ಜೈಲರ್ OTT ರಿಲೀಸ್‌ ಡೇಟ್ ಫಿಕ್ಸ್‌! ಈ ಎರಡು ಪ್ಲಾಟ್‌ಫಾರ್ಮ್‌ಗಳಲ್ಲಿ ಸೂಪರ್‌ಸ್ಟಾರ್ ಸಿನಿಮಾ ಸ್ಟ್ರೀಮಿಂಗ್‌!

Jailer : ರಜನಿಕಾಂತ್ ಅಭಿನಯದ ಜೈಲರ್ ಬಾಕ್ಸ್ ಆಫೀಸ್ ಆಳುತ್ತಿದೆ. ಲಕ್ಷಾಂತರ ಜನ ಸಿನಿಮಾ ನೋಡಿ ಎಂಜಾಯ್ ಮಾಡುತ್ತಿದ್ದಾರೆ. ಥಿಯೇಟರ್‌ಗಳಲ್ಲಿ ಸಿನಿಮಾ ನೋಡದಿದ್ದರೂ ಒಟಿಟಿಯಲ್ಲಿ ಜೈಲರ್‌ ರಿಲೀಸ್‌ ಆಗಲಿದೆ ಎಂದು ಹಲವರು ಕಾಯುತ್ತಿದ್ದಾರೆ. ಜೈಲರ್ ರಿಲೀಸ್ ಡೇಟ್ ಯಾವಾಗ ಅನೌನ್ಸ್‌ ಆಗುತ್ತೆ ಎಂದು ಕಾತರದಿಂದ ಕಾಯುತ್ತಿರುವವರಿಗೆ ಇದೊಂದು ಸಂತಸದ ಸುದ್ದಿ.

ಹೌದು ಜೈಲರ್ ಚಿತ್ರ 2 ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಟಿಟಿಯಲ್ಲಿ ಲಭ್ಯವಾಗಲಿದೆ ಎಂದು ತಿಳಿದುಬಂದಿದೆ. ಅವುಗಳಲ್ಲಿ ಒಂದು ನೆಟ್‌ಫ್ಲಿಕ್ಸ್, ಆದರೆ ಇನ್ನೊಂದು ಸೈಟ್‌ನ ಮಾಹಿತಿಯು ಸ್ಪಷ್ಟವಾಗಿಲ್ಲ. 

ಬಹು ನಿರೀಕ್ಷಿತ ರಜನಿಕಾಂತ್ ಅಭಿನಯದ “ಜೈಲರ್” ಆಗಸ್ಟ್ 10, 2023 ರಂದು ಬೆಳ್ಳಿ ಪರದೆಯನ್ನು ಪ್ರವೇಶಿಸಿತು. ಈ ಚಿತ್ರದಲ್ಲಿ ರಜನಿಕಾಂತ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದು, ರಮ್ಯಾ ಕೃಷ್ಣನ್, ತಮನ್ನಾ, ಜಾಕಿ ಶ್ರಾಫ್, ಮೋಹನ್ ಲಾಲ್, ಶಿವರಾಜ್ ಕುಮಾರ್ ಸೇರಿದಂತೆ ಹಲವರು ನಟಿಸಿದ್ದಾರೆ. 

ಇದನ್ನೂ ಓದಿ-‘ಜೈ ಭೀಮ್’ ಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿ ಸಿಗದಿದ್ದಕ್ಕೆ ಖ್ಯಾತ ನಟ ಬೇಸರ..!

ಕಳೆದ 5 ವರ್ಷಗಳಲ್ಲಿ ರಜನಿಕಾಂತ್ ಅವರ ಚಿತ್ರಗಳು ನೋಡದಂತಹ ಅಭೂತಪೂರ್ವ ಪ್ರತಿಕ್ರಿಯೆಯನ್ನು ಪಡೆಯುತ್ತಿರುವ 'ಜೈಲರ್' ಚಿತ್ರ ಭರ್ಜರಿ ಯಶಸ್ಸನ್ನು ಸೃಷ್ಟಿಸುತ್ತಿದೆ. ರಜನಿಕಾಂತ್ ಅವರ ಕೊನೆಯ ಚಿತ್ರ 'ಅನ್ನಧಾ' ಅಭಿಮಾನಿಗಳ ಮೆಚ್ಚಿನ ಆದರೆ ವಿಮರ್ಶಾತ್ಮಕವಾಗಿ ಹಿನ್ನಡೆ ಅನುಭವಿಸಿತ್ತು. ಆದರೆ ಜೈಲರ್‌ ಸಿನಿಮಾ ಮಾತ್ರ ರಜನಿ ಅಭಿಮಾನಿಗಳಿಗೆ ಸಖತ್‌ ಖುಷಿ ನೀಡಿದೆ.  

ಕಲೆಕ್ಷನ್‌ ಡಿಟೇಲ್ಸ್‌: 
ಜೈಲರ್ ಬಿಡುಗಡೆಯಾದ ಮೊದಲ ದಿನವೇ 50 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಚಿತ್ರದ ಕಲೆಕ್ಷನ್ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇತ್ತು. ಇತ್ತೀಚೆಗಷ್ಟೇ ಜೈಲರ್ 375 ಕೋಟಿ ದಾಟಿದೆ ಎಂದು ಸನ್ ಪಿಕ್ಚರ್ಸ್ ತಿಳಸಿತ್ತು. 

375.40 ಕೋಟಿ ಕಲೆಕ್ಷನ್ ಮಾಡಿ ದಾಖಲೆ ಬರೆದಿರುವ ಜೈಲರ್‌ ಸಿನಿಮಾ ಬಗ್ಗೆ ಸೋಶಿಯಲ್ ಮೀಡಿಯಾ ಪೋಸ್ಟ್ ನಲ್ಲಿ ತಮಿಳು ಚಿತ್ರರಂಗದಲ್ಲಿ ಒಂದೇ ವಾರದಲ್ಲಿ ಇಷ್ಟು ಕೋಟಿ ಕಲೆಕ್ಷನ್ ಮಾಡಿದ ಏಕೈಕ ಸಿನಿಮಾ ಜೈಲರ್ ಎಂದು ಹೇಳಲಾಗುತ್ತಿದೆ. 

ಇದನ್ನೂ ಓದಿ-ಕಾಟೇರಾ ಅದ್ಭುತ ಸಿನಿಮಾ.. ಒಳ್ಳೆಯ ಸಿನಿಮಾ ಗೆಲ್ಲಬೇಕು ಅನ್ನೋದು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ತುಡಿತ..!

ಇದೆಲ್ಲದರ ನಡುವೆ ಜೈಲರ್ 2 OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿ ಮಾಡಲಾಗಿದ್ದು, ಸದ್ಯ ಈ ಸುದ್ದಿ ಅಭಿಮಾನಿಗಳಿಗೆ ಹೆಚ್ಚು ಖುಷಿ ನೀಡಿದೆ. ಸೆಪ್ಟೆಂಬರ್ 7, 2023 ರಿಂದ ಪ್ರತಿಯೊಬ್ಬರೂ ತಮ್ಮ ಮನೆಯಲ್ಲೆ ಜೈಲರ್ ಅನ್ನು ವೀಕ್ಷಿಸಬಹುದು.

ಜೈಲರ್ ಚಲನಚಿತ್ರದ ತಾರಾಬಳಗ
ಜೈಲರ್ ಭಾರತೀಯ ಚಲನಚಿತ್ರೋದ್ಯಮದ ಅನೇಕ ಪ್ರಮುಖ ನಟ ಮತ್ತು ನಟಿಯರನ್ನು ಒಳಗೊಂಡಿತ್ತು. ಹಿಂದಿ ನಟ ಜಾಕಿ ಶ್ರಾಫ್, ಮಲಯಾಳಂ ನಟ ಮೋಹನ್ ಲಾಲ್, ಕನ್ನಡ ನಟ ಶಿವರಾಜ್ ಕುಮಾರ್ ಮತ್ತು ತಮನ್ನಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಮಲಯಾಳಂ ನಟ ವಿನಾಯಕ್ ಚಿತ್ರದ ಖಳನಾಯಕನಾಗಿ ನಟಿಸಿದ್ದಾರೆ.