Hostel Hudugaru Bekagiddare : ಹಾಸ್ಟೆಲ್‌ ಹುಡುಗರಿಗೆ ಲೆಕ್ಚರರ್‌ ಪದ್ಮಾವತಿ..ಟ್ರೈಲರ್‌ ಮಸ್ತ್‌ ಐತಿ

Hostel Hudugaru Bekagiddare : ಕಿರಿಕ್‌ ಮಾಡುವ ವಾರ್ಡನ್‌ ಕಾಟದಿಂದ ತಪ್ಪಿಸಿಕೊಳ್ಳಲು ಹಾಸ್ಟೆಲ್‌ ಹುಡುಗರು ಏನೆಲ್ಲಾ ಮಾಡುತ್ತಾರೆ, ಅವರಿಂದ ಏನೆಲ್ಲಾ ಸಮಸ್ಯೆಗಳಾಗುತ್ತೆ ಅನ್ನೋದನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಆದ್ರೆ ಇಷ್ಟೆ ಕಥೆಯಲ್ಲ. ದೊಡ್ಡ ತಿರುವು ಇದೆ. ಈ ಹಾಸ್ಟೆಲ್‌ ಹುಡುಗರ ಹಾವಳಿ ಯಾಕ್‌ ಕೇಳ್ತಿರಾ..? ಬರೀ ಟ್ರೈಲರ್‌ನಲ್ಲಿಯೇ ಹುಚ್ಚೆಬ್ಬಿಸಿದೆ ಇನ್ನು ಸಿನಿಮಾ ಸಖತ್‌ ಕಿಕ್‌ ಕೊಡೋದು ಗ್ಯಾರಂಟಿ..

ಸಣ್ಣ ಸಣ್ಣ ಗ್ಲಿಂಪ್ಸ್‌ನಿಂದ ಗಮನ ಸೆಳೆದಿದ್ದ ಹಾಸ್ಟೆಲ್‌ ಹುಡುಗರು ಬೇಕಾಗಿದ್ದಾರೆ ಸಿನಿಮಾ ಇದೀಗ 4:10 ನಿಮಿಷದ ಟ್ರೇಲರ್‌ ಬಿಡುಗಡೆ ಮಾಡಿದೆ. ಇದರಲ್ಲಿ ಹುಡುಗರ ಕಿತಾಪತಿ, ಮೋಜು ಮಸ್ತಿ, ಹಾಸ್ಟೆಲ್‌ ವಾರ್ಡನ್‌ ಕಾಟವನ್ನು ನೀವು ನೋಡಬಹುದು.

ಇದನ್ನೂ ಓದಿ-Rashmika Mandanna : ರಶ್ಮಿಕಾ ಬಾಯಲ್ಲಿ ಕನ್ನಡ..ಯಪ್ಪೊ ಏನಿದು ದುರಂತ ಎಂದ ನೆಟ್ಟಿಗರು..!

ಅದ್ಧೂರಿ ಕಾರ್ಯಕ್ರಮದಲ್ಲಿ ಈ ʼಹಾಸ್ಟೆಲ್‌ ಹುಡುಗರು ಬೇಕಾಗಿದ್ದಾರೆʼ ಸಿನಿಮಾ ಟ್ರೇಲರ್‌ ಬಿಡುಗಡೆಯಾಯಿತು. ಅಶ್ವಿನಿ ಪುನೀತ್‌ ರಾಜಕುಮಾರ್‌, ರಿಷಬ್‌ ಶೆಟ್ಟಿ, ಧ್ರುವ ಸರ್ಜಾ ಸೇರಿದಂತೆ ಸ್ಯಾಂಡಲ್‌ವುಡ್‌ ತಾರೆಯರು ಚಿತ್ರಕ್ಕೆ ಆಶೀರ್ವಾದಿಸಿದ್ದಾರೆ. ಇನ್ನು ಈ ಸಿನಿಮಾ ಜುಲೈ 21ಕ್ಕೆ ತೆರೆಗೆ ಬರಲಿದ್ದು, ಟ್ರೇಲರ್‌ನಿಂದ ಸಿನಿಮಾದ ಮೇಲಿನ ಭರವಸೆ ಇನ್ನು ಹೆಚ್ಚಾಗಿದೆ.

ನಿತಿನ್‌ ಕೃಷ್ಣಮೂರ್ತಿ ನಿರ್ದೇಶನದ ಈ ಚಿತ್ರದಲ್ಲಿ ಸಾಕಷ್ಟು ಹೊಸ ಪ್ರತಿಭೆಗಳು ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾಗೆ ಅಜನೀಶ್‌ ಲೋಕನಾಥ್‌ ಅವರ ಸಂಗೀತವಿದ್ದು, ರಕ್ಷಿತ್‌ ಶೆಟ್ಟಿ ಪರವಂ ಬ್ಯಾನರ್‌ನಲ್ಲಿ ಸಿನಿಮಾ ಬಿಡುಗಡೆ ಮಾಡುತ್ತಿದ್ದಾರೆ.