ಹೇಮಾ ಮಾಲಿನಿ ಅವರ ಪೂರ್ತಿ ಹೆಸರು ಏನು ಗೊತ್ತಾ? `ಡ್ರೀಮ್ ಗರ್ಲ್` ಅಧಿಕೃತ ನಾಮ ಗೊತ್ತಾದ್ರೆ ಶಾಕ್‌ ಆಗ್ತೀರಾ!!

Star Actress Hema Malini: ಬಾಲಿವುಡ್ ತಾರೆ ಹೇಮಾ ಮಾಲಿನಿ ಅಲಿಯಾಸ್ ಡ್ರೀಮ್ ಗರ್ಲ್ ಉದ್ಯಮದಲ್ಲಿನ ಅತ್ಯಂತ ಜನಪ್ರಿಯ ನಟಿಯರಲ್ಲಿ ಒಬ್ಬರು. ಹೇಮಾ ಈ ವಯಸ್ಸಿನಲ್ಲೂ ತುಂಬಾ ಸುಂದರವಾಗಿ ಮತ್ತು ಸ್ಟೈಲಿಶ್ ಆಗಿ ಕಾಣುತ್ತಾರೆ. ತಮ್ಮ ವೃತ್ತಿಜೀವನದಲ್ಲಿ ಹಲವು ಬ್ಲಾಕ್‌ಬಸ್ಟರ್ ಚಿತ್ರಗಳನ್ನು ನೀಡಿರುವ ಹೇಮಾ, ಶೋಲೆಯ 'ಬಸಂತಿ' ಹೆಸರಿನಿಂದಲೂ ಪ್ರಸಿದ್ಧರಾಗಿದ್ದಾರೆ. ಆದರೆ ಹೇಮಾ ಮಾಲಿನಿ ಅವರ ನಿಜವಾದ ಹೆಸರು ನಿಮಗೆ ತಿಳಿದಿದೆಯೇ? ಹಿರಿಯ ನಟಿಯ ಸಂಪೂರ್ಣ ಅಧಿಕೃತ ಹೆಸರು ಏನು ಗೊತ್ತಾ?  

ಹೇಮಾ ಮಾಲಿನಿ ಅವರ ಪೂರ್ಣ ಹೆಸರೇನು? 
ಇತ್ತೀಚೆಗೆ ಚುನಾವಣಾ ಆಯೋಗವು ಹೇಮಾ ಮಾಲಿನಿ ಅವರ ಪೂರ್ಣ ಹೆಸರನ್ನು ಹೇಮಾ ಮಾಲಿನಿ ಧರ್ಮೇಂದ್ರ ಡಿಯೋಲ್ ಎಂದು ಬರೆದ ಪಟ್ಟಿಯನ್ನು ಬಿಡುಗಡೆ ಮಾಡಿತ್ತು. ಅದೇನೆಂದರೆ, ಅಧಿಕೃತ ದಾಖಲೆಗಳಲ್ಲಿ ಹೇಮಾ ಮಾಲಿನಿ ಹೆಸರಿನಲ್ಲಿ ಧರ್ಮೇಂದ್ರ ಮತ್ತು ಡಿಯೋಲ್ ಕೂಡ ಸೇರಿದ್ದಾರೆ. 

ಇದನ್ನೂ ಓದಿ-ಥಿಯೇಟರ್‌ನಲ್ಲಿ ಅಲ್ಲ ಡೈರೆಕ್ಟ್‌ 'ಒಟಿಟಿ'ಗೆ ಎಂಟ್ರಿ ಕೊಡ್ತೀದೆ ಚೈತ್ರ ಆಚಾರ್‌ ಸಿನಿಮಾ..!

ಕುತೂಹಲಕಾರಿ ವಿಷಯವೆಂದರೆ ಧರ್ಮೇಂದ್ರ ಅವರು ತಮ್ಮ ಹೆಸರಿನಲ್ಲಿ ಡಿಯೋಲ್ ಎಂದು ಬರೆದಿಲ್ಲ. ಆದರೆ ಅವರ ಎಲ್ಲಾ ಮಕ್ಕಳು ಮತ್ತು ಮೊಮ್ಮಕ್ಕಳು ತಮ್ಮ ಉಪನಾಮವನ್ನು ಡಿಯೋಲ್ ಎಂದು ಹೇಳುತ್ತಾರೆ. 

ಹಿರಿಯ ನಟಿ ಮತ್ತು ರಾಜಕಾರಣಿ ಹೇಮಾ ಮಾಲಿನಿ 2024 ರ ಲೋಕಸಭಾ ಚುನಾವಣೆಯಲ್ಲಿ ಯುಪಿಯ ಮಥುರಾ ಕ್ಷೇತ್ರದಿಂದ ಬಿಜೆಪಿ ಟಿಕೆಟ್‌ನಲ್ಲಿ ದೊಡ್ಡ ಗೆಲುವು ಸಾಧಿಸಿದ್ದಾರೆ. ಸೆಲೆಬ್ರಿಟಿ ಅಭ್ಯರ್ಥಿಗಳ ಪೈಕಿ ಅತಿ ಹೆಚ್ಚು ಅಂತರದಿಂದ ಗೆದ್ದ ಅಭ್ಯರ್ಥಿಯೂ ಹೌದು. ತನ್ನ ಗೆಲುವಿನ ನಂತರ, ಹೇಮಾ ಅವರು ವಿಶೇಷ ಪೋಸ್ಟ್‌ನಲ್ಲಿ ಮಥುರಾದ ಎಲ್ಲಾ ಜನರು, ಕಾರ್ಯಕರ್ತರು, ಶಾಸಕರು ಮತ್ತು ಪ್ರಧಾನಿ ಮೋದಿಯವರಿಗೆ ಧನ್ಯವಾದ ತಿಳಿಸಿದ್ದಾರೆ.