Janhvi – Khushi Kapoor: ತಮಿಳಿಗೆ ಎಂಟ್ರಿ ಕೊಟ್ಟ ಜಾನ್ವಿ ಸಹೋದರಿ..! ಸೌತ್‌ ಸಿನಿರಂಗವನ್ನೇ ಆಳ್ತಾರಾ ಶ್ರೀದೇವಿ ಪುತ್ರಿಯರು?

Janhvi – Khushi Kapoor: ಸುಂದರ ತಾರೆ, ದಿವಂಗತ ನಟಿ ಶ್ರೀದೇವಿ ತಮ್ಮ ಚಲನಚಿತ್ರಗಳೊಂದಿಗೆ ಕೆಲವು ದಶಕಗಳ ಕಾಲ ದಕ್ಷಿಣ ಮತ್ತು ಬಾಲಿವುಡ್ ಚಿತ್ರರಂಗವನ್ನು ಆಳಿದರು. ಜಾಹ್ನವಿ ಕಪೂರ್ ಅವರ ಉತ್ತರಾಧಿಕಾರಿಯಾಗಿ ಈಗಾಗಲೇ ಚಿತ್ರರಂಗ ಪ್ರವೇಶಿಸಿದ್ದಾರೆ. ಇದೀಗ ಶ್ರೀದೇವಿ ಅವರ ಎರಡನೇ ಪುತ್ರಿ ಖುಷಿ ಶೀಘ್ರದಲ್ಲೇ ನಾಯಕಿಯಾಗಿ ಪಾದಾರ್ಪಣೆ ಮಾಡಲಿದ್ದಾರೆ ಎನ್ನಲಾಗುತ್ತಿದೆ.. 

ಸದ್ಯ ಜಾನ್ವಿ ಕಪೂರ್ ಲೇಡಿ ಓರಿಯೆಂಟೆಡ್ ಚಲನಚಿತ್ರಗಳನ್ನು ಮಾಡುತ್ತಿದ್ದಾರೆ. ಆದರೆ ನಟಿಗೆ ಇದುವರೆಗೂ ಒಂದೇ ಒಂದು ಕಮರ್ಷಿಯಲ್ ಹಿಟ್ ಸಿಕ್ಕಿಲ್ಲವಾದ್ದರಿಂದ ಇನ್ನೂ ಸ್ಟಾರ್ ಹೀರೋಯಿನ್ ಆಗಿಲ್ಲ ಎಂದೇ ಹೇಳಬಹುದು. ಜಾಹ್ನವಿ ಕಪೂರ್ ಇತ್ತೀಚೆಗೆ ಎನ್‌ಟಿಆರ್ ಜೊತೆಗಿನ 'ದೇವರ' ಚಿತ್ರದ ಮೂಲಕ ಟಾಲಿವುಡ್‌ಗೆ ಪ್ರವೇಶಿಸಲಿದ್ದಾರೆ. ಈ ಸಿನಿಮಾದ ಫಸ್ಟ್ ಲುಕ್ ಕೂಡ ರಿಲೀಸ್ ಆಗಿದೆ. 

ಇದನ್ನೂ ಓದಿ-BBK 10: "ತುಕಾಲಿ ಸಂತು ‘ಮಾಮ ಕೆಲಸ’ ಮಾಡ್ತಾರೆ ಅಂತಿದ್ರು. ಈಗ ವಿನಯ್ ಮಾಡ್ತಿರೋದೇನು?": ಕಟುವಾಗಿ ಪ್ರಶ್ನಿಸಿದ ವೀಕ್ಷಕರು!

ಇನ್ನು ಇದೀಗ ಶ್ರೀದೇವಿ ಅವರ ಎರಡನೇ ಮಗಳು ಖುಷಿ ಕಪೂರ್ (ಕುಶಿ ಕಪೂರ್) ಈಗಾಗಲೇ ಸೋಷಿಯಲ್‌ ಮಿಡಿಯಾದಲ್ಲಿ ಫುಲ್ ಫಾಲೋವರ್ಸ್ ಪಡೆದಿದ್ದಾರೆ. ಸದ್ಯದಲ್ಲೇ ‘ದಿ ಆರ್ಚೀಸ್’ ಚಿತ್ರದ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಡಲಿದ್ದಾರೆ ಎಂದು ವರದಿಯಾಗಿದ್ದು.. ಇದಲ್ಲದೇ ಇತ್ತೀಚೆಗಷ್ಟೇ ಖುಷಿ ಕಪೂರ್ ತಮಿಳಿಗೆ ಎಂಟ್ರಿ ಕೊಡಲಿದ್ದಾರೆ ಎಂಬ ಸುದ್ದಿಯೂ ಹರಿದಾಡುತ್ತಿದೆ.. ತಮಿಳು ನಟ ಅಥರ್ವ ಅವರ ಮುಂಬರುವ ಚಿತ್ರದಲ್ಲಿ ಖುಷಿ ಕಪೂರ್ ನಟಿಸಲಿದ್ದಾರೆ ಎಂಬ ವರದಿಗಳಿವೆ. ಆದರೆ ಈ ಬಗ್ಗೆ ಇನ್ನೂ ಅಧಿಕೃತ ಘೋಷಣೆಯಾಗಿಲ್ಲ.

ಖುಶಿ ಕಪೂರ್ ನಿಜವಾಗಿಯೂ ತಮಿಳು ಚಿತ್ರದ ಮೂಲಕ ಎಂಟ್ರಿ ಕೊಟ್ಟರೆ, ಅಕ್ಕ ಜಾನ್ವಿ ಜೊತೆಗೆ ಸೌತ್‌ಗೆ ಎಂಟ್ರಿ ಕೊಟ್ಟಂತೆ. ತಾಯಿ ಶ್ರೀದೇವಿ ತಮಿಳು, ತೆಲುಗಿನಲ್ಲಿ ಫೇಮಸ್ ಆಗಿ ಸ್ಟಾರ್ ಹೀರೋಯಿನ್ ಆದಂತೆ ಈ ಸಹೋದರಿಯರು ದಕ್ಷಿಣದಲ್ಲಿ ಸರಣಿ ಚಿತ್ರಗಳನ್ನು ಮಾಡಿ ಸ್ಟಾರ್ ಹೀರೋಯಿನ್ ಆಗುತ್ತಾರಾ ಎಂಬುದನ್ನು ಕಾದು ನೋಡಬೇಕು.