲೇ ಇಂಥದ್ದೊಂದು ಸಮಸ್ಯೆ ಎದುರಾಗಿರಲಿಲ್ಲ ಅಂದ ತಕ್ಷಣ ಸ್ಪರ್ಧಿಗಳು ಅರೆಕ್ಷಣ ಗಾಬರಿಯಾಗುತ್ತಾರೆ. ನೋಡುಗರು ಸಹ ಶಾಕ್ ಆಗಿದ್ದರು. ಈ ಸಮಸ್ಯೆ ಏನಪ್ಪ ಎಂದು ತಲೆ ಕೆಡಿಸಿಕೊಂಡಿದ್ದರು.

ಇದನ್ನೂ ಓದಿ: Bigg Boss 10: ದೊಡ್ಮನೆಯಲ್ಲಿ ಬಿಗ್‌ ಫೈಟ್‌.. ಮೂರನೇ ದಿನವೇ ಶುರುವಾದ ಜಗಳ, ನೂರು ದಿನ ಸಾಗೋದು ಹೇಗೆ?

ಆಗ ಬಿಗ್ ಬಾಸ್ ಇಬ್ಬರು ಸಂತೋಷ್‌ ಎದ್ದು ನಿಲ್ಲಿ ಎನ್ನುತ್ತಾರೆ. ಬಿಗ್ ಬಾಸ್ ಮನೆಯಲ್ಲಿ ತುಕಾಲಿ ಸಂತೋಷ್,  ವರ್ತೂರು ಸಂತೋಷ್ ಸೇರಿ ಇಬ್ಬರು ಸಂತೋಷ್ ಇದ್ದಾರೆ. ಬಿಗ್ ಬಾಸ್‌ ಇಬ್ಬರನ್ನು ಹೇಗೆ ಕರೆಯಬೇಕು ಎಂದು ತಿಳಿದಿಲ್ಲ. ನೀವೇ ಆಯ್ಕೆ ಮಾಡಿ ಎಂದು ಬಿಗ್‌ ಬಾಶ್‌ ಹೇಳುತ್ತಾರೆ.

ಕೆಲ ಕ್ಷಣದ ಬಳಿಕ ವರ್ತೂರು ಸಂತೋಷ್ ಅವರನ್ನು ಸಂತೋಷ್ ಎಂದು ಕರೆಯುತ್ತೇವೆ ಎನ್ನುತ್ತಾರೆ ಬಿಗ್‌ಬಾಶ್‌. ಆ ಬಳಿಕ ತುಕಾಲಿ ಸಂತೋಷ್ ಅವರನ್ನು ತುಕಾಲಿ ಎಂದು ಹೇಳುವುದಕ್ಕೆ ನಮಗೂ ಬೇಸರವಾಗುತ್ತೆ ಎಂದಿದ್ದಾರೆ. ಅದಕ್ಕೆ ಸ್ವಲ್ಪ ಮರ್ಯಾದೆ ಕೊಟ್ಟು ತುಕಾಲಿ ಅವರೆ ಎಂದು ಬಿಗ್‌ ಬಾಸ್‌ ಕರೆದಿದ್ದಾರೆ. ಈ ಮೂಲಕ ಕಳೆದ 9 ಸೀಸನ್‌ಗಳಲ್ಲಿ ಎದುರಾಗದ ಬಹುದೊಡ್ಡ ಸಮಸ್ಯೆಗೆ ಬಿಗ್‌ ಬಾಸ್‌ ಪರಿಹಾರ ನೀಡಿದ್ದಾರೆ. 

ಇದನ್ನೂ ಓದಿ: ಬಿಗ್ ಬಾಸ್ ಮನೆ ಸೇರಿದ 17 ಸ್ಪರ್ಧಿಗಳು ಇವರೇ.. ಇಲ್ಲಿದೆ ನೋಡಿ ಸಂಪೂರ್ಣ ವಿವರ