ಸಿನಿಮಾ ತೊರೆದು ಐಎಎಸ್ ಆಫೀಸರ್‌ ಆದ ಖ್ಯಾತ ನಟಿ

IAS Story: ಅನೇಕ ಚಲನಚಿತ್ರಗಳು ಮತ್ತು ಟಿವಿ ಧಾರಾವಾಹಿಗಳಲ್ಲಿ, ನಟಿಯರು ಮತ್ತು ನಟರು IAS ಅಧಿಕಾರಿಯ ಪಾತ್ರವನ್ನು ಬಹಳ ಪರಿಣಾಮಕಾರಿಯಾಗಿ ನಿರ್ವಹಿಸುವುದನ್ನು ನಾವು ನೋಡುತ್ತೇವೆ. ಆದರೆ ನಿಜ ಜೀವನದಲ್ಲಿ ಒಬ್ಬ ನಟ ಅಥವಾ ನಟಿ ಐಎಎಸ್ ಅಧಿಕಾರಿಯಾಗುವುದು ಮತ್ತು ಆಡಳಿತಾತ್ಮಕ ಕೆಲಸ ಮಾಡುವುದು ಅಪರೂಪ. ಆದರೆ ಒಬ್ಬ ನಟಿ ಚಿತ್ರರಂಗದಲ್ಲಿ ತನ್ನ ವೃತ್ತಿಜೀವನವನ್ನು ತ್ಯಜಿಸಿ ಐಎಎಸ್‌ ಆಗಲು ನಿರ್ಧರಿಸಿದರು. 

UPSC ತುಂಬಾ ಕಠಿಣವಾಗಿದೆ ಮತ್ತು ಹೆಚ್ಚಿನ ಸಂಖ್ಯೆಯ IAS ಆಕಾಂಕ್ಷಿಗಳು ಅದನ್ನು ಮಧ್ಯದಲ್ಲಿ ಬಿಟ್ಟು ಬೇರೆ ಉದ್ಯೋಗವನ್ನು ಹುಡುಕಲು ಪ್ರಾರಂಭಿಸುತ್ತಾರೆ. ಅದರಲ್ಲೂ ನಟ ಅಥವಾ ನಟಿಯರು ಖ್ಯಾತಿ ಪಡೆದ ಮೇಲೆ ಇಂತಹ ನೌಕರಿ ಪಡೆಯುವುದು ಸವಾಳೇ ಸರಿ. ಜನರು ಅವರನ್ನು ಸೆಲೆಬ್ರಿಟಿ ಸ್ಥಾನಮಾನದಲ್ಲಿ ಕಾಣುವ ಕಾರಣದಿಂದಾಗಿ ಭೇಟಿಯಾಗಲು ಬಯಸುತ್ತಾರೆ. ಆದರೆ ಒಂದಾನೊಂದು ಕಾಲದಲ್ಲಿ ಬಾಲ ಕಲಾವಿದೆಯಾಗಿ ಹಲವು ಸಿನಿಮಾ, ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದ ಎಚ್.ಎಸ್.ಕೀರ್ತನಾ ಈಗ ಐಎಎಸ್ ಅಧಿಕಾರಿಯಾಗಿದ್ದಾರೆ.

ಇದನ್ನೂ ಓದಿ: ಪ್ರಿಯಕರನಿಗಾಗಿ ಹೆಸರು ಬದಲಿಸಿಕೊಂಡ ಕಿರುತೆರೆ ನಟಿ..ಗುಟ್ಟಾಗಿ 2ನೇ ಮದುವೆಯಾದ್ರಾ ಜ್ಯೋತಿ ರೈ..?

ಮಾಜಿ ಬಾಲನಟಿ ಎಚ್‌ಎಸ್ ಕೀರ್ತನಾ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಐದು ಬಾರಿ ವಿಫಲರಾದರು. ಆದರೂ ಭರವಸೆ ಕಳೆದುಕೊಳ್ಳಲಿಲ್ಲ ಮತ್ತು ತನ್ನ ಆರನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿ ನೇಮಕಾತಿ ಪರೀಕ್ಷೆಯಲ್ಲಿ ಪಾಸಾದರು. ಅವರು ತಮ್ಮ ಮೊದಲ ಪೋಸ್ಟಿಂಗ್‌ಗಾಗಿ ಕರ್ನಾಟಕದ ಮಂಡ್ಯ ಜಿಲ್ಲೆಯಲ್ಲಿ ಸಹಾಯಕ ಆಯುಕ್ತರಾಗಿ ನೇಮಕಗೊಂಡರು. ಕೀರ್ತನಾ ಅವರು ಕರ್ಪೂರದ ಗೊಂಬೆ, ಗಂಗಾ-ಯಮುನಾ, ಮುದ್ದಿನ ಅಳಿಯ, ಉಪೇಂದ್ರ, ಎ, ಕಾನೂರು ಹೆಗ್ಗಡತಿ, ಸರ್ಕಲ್ ಇನ್ಸ್‌ಪೆಕ್ಟರ್, ಓ ಮಲ್ಲಿಗೆ, ಲೇಡಿ ಕಮಿಷನರ್, ಹಬ್ಬ, ದೊರೆ ಮುಂತಾದವುಗಳಲ್ಲಿ ಕೆಲಸ ಮಾಡಿದ್ದಾರೆ.  

ತನ್ನ UPSC ತಯಾರಿಯನ್ನು ಪ್ರಾರಂಭಿಸುವ ಮೊದಲು, ಕೀರ್ತನಾ 2011 ರಲ್ಲಿ ಕರ್ನಾಟಕ ಆಡಳಿತ ಸೇವೆ (KAS) ಪರೀಕ್ಷೆಯಲ್ಲಿ ಉತ್ತಮ ಅಂಕಗಳೊಂದಿಗೆ ತೇರ್ಗಡೆಯಾದರು. ಅವರು ಎರಡು ವರ್ಷಗಳ ಕಾಲ ಕೆಎಎಸ್ ಅಧಿಕಾರಿಯಾಗಿ ಕೆಲಸ ಮಾಡಿದರು ಮತ್ತು ನಂತರ ಯುಪಿಎಸ್‌ಸಿ ಪರೀಕ್ಷೆಗೆ ಹಾಜರಾಗಲು ನಿರ್ಧರಿಸಿದರು. ಅವರ ತಯಾರಿ ಆರಂಭಿಸಿದರು. ಕೀರ್ತನಾ ಯುಪಿಎಸ್‌ಸಿ ಸಿಎಸ್‌ಇಗೆ 2013ರಲ್ಲಿ ಮೊದಲ ಬಾರಿಗೆ ಹಾಜರಾಗಿದ್ದರು. ಇದಾದ ನಂತರ ಆಕೆ ಐದು ಬಾರಿ ಯುಪಿಎಸ್‌ಸಿ ಸಿಎಸ್‌ಇ ಪರೀಕ್ಷೆಯಲ್ಲಿ ಯಶಸ್ವಿಯಾಗಲಿಲ್ಲ. ಆದರೆ 2020 ರಲ್ಲಿ ಕೀರ್ತನಾ ಯುಪಿಎಸ್‌ಸಿ ಸಿಎಸ್‌ಇಗೆ ಆರನೇ ಬಾರಿ ಅಟೆಂಪ್ಟ್‌ನಲ್ಲಿ ಯಶಸ್ವಿಯಾದರು. ಕೀರ್ತನಾ ಅಖಿಲ ಭಾರತ ಶ್ರೇಣಿ (AIR) 167 ನೊಂದಿಗೆ IAS ಅಧಿಕಾರಿಯಾದರು.