ಎರಡನೇ ಬಾರಿಗೆ ತಂದೆಯಾದ ಪ್ರಭುದೇವ..! ಹೆಣ್ಣು ಮಗುವನ್ನು ಸ್ವಾಗತಿಸಿದ ನಟ

Prabhu deva Himani Singh : ಖ್ಯಾತ ನಟ-ನಿರ್ದೇಶಕ-ಕೊರಿಯೋಗ್ರಾಫರ್ ಪ್ರಭುದೇವ ಮತ್ತೆ ತಂದೆಯಾಗಿದ್ದಾರೆ. ಇಂದು ಅವರ ಎರಡನೇ ಪತ್ನಿ ಹಿಮಾನಿ ಅವರು ಮೊದಲ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಸಿಹಿ ಸುದ್ದಿಯನ್ನು ಸ್ವತಃ ಪ್ರಭುದೇವ ಅವರು ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ಹೌದು.. ಮಗಳು ಹುಟ್ಟಿದ ಖುಷಿಯಲ್ಲಿರುವ ಪ್ರಭುದೇವ ಈ ಕುರಿತು ಮಾತನಾಡಿದ್ದು,  ಸಾಧ್ಯವಾದಷ್ಟು ಮನೆಯಲ್ಲಿ ಸಮಯ ಕಳೆಯಲು ಬಯಸುತ್ತೇನೆ. ಈಗಾಗಲೇ ನನ್ನ ಕೆಲಸದ ಹೊರೆಯನ್ನು ಕಡಿಮೆ ಮಾಡಿದ್ದೇನೆ. ನನ್ನ ಕುಟುಂಬದೊಂದಿಗೆ ಸ್ವಲ್ಪ ಸಮಯ ಕಳೆಯಲು ಬಯಸುತ್ತೇನೆ ಎಂದು ತಿಳಿಸಿದ್ದಾರೆ.  

ಇದನ್ನೂ ಓದಿ: Kazan Khan: ʼಹಬ್ಬʼ ಸಿನಿಮಾದಲ್ಲಿ ನಟಿಸಿರುವ ಖ್ಯಾತ ಖಳನಟ ಕಝಾನ್​ ಖಾನ್​ ಇನ್ನಿಲ್ಲ!

ಪ್ರಭುದೇವ ಅವರ ಎರಡನೇ ಪತ್ನಿ ಹಿಮಾನಿ ಸಿಂಗ್ ಮುಂಬೈನಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. 50 ನೇ ವಯಸ್ಸಿನ ಪ್ರಭುದೇವ ಅವರು ಮತ್ತೊಮ್ಮೆ ತಂದೆಯಾಗಿದಾರೆ. ಇತ್ತೀಚೆಗೆ ಖಾಸಗಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಅವರು ತಾವು ತಂದೆಯಾಗುತ್ತಿರುವ ಸುದ್ದಿ ಹಂಚಿಕೊಂಡಿದ್ದರು.

ಈ ಹಿಂದೆ ಪ್ರಭುದೇವ ಅವರು ರಮ್ಲತ್ ಎಂಬುವರನ್ನು ಮದುವೆಯಾಗಿದ್ದರು, ಅವರಿಗೆ ಮೂರು ಗಂಡು ಮಕ್ಕಳನ್ನು ಜನಿಸಿದ್ದರು. ದುರದೃಷ್ಟವಶಾತ್ ಅವರ ಹಿರಿಯ ಮಗ 2008ರಲ್ಲಿ 13ನೇ ವಯಸ್ಸಿನಲ್ಲಿ ಕ್ಯಾನ್ಸರ್‌ನಿಂದ ನಿಧನರಾದರು. ಇದೀಗ ಮತ್ತೆ ತಂದೆಯ ಸ್ಥಾನ ತುಂಬಿದ್ದಾರೆ.