`ಮಚ್ಚ್‌ಲಕ್ಷ್ಮೀ` ಸ್ವಾಗತಕ್ಕೆ ಕ್ಷಣಗಣನೆ; ಯಾರದು ʼಕೆಡಿʼಯ ಆ ಲೇಡಿ..?

Director Prem : ಇದೀಗ ಜೋಗಿ ಪ್ರೇಮ್‌ ಅವರ ನಿರ್ದೇಶನದ 'KD' ಸಿನಿಮಾ ಭಾರೀ ಕುತೂಹಲ ಕೆರಳಿಸಿದೆ. ಈ ಸಿನಿಮಾ ಇನ್ನೂ ಮೇಕಿಂಗ್‌ ಹಂತದಲ್ಲಿದ್ದು, ಈಗಾಗಲೇ ಸಖತ್‌ ಸೌಂಡ್‌ ಮಾಡುತ್ತಿದೆ. ಈ ಸಿನಿಮಾ ತಂಡದಲ್ಲಿ ರವಿಚಂದ್ರನ್, ಸಂಜಯ್‌ ದತ್ ಹಾಗೂ ಶಿಲ್ಪಾ ಶೆಟ್ಟಿ ಸೇರಿದಂತೆ ಹಿರಿಯ ಕಲಾವಿದರೂ ಹಾಗೂ ಘಟಾನುಗಟಿಗಳು ಇದ್ದಾರೆ. 

ಇದೀಗ ಚಿತ್ರತಂಡ ಚಿತ್ರದ ನಾಯಕಿಯ ಸ್ವಾಗತಕ್ಕೆ ಸಿದ್ಧತೆ ನಡೆಸಿದೆ. ಇದೇ ಶುಕ್ರವಾರ ಚಿತ್ರದ ನಾಯಕಿ ಮಚ್ಚ್‌ಲಕ್ಷ್ಮಿ ಯಾರು ಅನ್ನೋದನ್ನು ಚಿತ್ರತಂಡ ಘೋಷಿಸಲಿದೆ. ಕೆಡಿ ಚಿತ್ರದ ಚಿತ್ರತಂಡ ನಾಯಕಿಯ ಫಸ್ಟ್‌ಲುಕ್‌ ಬಗೆಗಿನ ಪೋಸ್ಟರ್‌ನ್ನು ರವೀಲ್‌ ಮಾಡಿದ್ದು, "ರಾಜನು ಯುದ್ಧದಲ್ಲಿ ಗಾಯಗೊಂಡಾಗ, ರಾಣಿ ಅವನ ನೋವನ್ನು ಶಕ್ತಿಯಾಗಿ ಪರಿವರ್ತಿಸುತ್ತಾಳೆ" ಕೆಡಿ ಯ ರಾಣಿ, ಮಚ್ಚ್ ಲಕ್ಷ್ಮೀ ಯಾರೆಂದು ಏಪ್ರಿಲ್ 28 ರಂದು ತಿಳಿಸಲಿದ್ದೇವೆ ಎಂದು ಚಿತ್ರ ತಂಡ ಪೋಸ್ಟ್‌ ಒಂದನ್ನು ಹಂಚಿಕೊಡಿದೆ. 

ಹಾಗಾದರೇ ಈ ಮಚ್ಚ್‌ ಲಕ್ಷ್ಮೀ ಯಾರು? ಅವರು ಕನ್ನಡದವರಾ ಅಥವಾ ಬೇರೆ ಭಾಷೆಯವರಾ ಎನ್ನುವ ಚರ್ಚೆಗಳು ಗುಸುಗುಸು ಸುದ್ದಿಗಳು ಹರಿದಾಡುತ್ತಿವೆ. ಇವರು ನಿರ್ದೇಶಿದ ಸಿನಿಮಾ ಏಕ್‌ಲವ್‌ಯಾ ಸಿನಿಮಾದ ನಾಯಕಿಯಾದ ರೀಷ್ಮಾ ಅವರೇ ಈ ಚಿತ್ರದ ನಾಯಕಿಯಾಗಿರಬಹುದು ಎಂದು ಊಹಿಸಲಾಗುತ್ತದೆ.

ರವಿವರ್ಮಾ ಅವರ ಸಾಹಸ ಸಂಯೋಜನೆಯನ್ನು ಹೊಂದಿರುವ ಈ ಸಿನಿಮಾ ಅರ್ಜುನ್‌ ಜನ್ಯಾ ಅವರ ಸಂಗೀತ ನಿರ್ದೇಶನವನ್ನ ಒಳಗೊಂಡಿದೆ. ಮುಂದಿನ ವರ್ಷ ಬೇಸಿಗೆಯಲ್ಲಿ ಈ ಸಿನಿಮಾ ಸೆಟ್ಟೆರುವ ನಿರೀಕ್ಷೆಯಲ್ಲಿದ್ದು, ಸಿನಿರಸಿಕರಿಗೆಂದೇ ಟ್ರೈಲರ್,  ಟೀಸರ್, ಸಾಂಗ್ಸ್ ಗಳು ಭರ್ಜರಿಯಾಗಿ ಹೊರಬೀಳುತ್ತಿರುತ್ತವೆ.