ಇಂದು ಡಿಸ್ಕವರಿ ವಿಲೇಜ್​​ನಲ್ಲಿ ದಿಗಂತ್-ಐಂದ್ರಿತಾ ಮೆಹಂದಿ ಶಾಸ್ತ್ರ!

ಬೆಂಗಳೂರು: ಸ್ಯಾಂಡಲ್‌ವುಡ್‌ನ ಕ್ಯೂಟ್ ಕಪಲ್ ದಿಗಂತ್ ಹಾಗೂ ಐಂದ್ರಿತಾ ರೇ ವಿವಾಹ ಕಾರ್ಯಕ್ರಮ ನಾಳೆ ಡಿಸ್ಕವರಿ ವಿಲೇಜ್ ನಲ್ಲಿ ಸಡಗರದಿಂದ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ವಿವಾಹ ಕಾರ್ಯಕ್ರಮದ ಭಾಗವಾಗಿ ಇಂದು ಸಂಜೆ ಮೆಹಂದಿ ಮತ್ತು ಹಳದಿ ಶಾಸ್ತ್ರ ನೆರವೇರಲಿದೆ. 

ಪ್ರೇಮಿಗಳ ಸ್ವರ್ಗದಂತಿರುವ ಚಿಕ್ಕಬಳ್ಳಾಪುರ ಜಿಲ್ಲೆಯ ನಂದಿ ಗಿರಿಧಾಮದಲ್ಲಿ ಕ್ಯೂಟ್ ಜೋಡಿ ಆ್ಯಂಡಿ ಹಾಗೂ ದಿಗ್ಗಿಯ ವಿವಾಹ ಕಾರ್ಯಕ್ರಮ ನೆರವೇರಲಿದೆ. ನಂದಿ ಗಿರಿಧಾಮದ ತಪ್ಪಲಿನಲ್ಲಿರುವ ಡಿಸ್ಕವರಿ ವಿಲೇಜ್​​ನಲ್ಲಿ ವಿವಾಹ ಸಮಾರಂಭ ನಡೆಯಲಿದೆ. ನಿನ್ನೆಯೇ ಆ್ಯಂಡಿ ಹಾಗೂ ದಿಗಂತ್ ಕುಟುಂಬದವರು ಮದುವೆ ನಡೆಯುವ ಸ್ಥಳಕ್ಕೆ ಬಂದು ಸೇರಿದ್ದಾರೆ. ಈಗಾಗಲೇ ವಿವಾಹ ಕಾರ್ಯಕ್ರಮಕ್ಕೆ ಸಕಲ ಸಿದ್ಧತೆಗಳೂ ಭರದಿಂದ ಸಾಗಿವೆ.

[[{"fid":"173103","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"1":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"1"}}]]

ಡಿ.11 ರಂದು ಬೆಂಗಾಲಿ ಸಂಪ್ರದಾಯದಂತೆ, ಡಿಸೆಂಬರ್ 12ರಂದು ಕೊಡವ ಸಂಪ್ರದಾಯದಂತೆ ದಿಗಂತ್​ ಹಾಗೂ ಐಂದ್ರಿತಾ ವಿವಾಹವಾಗಲಿದ್ದಾರೆ. ಮನಸಾರೆ, ಪಾರಿಜಾತ, ಪಂಚರಂಗಿ ಸಿನಿಮಾಗಳಲ್ಲಿ ಒಟ್ಟಾಗಿ ನಟಿಸಿದ್ದ ನಟ ದಿಗಂತ್ ಹಾಗೂ ಐಂದ್ರಿತಾ ರೇ ಜೋಡಿಯ ನಿರ್ಮಲ ಪ್ರೀತಿಗೆ ಡಿಸೆಂಬರ್ 12 ರಂದು ಅಧಿಕೃತವಾಗಿ ಮದುವೆ ಮುದ್ರೆ ಬೀಳಲಿದೆ.