ಯಶ್‌ ಪ್ಯಾನ್‌ ಇಂಡಿಯಾ ಸ್ಟಾರ್‌ ಆಗಿ ಮಿಂಚಲು ರಾಧಿಕಾ ಸಹಕಾರ ಹೇಗಿತ್ತು ಗೊತ್ತಾ..?

Yash-Radhika : ನಂದಗೋಕುಲದಿಂದ ನಟನೆ ಪ್ರಾರಂಭಿಸಿದ ರಾಧಿಕಾ ಪಂಡಿತ್‌ ಮೊಗ್ಗಿನ ಮನಸ್ಸು ಸಿನಿಮಾದಿಂದ ಚಂದನವನದಲ್ಲಿ ನಾಯಕಿಯಾಗಿ ಎಂಟ್ರಿಕೊಟ್ಟರು. ನಂತರ ತಮ್ಮ ನಟನೆಯ ಮೂಲಕ ಕರ್ನಾಟಕ ರಾಜ್ಯ ಪ್ರಶಸ್ತಿ, ಸೈಮಾ, ಫಿಲ್ಮ್‌ ಫೇರ್‌ ಸೇರಿದಂತೆ ಹತ್ತಕ್ಕೂ ಹೆಚ್ಚು ಬಾರಿ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದಿದ್ದಾರೆ. ರಾಧಿಕಾ ಅವರು ತಮ್ಮ ಪತಿ ಯಶ್‌ ಅವರ ಜೊತೆ ನಾಲ್ಕು ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. 

ಯಾವುದೇ ಗಾಸಿಪ್‌ ಅಂತೆ ಕಂತೆಗಳಿಲ್ಲದೇ ಸ್ಯಾಂಡಲ್‌ವುಡ್‌ ಸಿಂಡ್ರೆಲಾ ಎಂದೇ ಖ್ಯಾತಿ ಪಡೆದಿರುವ ನಟಿ ರಾಧಿಕಾ ಪಂಡಿತ್‌ ಅವರು ಯಶ್‌ ಪ್ಯಾನ್‌ ಇಂಡಿಯಾ ಸ್ಟಾರ್‌ ಆಗಿ ಬೆಳೆಯಲು ನೀಡಿದ ಪ್ರೋತ್ಸಾಹ ಅಭುತಪೂರ್ಣವಾದುದು. ಹಾಗಾದರೆ ಹೇಗಿತ್ತು ಸಹಕಾರ ಎನ್ನುವುದನ್ನು ತಿಳಿಯಲು ಮುಂದೆ ಓದಿ..

ಇದನ್ನೂ ಓದಿ-Spandana Vijay Funeral: ಹರಿಶ್ಚಂದ್ರ ಘಾಟ್​​ನಲ್ಲಿ ಸ್ಪಂದನಾ ಅಂತ್ಯಕ್ರಿಯೆ

ಒಟ್ಟಿಗೆ ಸಿನಿಜೀವನಕ್ಕೆ ಕಾಲಿಟ್ಟು ಯಶಸ್ಸುಗಳಿಸಿದ ರಾಕಿಂಗ್‌ ಸ್ಟಾರ್‌ ಯಶ್‌ ಹಾಗೂ ರಾಧಿಕಾ ಪಂಡಿತ್‌ ಪ್ರತಿಯೊಂದು ಹೆಜ್ಜೆಯಲ್ಲೂ ಒಬ್ಬರನ್ನೋಬ್ಬರು ಸಪೋರ್ಟ್‌ ಮಾಡುತ್ತಿದ್ದರು. ಯಶ್‌ ಸಿನಿಮಾ ಆಯ್ಕೆಯಲ್ಲಿ ರಾಧಿಕಾ ಜೊತೆಯಾಗಿದ್ದು, ಸಲಹೆ ಸೂಚನೆಗಳನ್ನು ನೀಡುತ್ತಿದ್ದರು. 

ಈ ಹಿಂದೆ ಯಶ್‌ ತನ್ನ ಪತ್ನಿ  ಬಗ್ಗೆ ಒಂದೆರಡು ಮಾತನಾಡಿದ್ದರು ಅದರಲ್ಲಿ ನಾನು ಹಲವು ಭಾಷೆಗಳಲ್ಲಿ ಚಿರಪರಿಚಿತ ನಟನಾದರೂ ನಟನೆಯಲ್ಲಿ ರಾಧಿಕಾ ನನಗಿಂತಲೂ ಒಳ್ಳೆಯ ನಟಿ. ಚಿತ್ರವನ್ನು ಆಯ್ಕೆ ಮಾಡಿಕೊಳ್ಳುವಾಗ ಹೆಚ್ಚು ಜಾಗರೂಕತೆವಹಿಸುತ್ತಾರೆ ಎಂದಿದ್ದರು. 

ಯಾವುದೇ ಸಿನಿಮಾ ಪ್ರಾಜೆಕ್ಟ್‌ಗೆ ಸಹಿ ಹಾಕುವ ಮುನ್ನ ಇಬ್ಬರು ಪರಸ್ಪರ ಯೋಚಿಸಿ, ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳುತಾರಂತೆ. ಹೀಗೆ ಅನ್ಯೂನ್ಯತೆ ಎನ್ನುವುದು ಇವರಿಬ್ಬರ ಜೀವನದಲ್ಲಿ ಉಕ್ಕಿ ಹರಿಯುತ್ತಿದೆ. ಈ ಅದ್ಭುತ ಜೋಡಿಗೆ ಯಾವುದೇ ದೃಷ್ಠಿ ಬೀಳದೆ ಇರಲಿ..