Deepika Padukone: ದೀಪಿಕಾ ಮಾಜಿ ಬಾಯ್‌ಫ್ರೆಂಡ್ಸ್ ಪೋಸ್ಟ್ ವೈರಲ್‌! ವಿಡಿಯೋ ವಿರುದ್ಧ ವ್ಯಾಪಕ ಟೀಕೆ

Deepika Padukone: ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಕಪೂರ್ ಮದುವೆ ದೇಶದಲ್ಲಿ ದೊಡ್ಡ ಚರ್ಚೆಯಾಗಿತ್ತು. ಅಭಿಮಾನಿಗಳು ಅವರಿಬ್ಬರ ಪ್ರೀತಿಯನ್ನು ಸಂಭ್ರಮಿಸಿದ್ದರು. ಆದರೆ ಇತ್ತೀಚಿನ ಸಂದರ್ಶನವೊಂದರಲ್ಲಿ, ದೀಪಿಕಾ ತನ್ನ ಹಿಂದಿನ ರೊಮ್ಯಾನ್ಸ್ ಮತ್ತು ಡೇಟಿಂಗ್ ಬಗ್ಗೆ ಪ್ರಸ್ತಾಪಿಸಿದ್ದರು.. ಇದೀಗ ದೀಪಿಕಾ ಪಡುಕೋಣೆ ಪ್ರೇಮದ ಕುರಿತ ಹಾಸ್ಯ ವಿಡಿಯೋಗಳು ವೈರಲ್‌ ಆಗುತ್ತಿದ್ದು ವಿವಾದಕ್ಕೆ ಕಾರಣವಾಗಿವೆ. 

ಉತ್ತರ ಪ್ರದೇಶದ ಸ್ಟ್ಯಾಂಡ್ ಅಪ್ ಕಾಮಿಡಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಚಲನಚಿತ್ರ ನಟ ರಣಬೀರ್ ಕಪೂರ್, ಕ್ರಿಕೆಟಿಗ ಯುವರಾಜ್ ಸಿಂಗ್, ನಟ ನಿಹಾರ್ ಪಾಂಡ್ಯ ಮತ್ತು ನಟ ಮತ್ತು ಮಾಡೆಲ್ ಸಿದ್ಧಾರ್ಥ್ ಮಲ್ಯ ಸೇರಿದಂತೆ ದೀಪಿಕಾ ಅವರ ಕೆಲವು ಮಾಜಿ ಗೆಳೆಯರು ವೀಡಿಯೊದಲ್ಲಿ ಕಾಣಿಸಿಕೊಂಡಿದ್ದಾರೆ. 

ಸದ್ಯ ಆ ವಿಡಿಯೋ ವ್ಯಾಪಕ ಟೀಕೆಗೆ ಗುರಿಯಾಗಿದೆ. ದೀಪಿಕಾ ಪಡುಕೋಣೆ ಅವರು ಇದರ ಕುರಿತು ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಕೆಲವರು ವಿಡಿಯೋಗೆ ಕಮೆಂಟ್ ಮಾಡಿದ್ದಾರೆ. ಇದು ನಾಚಿಕೆಗೇಡಿನ ಕೃತ್ಯ ಎಂದು ಮತ್ತೊಬ್ಬರು ಬರೆದಿದ್ದಾರೆ. ಮೀಮ್ಸ್ ಚೆನ್ನಾಗಿದೆ, ಆದರೆ ಇದು ವ್ಯಕ್ತಿತ್ವದ ಕೊಲೆ ಎಂದು ಮತ್ತೊಬ್ಬ ವೀಕ್ಷಕರು ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ. 

ಇದನ್ನೂ ಓದಿ-ಫ್ಯಾಮಿಲಿ ಎಂಟೈನರ್ ಚಿತ್ರದಲ್ಲಿ ರಂಜನಿ‌ ರಾಫವನ್: ʼಸತ್ಯಂʼ ಟೀಸರ್‌ ಔಟ್‌!

ಇನ್ನು ದೀಪಿಕಾ ಪಡುಕೋಣೆ ಅಭಿನಯದ ಕೊನೆಯ ಚಿತ್ರ ಜವಾನ್. ಈ ಚಿತ್ರದಲ್ಲಿ ದೀಪಿಕಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಶಾರುಖ್ ಖಾನ್ ಅಭಿನಯದ ಈ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಸಂಭಾವನೆ ಪಡೆಯದೇ ಪಾತ್ರವನ್ನು ನಿರ್ವಹಿಸಿ.. ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದ್ದಾರೆ. 

ದೀಪಿಕಾ ನಾಯಕಿಯಾಗಿ ನಟಿಸಿದ ಕೊನೆಯ ಚಿತ್ರ ಪಠಾಣ್. ಶಾರುಖ್ ಖಾನ್ ಅಭಿನಯದ ಈ ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಡಾ. ರುಬಿನಾ ಪಾತ್ರದಲ್ಲಿ ಗಮನ ಸೆಳೆದಿದ್ದರು.