`ಕ್ರಿಕೆಟಿಗರು ನನ್ನತ್ತ ನೋಡುತ್ತಿದ್ದರು, ನನಗೆ ಭಯವಾಗುತ್ತಿತ್ತು` ಕ್ರಿಕೆಟ್ ಹೋಸ್ಟಿಂಗ್‌ನ ರಹಸ್ಯ ಬಿಚ್ಚಿಟ್ಟ ಮಂದಿರಾ ಬೇಡಿ!!

Mandira Bedi revealed the secret of cricket hosting: ಕ್ರಿಕೆಟ್ ಹೋಸ್ಟಿಂಗ್‌ನಲ್ಲಿ ಸಾಕಷ್ಟು ಹೆಸರು ಗಳಿಸಿದ ಮೊದಲ ನಟಿ ಮಂದಿರಾ ಬೇಡಿ. ಆದರೆ ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಹೋಸ್ಟ್‌ ಮಾಡುವುದು ಅಷ್ಟು ಸುಲಭವಾಗಿರಲಿಲ್ಲ. ಅವರು ಅನೇಕ ಬಾರಿ ಸಂಕಷ್ಟಗಳನ್ನು ಎದುರಿಸಬೇಕಾಯಿತು. ಇದೀಗ ನಟಿ ಸಂದರ್ಶನವೊಂದರಲ್ಲಿ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.

ಇತ್ತೀಚೆಗೆ ನೀಡಿದ್ದ ಸಂದರ್ಶನದಲ್ಲಿ, ಮಂದಿರಾ ಬೇಡಿ, "ಆ ಸಮಯದಲ್ಲಿ ನಮ್ಮಲ್ಲಿ ಸೋಶಿಯಲ್ ಮೀಡಿಯಾ ಇರಲಿಲ್ಲ, ನೀವು ಇಂದು ಜನರ ಕಾಮೆಂಟ್‌ಗಳನ್ನು ನೋಡಬಹುದು. ನಮ್ಮಲ್ಲಿ ಇಂಟರ್ನೆಟ್ ಇತ್ತು, ಆದರೆ ಈಗಿನಂತೆ ಇರಲಿಲ್ಲ. ಕ್ರಿಕೆಟ್‌ನಲ್ಲಿ ನನ್ನ ಸಮಯದಿಂದ ನಾನು ಕಲಿತದ್ದು ಏನೆಂದರೆ ಜೀವನದಲ್ಲಿ ನಿಮ್ಮನ್ನು ಇಷ್ಟಪಡುವ ಜನರು ಇರುತ್ತಾರೆ, ನಿಮ್ಮನ್ನು ಇಷ್ಟಪಡದ ಜನರು ಇರುತ್ತಾರೆ, ಆದ್ದರಿಂದ ನಿಮ್ಮನ್ನು ಇಷ್ಟಪಡುವ ಜನರಿಗೆ ಕೃತಜ್ಞರಾಗಿರಿ ಮತ್ತು ನಿಮ್ಮನ್ನು ಇಷ್ಟಪಡದವರನ್ನು ಮೆಚ್ಚಿಸಲು ಪ್ರಯತ್ನಿಸಬೇಡಿ." ಎಂದಿದ್ದಾರೆ.. 

ಇದನ್ನೂ ಓದಿ-Mannat Inside Photos: ಶಾರುಖ್ ಖಾನ್ ವಾಸಿಸುವ 200 ಕೋಟಿಯ ʻಮನ್ನತ್‌ʼ... ಸ್ವರ್ಗವೇ ಧರೆಗಿಳಿದಂತಿದೆ ಒಳಾಂಗಣ ನೋಟ, ಇಲ್ಲಿವೆ ಫೋಟೋಸ್

 "ಆಂಕರಿಂಗ್ ಮಾಡಲು ನಿರಂತರವಾಗಿ ಆಫರ್‌ಗಳು ಬರುತ್ತಿವೆ.. ಆದರೆ ಈ ಕಾರಣದಿಂದ ನಾನು ನಟಿ ಎಂಬುದನ್ನೇ ಎಲ್ಲರೂ ಮರೆತಿದ್ದಾರೆ ನನಗೆ ನಟನೆಯ ಆಫರ್ ಬರುವುದು ನಿಂತಿದೆ... ಎಂಟು ವರ್ಷ ನಟಿಸಿದ್ದೆ ಆದರೆ ಆ್ಯಂಕರಿಂಗ್ ಮಾಡಿದ್ದರಿಂದ ಸಿನಿರಂಗದಲ್ಲಿ ನನ್ನ ನೆನಪಾಗಲಿಲ್ಲ" ಎನ್ನುತ್ತಾರೆ ನಟಿ. 

"ಸಂದರ್ಶನದ ಸಮಯದಲ್ಲಿ ಜನರು ಮತ್ತು ಕ್ರಿಕೆಟಿಗರು ನನ್ನತ್ತ ನೋಡುತ್ತಿದ್ದರು, ಇದರಿಂದಾಗಿ ಅವರು ಕೆಲವೊಮ್ಮೆ ಭಯವಾಗುತ್ತಿತ್ತು.. ಎಂದು ಮಂದಿರಾ ಥ್ರೋಬ್ಯಾಕ್ ಸಂದರ್ಶನದಲ್ಲಿ ಬಹಿರಂಗಪಡಿಸಿದ್ದಾರೆ. ಇಷ್ಟೇ ಅಲ್ಲ, ಪಂದ್ಯದ ಪೂರ್ವ ಪ್ರದರ್ಶನದ ವೇಳೆ ಹಲವು ಕ್ರಿಕೆಟಿಗರು ನನ್ನನ್ನು ದಿಟ್ಟಿಸುತ್ತಿದ್ದರು. ಅನೇಕ ಬಾರಿ, ಕ್ರಿಕೆಟಿಗರು ನಮ್ಮ ಪ್ರಶ್ನೆಗಳಿಗೆ ಉತ್ತರಿಸಲು ನಿರಾಕರಿಸಿದ್ದುಂಟು ಇದರಿಂದಾಗಿ ಸಾಕಷ್ಟು ಟೀಕೆಗಳನ್ನು ಎದುರಿಸಬೇಕಾಯಿತು" ಎಂದು ಹೇಳಿಕೊಂಡಿದ್ದಾರೆ..