ʼಜೈಲರ್‌ʼ ಸಿನಿಮಾದ ಎರಡನೇ ಸಾಂಗ್‌ ರಿಲೀಸ್‌ಗೆ ಮುಹೂರ್ತ ಫಿಕ್ಸ್..!‌

Jailer Film : ನೆಲ್ಸನ್‌ ಕುಮಾರ್‌ ನಿರ್ದೇಶನದಲ್ಲಿ ಮೂಡಿಬಂದಿರುವ ʼಜೈಲರ್‌ʼ ಸಿನಿಮಾ ಬೆಟ್ಟದಷ್ಟು ನಿರೀಕ್ಷೆ ಮೂಡಿಸಿದೆ. ಸದ್ಯ ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳೂ ಸಹ ಮುಕ್ತಾಯಗೊಂಡಿವೆ ಹಾಗೂ ಚಿತ್ರದ ರಿಲೀಸ್‌ ದಿನಾಂಕ ಹತ್ತಿರವಿದೆ. 

ಸದ್ಯ ಈ ಜೈಲರ್‌ ಸಿನಿಮಾ ತಂಡ ಹಾಡುಗಳನ್ನು ಬಿಡುಗಡೆ ಮಾಡುವ ಮೂಲಕ ಚಿತ್ರದ ಪ್ರಚಾರದ ಜೊತೆಗೆ ಕ್ರೆಜ್‌ ಹೆಚ್ಚಿಸುತ್ತಿದೆ. ಮೊದಲು ಜುಲೈ 6ರಂದು ಚಿತ್ರದ ಮೊದಲ ಹಾಡನ್ನು ಬಿಡುಗಡೆ ಮಾಡಿದ್ದ ತಂಡ ಜುಲೈ 17ರ ಸೋಮವಾರ ತನ್ನ 2ನೇ ಹಾಡನ್ನು ರಿಲೀಸ್‌ ಮಾಡಲು ಮುಂದಾಗಿದೆ. ಹೌದು ಚಿತ್ರತಂಡ ಇದೀಗ ʼಹುಕುಮ್‌ʼ ಎಂಬ ಹಾಡನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ.

ಇದನ್ನೂ ಓದಿ-ಪ್ರಭಾಸ್ ನಟನೆಯ Project K ಟೈಟಲ್‌ ರಿವೀಲ್‌!!

ಚಿತ್ರದ ಮೊದಲ ಹಾಡು ಕಾವಾಲಾ ಸೋಷಿಯಲ್‌ ಮಿಡಿಯಾದಲ್ಲಿ ಧೂಳ್‌ ಎಬ್ಬಿಸಿದೆ. ಮಿಲಿಯನ್‌ಗಟ್ಟಲೇ ವೀವ್ಸ್‌ ಪಡೆಯುತ್ತಿದೆ. ಇದರ ಜೊತೆಗೆ ಇನ್ನೊಂದು ಸಾಂಗ್‌ ಹವಾ ಮಾಡಲು ತಯಾರಾಗಿದೆ. ಇನ್ನು ಕಾವಾಲಾ ಹಾಡಿನಲ್ಲಿ ತಮನ್ನಾ ಸ್ಟೆಪ್‌ಗೆ ಸಿನಿಪ್ರಿಯರು ಫಿದಾ ಆಗಿದ್ದಾರೆ. ಇನ್ನು ಎರಡನೇ ಹಾಡು ಹೀಗೆ ಇರಲಿದೆ ಎನ್ನುವ ನಂಬಿಕೆಯೊಂದಿಗೆ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.