Dil Pasand Review: ಹೇಗಿದೆ ಗೊತ್ತಾ ಡಾರ್ಲಿಂಗ್ ಕೃಷ್ಣ ‘ದಿಲ್ ಪಸಂದ್’..?

ಬೆಂಗಳೂರು: ಕನ್ನಡ ಸಿನಿಮಾಗಳು ಹಿಟ್ ಮೇಲೆ ಹಿಟ್ ಆಗ್ತಿವೆ. ಇಡೀ ಭಾರತೀಯ ಚಿತ್ರರಂಗವೇ ಕನ್ನಡದತ್ತ ನೋಡುವಂತೆ ನಮ್ಮ ಸ್ಯಾಂಡಲ್‍ವುಡ್ ಸಿನಿಮಾಗಳು ಮೂಡಿಬರುತ್ತಿವೆ. ಸದ್ಯ ಇದೆ ಸಾಲಿಗೆ ಡಾರ್ಲಿಂಗ್ ಕೃಷ್ಣ ನಟನೆಯ ‘ದಿಲ್ ಪಸಂದ್’ ಸೇರುವದರಲ್ಲಿ ಡೌಟೇ ಇಲ್ಲ.

ಹೌದು, ನಿರ್ದೇಶಕ ಶಿವತೇಜಸ್‌ ಆಕ್ಷನ್ ಕಟ್ ಹೇಳಿರುವ ‘ದಿಲ್ ಪಸಂದ್’ ಬಿಡುಗಡೆಯಾಗಿದೆ. ಅದ್ಬುತ ಲವ್ ಸ್ಟೋರಿ ಸಿನಿಮಾದಲ್ಲಿ ಪ್ರೇಕ್ಷಕರಿಗೆ ಪ್ರೇಮ ಪಾಠದ ಜೊತೆಗೆ ತಂದೆ-ತಾಯಿಯ ಮೌಲ್ಯವನ್ನು ಅಚ್ಚು ಕಟ್ಟಾಗಿ ತೋರಿಸಲಾಗಿದೆ.

ಇದನ್ನೂ ಓದಿ: ಹೊಸಬರ 'ಕಂಬ್ಳಿಹುಳ'ಕ್ಕೆ ಸ್ಯಾಂಡಲ್‌ವುಡ್‌ ಸಿನಿ ತಾರೆಯರ ಸಾಥ್

ಸಖತ್ ಹಾಟ್ ಅವತಾರದಲ್ಲಿ ಕೃಷ್ಣನಿಗೆ ಕಾಡಿರುವ ನಿಶ್ವಿಕಾ ನಾಯ್ಡು ತುಂಟಾಟ ಪ್ರೇಕ್ಷಕರಿಗೆ ತುಂಬಾ ಇಷ್ಟವಾಗುತ್ತೆ. ಅಷ್ಟೇ ಅಲ್ಲ ಅವರ ನಗುವಿನ ಹಿಂದಿನ ನೋವಿನ ಕಥೆಯೇ ಕೃಷ್ಣನ ‘ದಿಲ್ ಪಸಂದ್’ಗೆ ಬಿಗ್ ಟ್ವಿಸ್ಟ್..

ಸಂಪ್ರದಾಯಸ್ಥ ಕುಟುಂಬದ ಹುಡುಗಿಯ ಪಾತ್ರದಲ್ಲಿ ಮೇಘಾ ಶೆಟ್ಟಿ ತುಂಬಾ ಕ್ಯೂಟಾಗಿ ಕಾಣಿಸಿಕೊಂಡಿದ್ದಾರೆ. ಹಿರಿಯ ನಟ ರಂಗಾಯಣ ರುಘು ಆವರ ಅದ್ಬುತ ನಟನೆ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳತ್ತದೆ. ಕೃಷ್ಣನ ಅಪ್ಪನಾಗಿ ನೋಡುಗರಿಗೆ ಪೋಷಕರ ಮಹತ್ವವನ್ನು ಅರ್ಥಪೂರ್ಣವಾಗಿ ಹೇಳುತ್ತಾರೆ.

ಇದನ್ನೂ ಓದಿ: ಇದ್ಯಾವ ನ್ಯಾಯ ಗುರು...! : ಟ್ರೋಲ್‌ ಮಾಡಲು ರಶ್ಮಿಕಾ ಮಾಡಿದ ತಪ್ಪಾದ್ರು ಏನು..?

ಇನ್ನೂ ಹಾಸ್ಯ ನಟ ಸಾಧು ಕೋಕಿಲ, ತಬಲಾ ನಾಣಿ, ಗಿರಿ ಅವರ ಕಾಮಿಡಿ ಕಚಗುಳಿ ಪ್ರೇಕ್ಷಕರ ಹೊಟ್ಟೆ ಹುಣ್ಣಾಗಿಸುವುದರಲ್ಲಿ ಡೌಟೆ ಇಲ್ಲ. ಅಜಯ್‌ ರಾವ್‌ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರೂ ಸಹ ಅವರ ಆಕ್ಟಿಂಗ್‍ಗೆ ಫುಲ್ ಮಾರ್ಕ್ಸ್ ಕೊಡಲೇಬೇಕು. ಇನ್ನು ಛಾಯಾಗ್ರಹಣ, ಸಂಗೀತ, ಆಕ್ಷನ್ ಸೂಪರ್ ಆಗಿವೆ. ಇದೊಂದು ಪಕ್ಕಾ ಪೈಸಾ ವಸೂಲ್ ಸಿನಿಮಾ ಆಗಿದ್ದು, ಪ್ರೇಕ್ಷಕನಿಗೆ ಒಂಚೂರು ಬೋರ್ ಹೊಡೆಸಲ್ಲ. ಮಿಸ್ ಮಾಡದೇ ಕುಟುಂಬ ಸಮೇತ ನೀವು ‘ದಿಲ್ ಪಸಂದ್’ ನೋಡಿ.