Jawan Collection Day 1 : ಜವಾನ್‌ ಗಲ್ಲಾಪೆಟ್ಟಿಗೆಯಲ್ಲಿ ಮೊದಲ ದಿನವೇ ಹೊಸ ದಾಖಲೆ

Jawan First Day Collection: ಶಾರುಖ್ ಖಾನ್ ನಟನೆಯ ಜವಾನ್ ಸಿನಿಮಾ ಸಖತ್‌ ಕ್ರೇಜ್‌ ಕ್ರಿಯೇಟ್‌ ಮಾಡಿದೆ. ಚಿತ್ರಕ್ಕಾಗಿ ಕಾತರದಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ರಸದೌತಣ ಸಿಕ್ಕಂತಾಗಿದೆ. ಚಿತ್ರಮಂದಿರದ ಒಳಗೂ ಹೊರಗೂ ಜನ ಸಾಗರವೇ ಕಾಣುತ್ತಿದೆ. ಥಿಯೇಟರ್ ನೊಳಗೆ ಪ್ರೇಕ್ಷಕರು ಕುಣಿದು ಕುಪ್ಪಳಿಸುವ ದೃಶ್ಯ, ಹೊರಬಂದ ಬಳಿಕ ಅವರ ಮುಖದಲ್ಲಿ ಕಾಣುವ ಸಂತಸವೇ ಇದಕ್ಕೆ ಸಾಕ್ಷಿ. ಎಲ್ಲರ ಕಣ್ಣು ನೆಟ್ಟಿದ್ದು ಜವಾನ್ ಚಿತ್ರದ ಮೊದಲ ದಿನದ ಬಾಕ್ಸ್ ಆಫೀಸ್ ಕಲೆಕ್ಷನ್ ಮೇಲೆ. 

ಇದನ್ನೂ ಓದಿ: ಜವಾನ್' ಚಿತ್ರ ನಿರ್ದೇಶಕ ಅಟ್ಲಿ ಪಡೆದ ಸಂಭಾವನೆ ಎಷ್ಟು ಗೊತ್ತಾ..! ಫ್ಯಾನ್ಸ್‌ ಶಾಕ್‌

ಜವಾನ್ ಚಿತ್ರ ಮೊದಲ ದಿನದಿಂದಲೇ ತನ್ನ ಬೇಟೆ ಶುರು ಮಾಡಿದೆ. ಇದು ಎಲ್ಲಾ ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿಯುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಅದೇ ರೀತಿ ಕಂಡುಬಂದಿದೆ. ವರದಿಗಳ ಪ್ರಕಾರ, ಚಿತ್ರವು ಮೊದಲ ದಿನವೇ 70 ಕೋಟಿ ರೂಪಾಯಿ ಗಳಿಸಿದೆ. ಜವಾನ್ ಈ ಸಾಧನೆ ಮಾಡಿದ ಏಕೈಕ ಚಿತ್ರವಾಗಿದೆ. ವಿಶೇಷವೆಂದರೆ ಶಾರುಖ್ ತಮ್ಮ ದಾಖಲೆಯನ್ನು ತಾವೇ ಮುರಿದಿದ್ದಾರೆ. ವಾಸ್ತವವಾಗಿ, ಇಲ್ಲಿಯವರೆಗೆ ಆರಂಭಿಕ ದಿನದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವೆಂದರೆ ಈ ವರ್ಷ ಬಿಡುಗಡೆಯಾದ ಪಠಾಣ್ ಆಗಿತ್ತು. ಪಠಾಣ್‌ ಸಿನಿಮಾ ಮೊದಲ ದಿನದಲ್ಲಿ 55 ಕೋಟಿ ಗಳಿಸುವ ಮೂಲಕ ಆರಂಭಿಕ ದಿನದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿತ್ತು.

ಪಠಾಣ್ ದಾಖಲೆಯನ್ನು ಇದೀಗ ಜವಾನ್‌ ಸಿನಿಮಾ ಮುರಿದಿದೆ. ಅಷ್ಟೇ ಅಲ್ಲ ಪಠಾಣ್ ಮತ್ತೊಂದು ದಾಖಲೆಯನ್ನೂ ಜವಾನ್‌ ಸಿನಿಮಾ ಬ್ರೇಕ್‌ ಮಾಡಿದೆ. ಬಿಡುಗಡೆಯಾದ ನಂತರ ಜನವರಿ 26 ರ ರಜೆಯಲ್ಲಿ ಪಠಾಣ್ 65 ಕೋಟಿ ಗಳಿಸಿದ್ದರೆ, ಜನ್ಮಾಷ್ಟಮಿಯ ರಜೆಯಂದು ಜವಾನ್ ಕೂಡ ಈ ಅಂಕಿ ಅಂಶವನ್ನು ದಾಟಿದೆ. ಇದು ಆರಂಭವಷ್ಟೇ. ಈ ವಾರಾಂತ್ಯದಲ್ಲಿ ಜವಾನ್ ಬಾಕ್ಸ್ ಆಫೀಸ್‌ನ್ನು ಕೊಳ್ಳೆ ಹೊಡೆಯುವ ನಿರೀಕ್ಷೆಯಿದೆ.