ಆನ್‌ಲೈನ್‌ನಲ್ಲಿ `ಜವಾನ್` ಲೀಕ್: ಪೈರಸಿಗೆ ಬಲಿಯಾಗುತ್ತಾ ಕಿಂಗ್‌ ಖಾನ್‌ ನ್ಯೂ ಸಿನಿಮಾ?

Jawan : ಜವಾನ್‌ ಚಿತ್ರ ತನ್ನ ದೊಡ್ಡ ತಾರಾಬಳಗದಿಂದಲೇ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿಸಿತ್ತು. ಇದೀಗ ಸಿನಿಮಾ ತೆರೆಕಂಡು ಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್‌ ಪಡೆದುಕೊಳ್ಳುತ್ತಿದೆ.  ಅಟ್ಲಿ ನಿರ್ದೇಶನದಡಿಯಲ್ಲಿ ಮೂಡಿಬಂದಿರುವ ಈ ಸಿನಿಮಾದಲ್ಲಿ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಹಿರೋ ಆಗಿ ಕಾಣಿಸಿಕೊಂಡಿದ್ದಾರೆ.

ಸಿನಿಮಾದ ಬಹುತೇಕ ಸೀನ್‌ಗಳು ಅಭಿಮಾನಗಳಿಗೆ ಸಖತ್‌ ಖುಷಿ ನೀಡುತ್ತಿವೆ. ಇನ್ನು ಈ ಸಿನಿಮಾದ ಮತ್ತೊಂದು ವಿಶೇಷತೆಯೆಂದರೆ ಲೇಡಿ ಸೂಪರ್‌ ಸ್ಟಾರ್‌, ಸೌತ್‌ ಬ್ಯೂಟಿ ನಯನತಾರಾ ಇದೇ ಚಿತ್ರದ ಮೂಲಕ ಬಾಲಿವುಡ್‌ ಅಂಗಳಕ್ಕೆ ಕಾಲಿಡುತ್ತಿದ್ದಾರೆ. ಅಲ್ಲದೇ ಈ ಸಿನಿಮಾ ಹೆಚ್ಚು ಸೌತ್‌ ನಟ ನಟಿಯರನ್ನು ಒಳಗೊಂಡಿದೆ.

ಇದನ್ನೂ ಓದಿ-Jawan Collection Day 1 : ಜವಾನ್‌ ಗಲ್ಲಾಪೆಟ್ಟಿಗೆಯಲ್ಲಿ ಮೊದಲ ದಿನವೇ ಹೊಸ ದಾಖಲೆ

ಬಿಡುಗಡೆಯಾಗಿ ಭರ್ಜರಿ ರೆಸ್ಪಾನ್ಸ್‌ ಪಡೆಯುತ್ತಿರುವ ಸಿನಿಮಾಗೆ ಇದೀಗ ಕಂಟಕವೊಂದು ಎದುರಾಗಿದೆ. ಹೌದು ಜವಾನ್‌ ಸಿನಿಮಾ ಎಲ್ಲ ಕಡೆಗಳಲ್ಲಿ ಹೌಸ್‌ಫುಲ್‌ ಪ್ರದರ್ಶನ ಪಡೆಯುತ್ತಿದೆ. ಈ ನಡುವೆ ಈ ಚಿತ್ರ ಪೈರಸಿಯಾಗಿದೆ. ಹಲವಾರು ವೆಬ್‌ಸೈಟ್‌ಗಳಲ್ಲಿ ಸಿನಿಮಾ ಸೋರಿಕೆಯಾಗಿದೆ. 

ಕೆಲವು ವರದಿಗಳ ಪ್ರಕಾರ ಟೊರೆಂಟ್ ವೆಬ್‌ಸೈಟ್‌ಗಳು, ತಮಿಳು ರಾಕರ್ಸ್, ಟೆಲಿಗ್ರಾಮ್ ಮತ್ತು ಮೂವೀರುಲ್ಜ್‌ನಲ್ಲಿ ಹೆಚ್‌ಡಿ ಫಾರ್ಮ್ಯಾಟ್‌ನಲ್ಲಿ ಜವಾನ್‌ ಆನ್‌ಲೈನಲ್ಲಿ ಲೀಕ್‌ ಆಗಿದೆ. ಈ ಸಿನಿಮಾ ಬಿಡುಗಡೆ ದಿನವೇ ಲೀಕ್‌ ಆಗಿರುವುದರಿಂದ ಇದು ಚಿತ್ರದ ಕಲೆಕ್ಷನ್‌ ಮೇಲೆ ಪರಿಣಾಮ ಬೀರುವ ಸಾಧ್ಯತೆಗಳಿವೆ. ಆದರೆ ಇದು ಶಾರುಖ್‌ ಅವರ ಸಿನಿಮಾ ಆಗಿರುವುದರಿಂದ ಬಾಕ್ಸ್ ಆಫೀಸ್ ಕಲೆಕ್ಷನ್‌ ಮೇಲೆ ಯಾವ ಪರಿಣಾಮವೂ ಬೀರಲಾಗದು ಎನ್ನುವುದು ಸಿನಿಮಾ ವಿಶ್ಲೇಷಕರ ಅಭಿಪ್ರಾಯವಾಗಿದೆ.