D Boss ಸ್ಪೆಷಲ್ ಯಾಕೆ..! : ಅಭಿಮಾನಿಗಳ ʼದಾಸʼ ಕನ್ನಡಿಗರ ಹೃದಯ ʼಸಾರಥಿʼ...!

ಬೆಂಗಳೂರು : ಅಭಿಮಾನಿಗಳ ದಾಸ, ಕನ್ನಡಿಗರ ನೆಚ್ಚಿನ ಸಂಗೊಳ್ಳಿರಾಯಣ್ಣ ದರ್ಶನ್‌ ತೂಗುದೀಪ ಅವರ ಸಿನಿಮಾಗಳನ್ನು ನೋಡುತ್ತಾ ಕುಳಿತರೇ ನೋಡುತ್ತಲೇ ಇರಬೇಕು ಅನಿಸುತ್ತೆ. ನನ್ನ ಪ್ರೀತಿಯ ರಾಮು ಅದ್ಭುತ ಸಿನಿಮಾ ಆದ್ರೆ ಯಜಮಾನನ ಫ್ಯಾನ್ಸ್‌ಗಳಿಗೆ ಅದ್ಯಾಕೊ ಇಷ್ಟ ಆಗ್ಲಿಲ್ಲ. ಅದನ್ನು ಬಿಟ್ಟು ಉಳಿದು ಸಿನಿಮಾಗಳು ದರ್ಶನ್‌ ಅವರನ್ನು ಬಾಕ್ಸ್‌ ಆಫೀಸ್‌ ಸುಲ್ತಾನನ್ನಾಗಿ ಮಾಡಿದ್ವು.. ಹಾಗೇ ದರ್ಶನ್‌ ಅವರ ಕುರಿತು ಒಂದು ಇಣುಕುನೋಟ ಇಲ್ಲಿದೆ ನೋಡಿ.

90ರ ದಶಕದಿಂದ ಹಿಡಿದು ಹಿಂದಿಗೂ ಕನ್ನಡಿಗರ ಹೃದಯಸಾಮ್ರಾಟನಾಗಿ ದರ್ಶನ್‌ ಮೆರೆಯುತ್ತಿದ್ದಾರೆ. ʼಕರಿಯʼ ನಿಂದ ಹಿಡಿದು ʼಕ್ರಾಂತಿʼ ವರೆಗೂ ದರ್ಶನ ಹಿಂಬಾಲಿಸಿದ ಅಭಿಮಾನಿಗಳು ಅವರ ಕೈ ಬಿಟ್ಟಿಲ್ಲ. ಅವರ ಮೇಲೆ ಅದೇಷ್ಟೋ ವಾದ ವಿವಾದಗಳು ಕೇಳಿ ಬಂದ್ರೂ ಸಹ ಅವರು ಕಿವಿಗೆ ಹಾಕಿಕೊಳ್ಳದೆ ತಮ್ಮ ನೆಚ್ಚಿನ ನಟನನ್ನು ಬೆಂಬಲಿಸುತ್ತಲೇ ಇದ್ದಾರೆ. ಒಬ್ಬನ ನಟನ ಸಿನಿಮಾವನ್ನು ಅಭಿಮಾನಿಗಳೇ ಪ್ರಚಾರ ಮಾಡುತ್ತಿದ್ದಾರೆ ಅಂದ್ರೆ ಅದು ದರ್ಶನ್‌ ಅಭಿಮಾನಿಗಳು ಮಾತ್ರ. ಇಂತಹ ಘಟನೆಗಳು ಹಿಂದೆಂದೂ ನಡೆದಿಲ್ಲ ಮುಂದೆಯೂ ನಡೆಯಲ್ಲ ಅನಿಸುತ್ತದೆ.

ಇದನ್ನೂ ಓದಿ: ಸಾರಾ ಜೊತೆಗಿನ ಸಂಬಂಧದ ಬಗ್ಗೆ ಬಹಿರಂಗವಾಗಿ ಮಾತನಾಡಿದ ಶುಭಮನ್ ಗಿಲ್!

ಅದ್ಭುತ ನಟ ದರ್ಶನ್‌ ಸದಾ ಕಷ್ಟಗಳಿಗೆ ಮಿಡಿಯುವ ಜೀವ. ಕಷ್ಟ ಅಂತ ಬಂದವರಿಗೆ ಕೈ ಎತ್ತಿ ಕೊಡುವ ʼಯಜಮಾನʼ ಈ ದರ್ಶನ್‌. ಅಭಿಮಾನಿಗಳು ಪ್ರೀತಿಯಿಂದ ಇವರನ್ನು D Boss ಅಂತಾರೆ. ದರ್ಶನ್ ಜ. 16 ಫೆಬ್ರವರಿ 1977 ಜನಿಸಿದರು. ನಟ ತೂಗುದೀಪ ಶ್ರೀನಿವಾಸ್ ಅವರ ಮಗ ಎಂಬುದು ಹೇಳಬೇಕಾಗಿಲ್ಲ. ಕಿರುತೆರೆ ಧಾರಾವಾಹಿಯೊಂದರ ಮೂಲಕ ಅಭಿನಯ ಪ್ರಾರಂಭಿಸಿದ ʼನಮ್ಮ ಪ್ರೀತಿಯ ರಾಮುʼ, ಇಂದು ಬಾಕ್ಸ್‌ ಆಫೀಸ್‌ ಸುಲ್ತಾನನಾಗಿ ರಾರಾಜಿಸುತ್ತಿದ್ದಾರೆ.