ʼಡಂಕಿʼ ಗೆಲುವಿಗಾಗಿ ಶಿರಡಿ ಸಾಯಿಬಾಬಾ ಮೊರೆ ಹೋದ ಶಾರುಖ್‌..! ವಿಡಿಯೋ ವೈರಲ್‌

Shah rukh khan Dunki : ಬಹುನಿರೀಕ್ಷಿತ ಡಂಕಿ ಸಿನಿಮಾ ಇಂದು ತೆರೆ ಕಂಡಿದೆ. ಸಿನಿ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಇದೀಗ ಡಂಕಿ ಸಿನಿಮಾ ಯಶಸ್ಸಿಯಾಗಿ ಶಾರುಖ್‌ ದೇವರ ಮೋರೆ ಹೋಗಿದ್ದು, ಮಗಳು ಸುಹಾನಾ ಖಾನ್‌ ಜೊತೆ ಶಿರಡಿ ಸಾಯಿ ಬಾಬಾ ದೇಗುಲಕ್ಕೆ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಈ ಕುರಿತು ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ವಿಡಿಯೋದಲ್ಲಿ ಸುಹಾನಾ ನೀಲಿಬಣ್ಣದ ಸಲ್ವಾರ್-ಕುರ್ತಾ ಸೂಟ್‌ ಧರಿಸಿದ್ದರು. ಶಾರುಖ್ ಖಾನ್ ಬಿಳಿ ಟಿ-ಶರ್ಟ್, ಡಾರ್ಕ್ ಕೋಟ್, ಕಪ್ಪು ಟೋಪಿ ಮತ್ತು ಕೇಸರಿ ಶಾಲು ಧರಿಸಿದ್ದಾರೆ. ಸೆಲೆಬ್ರಿಟಿ ಜೋಡಿಯ ಅನಿರೀಕ್ಷಿತ ಆಗಮನದಿಂದ ಸಾಕಷ್ಟು ಅಭಿಮಾನಿ ಅವರನ್ನು ನೋಡಲು ಮುಗಿಬಿದ್ದರು. ದೇವಸ್ಥಾನದಿಂದ ಹೊರ ಬಂದನಂತರ ಶಾರುಖ್‌ ಅಭಿಮಾನಿಗಳತ್ತ ಕೈ ಬೀಸಿದರು.

ಈ ವರ್ಷದ ಎರಡು ಸೂಪರ್‌ ಹಿಟ್ ಚಿತ್ರಗಳನ್ನು ಶಾರುಖ್‌ ನೀಡಿದ್ದಾರೆ. 'ಪಠಾಣ್' ಮತ್ತು 'ಜವಾನ್' ಅದ್ಭುತ ಪ್ರದರ್ಶನ ಕಂಡಿವೆ. ಇದೀಗ ಶಾರುಖ್ ಖಾನ್ 'ಡುಂಕಿ' ಮೂಲಕ ಹ್ಯಾಟ್ರಿಕ್ ಸಾಧಿಸುವ ಗುರಿಯನ್ನು ಹೊಂದಿದ್ದಾರೆ. ಇಂದು ಬಹುನಿರೀಕ್ಷ ಸಿನಿಮಾ ತೆರೆ ಕಂಡಿದೆ. 

ಅಲ್ಲದೆ, ಜೋಯಾ ಅಖ್ತರ್ ಅವರ 'ದಿ ಆರ್ಚೀಸ್' ಮೂಲಕ ಶಾರುಖ್‌ ಪುತ್ರಿ ಸುಹಾನಾ ಸಿನಿರಂಗಕ್ಕೆ ಕಾಲಿಟ್ಟಿದ್ದಾರೆ. ಈ ಸಿನಿಮಾ ನೆಟ್‌ಪ್ಲಿಕ್ಸ್‌ನಲ್ಲಿ ಪ್ರದರ್ಶನಗೊಳ್ಳುತ್ತಿದೆ. ಖುಷಿ ಕಪೂರ್, ಅಗಸ್ತ್ಯ ನಂದಾ, ಮಿಹಿರ್ ಅಹುಜಾ, ವೇದಂಗ್ ರೈನಾ, ಯುವರಾಜ್ ಮೆಂಡಾ ಸೇರಿದಂತೆ ಇತರ ನಟರು ಈ ಸಿನಿಮಾದಲ್ಲಿದ್ದಾರೆ.