Darshan: ಚಾಲೆಂಜಿಂಗ್‌ ಸ್ಟಾರ್‌ ಹುಟ್ಟುಹಬ್ಬಕ್ಕೆ ಭರ್ಜರಿ ಸಿದ್ಧತೆ: ಈ ವರ್ಷದ ಸ್ಪೆಷಲೇನು ಗೊತ್ತೇ?

Darshan Birthday Special Preparations : ಸ್ಯಾಂಡಲ್‌ವುಡ್‌ ಚಾಲೆಂಜಿಂಗ್‌ ಸ್ಟಾರ್ ಬರ್ತ್‌ಡೇಯನ್ನು ಫ್ಯಾನ್ಸ್ ಹಬ್ಬದಂತೆ ಆಚರಣೆ ಮಾಡುತ್ತಿದ್ದು, ಒಂದು ತಿಂಗಳ ಮುಂಚೇನೆ ತಯಾರಿ ಶುರು ಆಗುತ್ತದೆ. ದರ್ಶನ್ ಮನೆ ಮುಂದೆ  ಒಂದು ಬೋರ್ಡ್ ಕೂಡ ಬೀಳುತ್ತಿದ್ದು, ಜೊತೆಗೆ ಹಾರ-ತುರಾರಿ-ಕೇಕ್ ತರಬೇಡಿ ಅನ್ನೋ ಮನವಿ ಬೋರ್ಡ್ ಆಗಿರುತ್ತದೆ. ತರಲೇಬೇಕು ಅಂತ ಇದ್ರೆ ದವಸ-ಧಾನ್ಯಗಳನ್ನ ತಂದು ಕೊಡು ಅಂತಲೇ ದರ್ಶನ್ ಕೇಳಿಕೊಳ್ತಾರೆ. ಅದೇ ರೀತಿ ಕಳೆದ ಐದಾರು ವರ್ಷಗಳಿಂದಲೂ ದರ್ಶನ್ ಅಭಿಮಾನಿಗಳು ದವಸ-ಧಾನ್ಯಗಳನ್ನ ಮೂಟೆಗಟ್ಟಲೆ ತಂದುಕೊಡ್ತಾನೇ ಇದ್ದಾರೆ. 

ದರ್ಶನ್‌ ಪ್ರತಿ ಹುಟ್ಟುಹಬ್ಬಕ್ಕೂ ಈ ಒಂದು ಪರಿಪಾಟು ಮುಂದುವರೆಯಲಿದ್ದು, ಈ ವರ್ಷವೂ ಅದು ಈಗಾಗಲೇ ಶುರು ಆಗಿದೆ. ಚಾಲೆಂಜಿಂಗ್‌ ಸ್ಟಾರ್‌ ಜನ್ಮ ದಿನದ 13 ದಿನಗಳ ಮುಂಚೇನೆ ಫ್ಯಾನ್ಸ್‌ ಅಕ್ಕಿ ಮೂಟೆ ತಂದು ದರ್ಶನ್ ಕೈಯಲ್ಲಿ ಕೊಡುತ್ತಿದ್ದಾರೆ. ದರ್ಶನ್‌ನ ರಾಜರಾಜೇಶ್ವರಿ ನಗರದ ಮನೆಗೆ ದೂರ ದೂರದ ಅಭಿಮಾನಿಗಳು ಅಕ್ಕಿ ಮೂಟೆಗಳನ್ನ ತಂದು ಕೊಡ್ತಾ ಇದ್ದಾರೆ. ತಮಗೆ ಏನೂ ಇಷ್ಟವೋ ಅದನ್ನ ಕೂಡ ತಂದು ಕೊಡ್ತಿರೋದು ಎಂದಿನಂತೆ ಇದೀಗ ಮುಂದುವರೆದಿದೆ.

ಇದನ್ನೂ ಓದಿ: Poonam Pandey ಛೀಮಾರಿ ಹಾಕುತ್ತಿರುವ ನೆಟ್ಟಿಗರು, 'ಛೀ... ಅಗ್ಗದ ಪಬ್ಲಿಸಿಟಿ ಸ್ಟಂಟ್' ಎಂದ ಜನ

ನಟ ದರ್ಶನ್ ಅಭಿಮಾನಿಗಳು ಕೇವಲ ಅಕ್ಕಿ ಮೂಟೆಗಳನ್ನ ಮಾತ್ರ ನೀಡಿದೆ, ಜೊತೆಗೆ ದಿನಸಿ ಸಾಮಗ್ರಿಗಳನ್ನೂ ಕೂಡ ಕೊಡುತ್ತಿದ್ದಾರೆ. ಹಾಗೆ ಬರ್ತಿರೋ ಮೂಟೆಗಳನ್ನ ದರ್ಶನ್ ಖುದ್ ಸ್ವೀಕರಿಸುತ್ತಿದ್ದು, ಫ್ಯಾನ್ಸ್‌ ತೋರುತ್ತಿರೋ ಪ್ರೀತಿಯನ್ನ ತುಂಬ ಹೃದಯದಿಂದಲೇ ಸ್ವೀಕರಿಸುತ್ತಿದ್ದಾರೆ. ದರ್ಶನ್ ಜನ್ಮ ದಿನದಂದು ಅವರ ಮನೆ ಸುತ್ತ-ಮುತ್ತ ಅಭಿಮಾನಿಗಳ ದಂಡು ಇರುತ್ತಿದ್ದು, ಎಲ್ಲೆಡೆ ಒಂದು ರೀತಿ ಹಬ್ಬದ ವಾತಾವರಣವೂ ಇರುತ್ತದೆ. ಈ ಮೂಲಕ ಪ್ರತಿ ವರ್ಷ ಅಭಿಮಾನಿಗಳ ದರ್ಶನ್ ಹುಟ್ಟುಹಬ್ಬವನ್ನ ಹಬ್ಬದಂತೇನೆ ಆಚರಿಸಿಕೊಂಡು ಬಂದಿದ್ದಾರೆ.

ಕಾಟೇರ ಸಿನಿಮಾ ಆದ್ಮೇಲೆ ನಟ ದರ್ಶನ್ ಡೆವಿಲ್‌ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು, ಈ ಸಿನಿಮಾವನ್ನು ಮಿಲನಾ ಪ್ರಕಾಶ್ ನಿರ್ದೇಶನ ಮಾಡಲಿದ್ದು, ಈ ಚಿತ್ರದ ಶೂಟಿಂಗ್ ಈಗಾಗಲೇ ಶುರು ಆಗಿದೆ. ಬೆಂಗಳೂರಿನ ಕಂಠೀರವ ಸ್ಟುಡಿಯೋದಲ್ಲಿ ಇದರ ಶೂಟಿಂಗ್ ನಡೆಯುತ್ತಿದ್ದು, ದರ್ಶನ್ ಜನ್ಮ ದಿನದ ಹೊತ್ತಿಗೆ ಚಿತ್ರದ ಒಂದು ಗ್ಲಿಮ್ಸ್ ರಿಲೀಸ್ ಮಾಡೋ ಪ್ಲಾನ್ ಕೂಡ ಇದೆ. ಈ ಹಿಂದೆ ಈ ನಟನ ಜನ್ಮದಿನಕ್ಕೆ ಡೆವಿಲ್‌ ದಿ ಹೀರೋ ಚಿತ್ರದ ಫಸ್ಟ್‌ ಲುಕ್‌ ಸಹ ಚಿತ್ರತಂಡ ರಿವೀಲ್‌ ಮಾಡಲಿದೆ ಎಂದು ತಿಳಿದು ಬಂದಿತ್ತು.