IMDb 2023ರ ಜನಪ್ರಿಯ ಸಿನಿಮಾಗಳ ಪಟ್ಟಿ ರಿಲೀಸ್‌..! ʼಪಠಾಣ್‌ʼ ಫಸ್ಟ್‌, ಕನ್ನಡದ ಯಾವ ಚಿತ್ರ ಲಿಸ್ಟ್‌ನಲ್ಲಿದೆ..?

IMDb 2023 popular movies list : ಐಎಮ್‌ಡಿಬಿ ಜನಪ್ರಿಯ ಆನ್‌ಲೈನ್ ಚಲನಚಿತ್ರ ಮತ್ತು ಟಿವಿ ಡೇಟಾಬೇಸ್ 2023ರ ಪಟ್ಟಿಯ್ನು ಬಿಡುಗಡೆ ಮಾಡಿದೆ. ಅತ್ಯಂತ ಜನಪ್ರಿಯ ಭಾರತೀಯ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳ ಪಟ್ಟಿಯನ್ನು ಅನಾವರಣಗೊಂಡಿದ್ದು, ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ 'ಪಠಾನ್' ಚಲನಚಿತ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.

IMDb ಜನಪ್ರೀಯ ಚಲನಚಿತ್ರ ಪಟ್ಟಿ ಆಕ್ಷನ್, ಡ್ರಾಮಾ ಮತ್ತು ಕ್ರೈಂ ಸೇರಿದಂತೆ ವಿವಿಧ ಪ್ರಕಾರಗಳ ಸಿನಿಮಾಗಳನ್ನು ಒಳಗೊಂಡಿದೆ. ಪಟ್ಟಿಯಲ್ಲಿರುವ ಇತರ ಗಮನಾರ್ಹ ಚಿತ್ರಗಳೆಂದರೆ 'ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್,' 'ದಿ ಕೇರಳ ಸ್ಟೋರಿ,' ಮತ್ತು 'ಮಿಷನ್ ಮಜ್ನು.'  

ಇನ್ನು ಪಠಾಣ್ ಅಗ್ರಸ್ಥಾನದಲ್ಲಿರುವ ಬಗ್ಗೆ ಎಸ್‌ಆರ್‌ಕೆ ಪ್ರತಿಕ್ರಿಯೆ ನೀಡಿದ್ದು, "IMDb ಯ ಪಟ್ಟಿಯಲ್ಲಿ ಪಠಾಣ್ ಮೊದಲ ಸ್ಥಾನದಲ್ಲಿರುವ ಸುದ್ದಿ ಅತ್ಯಂತ ಸಂತೋಷ ನೀಡಿದೆ. ಪಠಾಣ್ ಪಡೆದಿರುವ ಪ್ರೀತಿಯ ಪ್ರಮಾಣವನ್ನು ನೋಡುವುದು ಅದ್ಭುತ. ಎಲ್ಲರಿಗೂ ಧನ್ಯವಾದಗಳು. ಪಠಾಣ್ ತಂಡಕ್ಕೆ ಮತ್ತು ಪ್ರಪಂಚದಾದ್ಯಂತದ ಪ್ರೇಕ್ಷಕರಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ.. ಎಂದು ಹೇಳಿದ್ದಾರೆ.

'ದಿ ನೈಟ್ ಮ್ಯಾನೇಜರ್' ಮತ್ತು 'ರಾಣಾ ನಾಯ್ಡು' 'ಅಸುರ್: ವೆಲ್‌ಕಮ್ ಟು ಯುವರ್ ಡಾರ್ಕ್ ಸೈಡ್' ಮತ್ತು 'ರಾಕೆಟ್ ಬಾಯ್ಸ್' ಸೇರಿದಂತೆ ಹಲವು ವೆಬ್ ಸಿರೀಸ್‌ಗಳು ಜನಪ್ರಿಯತೆಯನ್ನು ಗಳಿಸಿವೆ.