ರಜನಿಕಾಂತ್ ಅಭಿನಯದ ಜೈಲರ್ ಚಿತ್ರದಲ್ಲಿ ಶಿವರಾಜ್ ಕುಮಾರ್...!

ಬೆಂಗಳೂರು: ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅವರು ಗುರುವಾರದಂದು ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಮುಂಬರುವ ಚಿತ್ರ ಜೈಲರ್ ಚಿತ್ರೀಕರಣದಲ್ಲಿ ಪಾಲ್ಗೊಂಡರು. ಈಗ ನಿರ್ಮಾಣ ಸಂಸ್ಥೆ ಸನ್ ಪಿಕ್ಚರ್ಸ್ ಚಿತ್ರದ ಸೆಟ್‌ಗಳಿಂದ ಅವರ ಫೋಟೋವನ್ನು  ಹಂಚಿಕೊಂಡಿದೆ.

ಈಗ ಜೈಲರ್ ಚಿತ್ರದ ಮೂಲಕ ಡಾ.ಶಿವರಾಜಕುಮಾರ್ ತಮಿಳಿಗೆ ಪಾದಾರ್ಪಣೆ ಮಾಡಲಿದ್ದಾರೆ.ಕನ್ನಡ ಚಲನಚಿತ್ರಗಳು ದೇಶದ ಇತರ ಭಾಗಗಳಲ್ಲಿ ಹೊಸ ಪ್ರೇಕ್ಷಕರನ್ನು ಹುಡುಕಲು ಭಾಷೆ ಮತ್ತು ಸಾಂಸ್ಕೃತಿಕ ಅಡೆತಡೆಗಳನ್ನು ನಿರಂತರವಾಗಿ ಮುರಿಯುತ್ತಿರುವುದರಿಂದ, ಶಿವಣ್ಣ ಈಗ ಜೈಲರ್ ಮೂಲಕ ಹೊಸ ಅನ್ವೇಷಣೆಗೆ ಮುಂದಾಗಿದ್ದಾರೆ.

ಇದನ್ನೂ ಓದಿ:"ನಾನು ಪ್ರಾರಂಭಿಸಿದ ಕೆಲಸಗಳು ನನ್ನ ಕಾಲದಲ್ಲೇ ಕಂಪ್ಲೀಟ್ ಆಗಬೇಕು"

ಚಿತ್ರ ನಿರ್ಮಾಪಕ ನೆಲ್ಸನ್ ದಿಲೀಪ್‌ಕುಮಾರ್ ಜೈಲರ್ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಅವರ ಕೊನೆಯ ನಿರ್ದೇಶನದ ಬೀಸ್ಟ್ ಬಾಕ್ಸ್ ಆಫೀಸ್ ನಲ್ಲಿ ವಿಫಲವಾದ ನಂತರ ಈ ಚಿತ್ರವನ್ನು ನೆಲ್ಸನ್ ಅವರಿಗೆ ವಿಮೋಚನೆಯ ಚಿತ್ರವೆಂದು ಹೇಳಲಾಗುತ್ತದೆ.ಕೋಲಮಾವು ಕೋಕಿಲ ಮತ್ತು ಡಾಕ್ಟರ್‌ನಂತಹ ಚಿತ್ರಗಳ ಯಶಸ್ಸಿನೊಂದಿಗೆ ನೆಲ್ಸನ್ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದ್ದಾರೆ.