Actor Jagdish Raj: ವಿಶ್ವದಲ್ಲೇ ಅತಿ ಹೆಚ್ಚು ಟೈಪ್‌ಕಾಸ್ಟ್ ನಟ ಎಂಬ ಗಿನ್ನೆಸ್ ವಿಶ್ವ ದಾಖಲೆಯನ್ನು ಹೊಂದಿರುವ ಹಿಂದಿ ನಟನ ಬಗ್ಗೆ ಇಂದು ಮಾತನಾಡುತ್ತಿದ್ದೇವೆ... ಅವರು ತಮ್ಮ ವೃತ್ತಿಜೀವನದಲ್ಲಿ 260 ಚಿತ್ರಗಳಲ್ಲಿ ನಟಿಸಿದ್ದಾರೆ, ಅವರು 144 ಚಿತ್ರಗಳಲ್ಲಿ ಪೊಲೀಸ್ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.


COMMERCIAL BREAK
SCROLL TO CONTINUE READING

ನಾವು ಮಾತನಾಡುತ್ತಿರುವುದು ಬೇರೆ ಯಾರ ಬಗ್ಗೆಯೂ ಅಲ್ಲ, ಭಾರತದ ಅತ್ಯುತ್ತಮ ನಟರಲ್ಲಿ ಒಬ್ಬರಾದ ಜಗದೀಶ್ ರಾಜ್ ಖುರಾನಾ ಅವರ ಬಗ್ಗೆ. 1928 ರಲ್ಲಿ ಜನಿಸಿದ ಅವರು ಬಾಲಿವುಡ್‌ನಲ್ಲಿ ಅನೇಕ ಸೂಪರ್ ಹಿಟ್ ಚಲನಚಿತ್ರಗಳಲ್ಲಿ ಅತ್ಯುತ್ತಮ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದಲ್ಲದೆ, ಅವರ ಮಗಳು ಅನಿತಾ ರಾಜ್ ಕೂಡ ಬಾಲಿವುಡ್ ನಟಿ. ಮತ್ತು ಜಗದೀಶ್ ರಾಣಾ ಅವರು ಅನೇಕ ಸಿನಿಮಾಗಳಲ್ಲಿ ಪೊಲೀಸ್ ಪಾತ್ರದಲ್ಲಿ ನಟಿಸಿರುವ ನಟರಾಗಿ ಗಿನ್ನಿಸ್ ದಾಖಲೆ ಮಾಡಿದ್ದಾರೆ.. ಲಿಮ್ಕಾ ಬುಕ್ ಆಫ್ ರೆಕಾರ್ಡ್‌ನಲ್ಲಿ ಸ್ಥಾನ ಪಡೆದಿದ್ದಾರೆ.. ಮೊದಲು 1956 ರ ಕ್ಲಾಸಿಕ್ ಸಿಐಡಿಯಲ್ಲಿ ಪೊಲೀಸ್ ಇನ್ಸ್‌ಪೆಕ್ಟರ್ ಪಾತ್ರವನ್ನು ನಿರ್ವಹಿಸಿದರು. ರಾಜ್ ಖುರಾನಾ ಅವರು ದೀವಾರ್, ಡಾನ್, ಶಕ್ತಿ, ಮಜ್ದೂರ್, ಇಮಾನ್ ಧರಮ್, ಗೋಪಿಚಂದ್ ಜಾಸೂಸ್, ಸಿಲ್ಸಿಲಾ, ಐನಾ, ಬೇಶರಂ ಮುಂತಾದ ಬ್ಲಾಕ್‌ಬಸ್ಟರ್ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.


ಇದನ್ನೂ ಓದಿ-ಬೀದಿಗೆ ಬಂತು ʼರಣ ವಿಕ್ರಮʼ ಸಿನಿಮಾದ ನಟಿ ಜೀವನ..! ಕೋಟಿ.. ಕೋಟಿ.. ಆಸ್ತಿ ಇದ್ದ ನಟಿಗೇಕೆ ಬಂತು ಈ ಗತಿ..!?


ಜಗದೀಶ್ ರಾಜ್ ಖುರಾನಾ ಅವರು ಸರ್ಗೋಧಾದಲ್ಲಿ (ಈಗ ಪಾಕಿಸ್ತಾನದ ಭಾಗ) ಜನಿಸಿದರು. ಅವರ ಚಲನಚಿತ್ರ ವೃತ್ತಿಜೀವನವು 1955 ರಿಂದ 2004 ರವರೆಗೆ ವ್ಯಾಪಿಸಿದೆ. ಕೊನೆಗೆ ‘ಮೇರಿ ಬೀವಿ ಕಾ ಜವಾಬ್ ನಹೀಂ’ ಸಿನಿಮಾದಲ್ಲಿ ರಾಜ್ ನಟಿಸಿದರು. ರಾಜ್ ಈ ಸಿನಿಮಾದಲ್ಲಿ ಡೆಪ್ಯುಟಿ ಇನ್ಸ್ ಪೆಕ್ಟರ್ ಜನರಲ್ ಪಾತ್ರದಲ್ಲಿ ನಟಿಸಿದ್ದಾರೆ. 1992ರ ಹೊತ್ತಿಗೆ ಜಗದೀಶ್ ರಾಜ್ ಚಿತ್ರರಂಗದಿಂದ ದೂರವಾಗಿದ್ದರು. ಆಗ ಅವರ ಮಗಳು ಅನಿತಾ ರಾಜ್ ಕೂಡ ಸಿನಿಮಾಗಳಲ್ಲಿ ಯಶಸ್ವಿಯಾಗಿದ್ದರು. ಅವರು 1981 ರ ಪ್ರೇಮ್ ಗೀತ್ ಚಿತ್ರದಲ್ಲಿ ರಾಜ್ ಬಬ್ಬರ್ ಜೊತೆ ನಟಿಸಿದರು. 80 ಮತ್ತು 90 ರ ದಶಕದಲ್ಲಿ, ಅವರು ಹಲವಾರು ಯಶಸ್ವಿ ಚಲನಚಿತ್ರಗಳಲ್ಲಿ ನಟಿಸಿದರು.


ಇದನ್ನೂ ಓದಿ-ಏಕಾಏಕಿ ಗುಟ್ಟಾಗಿ ಮದುವೆಯಾದ ನಟಿ ಅನುಷ್ಕಾ ಶರ್ಮಾ ಸಹೋದರಿ..! ಫೊಟೋಸ್‌ ವೈರಲ್‌


ಅವರು ನೌಕರ್ ಬಿವಿ ಕಾ, ಜೀನೆ ನಹೀ ದೂಂಗಾ ಮತ್ತು ಗುಲಾಮಿ ಮುಂತಾದ ಚಿತ್ರಗಳಲ್ಲಿ ಧರ್ಮೇಂದ್ರ ಅವರೊಂದಿಗೆ ನಟಿಸಿದ್ದಾರೆ. ಇದಲ್ಲದೆ, ಅವರು 60 ವರ್ಷ ವಯಸ್ಸಿನಲ್ಲೂ ಉತ್ತಮ ಮೈಕಟ್ಟು ಮತ್ತು ಫಿಟ್ನೆಸ್ ಅನ್ನು ಹೊಂದಿದ್ದರು.. ಜಗದೀಶ್ ರಾಜ್ ಖುರಾನಾ ಅವರು 2013 ರಲ್ಲಿ ತಮ್ಮ 85 ನೇ ವಯಸ್ಸಿನಲ್ಲಿ ಉಸಿರಾಟದ ಸಂಬಂಧಿತ ಕಾಯಿಲೆಗಳಿಂದ ನಿಧನರಾದರು.


260 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ರಾಜ್, ನ್ಯಾಯಮೂರ್ತಿ ಮತ್ತು ಪ್ರತಿಸ್ಪರ್ಧಿ ಪಾತ್ರಗಳಂತಹ ಪೋಷಕ ಪಾತ್ರಗಳನ್ನು ಸಹ ನಿರ್ವಹಿಸಿದ್ದಾರೆ. ಜಗದೀಶ್ ರಾಜ್ ಜುಲೈ 29, 2013 ರಂದು ಮುಂಬೈನ ಜುಹು ನಿವಾಸದಲ್ಲಿ ನಿಧನರಾದರು.