Jawan: ಇನ್ನೆರಡು ದಿನಗಳಲ್ಲಿ ಒಟಿಟಿಗೆ ಶಾರುಕ್‌ ನ್ಯೂ ಸಿನಿಮಾ..!

Jawan: ಈ ವರ್ಷ 'ಪಠಾಣ್' ಚಿತ್ರದ ಮೂಲಕ ಕಂಬ್ಯಾಕ್‌ ಮಾಡಿದ ಶಾರುಕ್‌ ಸದ್ಯ ಜವಾನ್‌ ಚಿತ್ರದ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಈ ಚಿತ್ರದ ಮೂಲಕ ತಮಿಳಿನ ಖ್ಯಾತ ನಿರ್ದೇಶಕ ಅಟ್ಲೀ ಹಾಗೂ ನಯನತಾರಾ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು. ವಿಜಯ್ ಸೇತುಪತಿ ವಿಲನ್ ಆಗಿ ನಟಿಸಿರುವ ಈ ಚಿತ್ರ ಸೆಪ್ಟೆಂಬರ್ 07 ರಂದು ಬಿಡುಗಡೆಯಾಗಿ ಭರ್ಜರಿ ಸೌಂಡ್‌ ಮಾಡಿತ್ತು. 

ಜವಾನ್‌ ಚಿತ್ರ ಮೊದಲ ದಿನವೇ 66.50 ಕೋಟಿ ಗಳಿಕೆ ಕಂಡಿತ್ತು. ಬಾಲಿವುಡ್‌ ಇತಿಹಾಸದಲ್ಲಿ ಚಿತ್ರವೊಂದು ಈ ರೇಂಜ್ ನಲ್ಲಿ ಓಪನಿಂಗ್ ಪಡೆಯುತ್ತಿರುವುದು ಇದೇ ಮೊದಲು. ಇದಲ್ಲದೇ ಹಿಂದಿಯ ಬಾಕ್ಸ್ ಆಫೀಸ್ ನಲ್ಲಿ ಇದುವರೆಗೆ ಯಾವ ಚಿತ್ರವೂ ಸಾಧಿಸದ ಮೊದಲ ದಿನದ ಕಲೆಕ್ಷನ್ ದಾಖಲೆಯನ್ನು ಶಾರುಖ್ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ-ಮಾಸ್ ಲುಕ್‌ನಲ್ಲಿ ಎಂಟ್ರಿ ಕೊಟ್ಟ ಪ್ರವೀಣ್ ತೇಜ್: ‘ಜಿಗರ್’ ಟೀಸರ್ ಔಟ್

ಇದೀಗ ಈ ಸಿನಿಮಾದ ಒಟಿಟಿಗೆ ಸಂಬಂಧಿಸಿದ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನೆಟ್‌ಫ್ಲಿಕ್ಸ್ ಚಿತ್ರದ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದುಕೊಂಡಿದ್ದು, ಎಲ್ಲಾ ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ. ಈ ಚಿತ್ರವು ನವೆಂಬರ್ 2 ರಿಂದ ಸ್ಟ್ರೀಮಿಂಗ್‌ಗೆ ಲಭ್ಯವಾಗಲಿದೆಯಂತೆ. 

ಈ ಸಿನಿಮಾ 150 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡಿದ್ದು ಹಿಂದಿಯಲ್ಲಿ 590 ಕೋಟಿ ರೂಪಾಯಿ ಕಲೆಕ್ಷನ್ ಮಾಡುವ ಮೂಲಕ ಸಾರ್ವಕಾಲಿಕ ದಾಖಲೆ ಸೃಷ್ಟಿಸಿದೆ. ಆದರೆ ಈ ಸಿನಿಮಾ ಈಗ ಡಿಜಿಟಲ್ ಪ್ರೀಮಿಯರ್ ಗೆ ರೆಡಿಯಾಗಿರುವುದರಿಂದ ಶಾರುಖ್ ಅಭಿಮಾನಿಗಳು ಖುಷಿಯಾಗಿದ್ದಾರೆ.