ಕರುನಾಡಿನ ಕಿಚ್ಚ ಈಗ ಸಮಂತಾ ಜೊತೆ ಡ್ಯೂಯಟ್ ಹಾಡಲು ಫುಲ್ ರೆಡಿ!

ಬೆಂಗಳೂರು : ಸ್ಯಾಂಡಲ್‌ವುಡ್‌ನಲ್ಲಿ ನೆನ್ಸೇಷನಲ್ ಸುದ್ದಿಯೊಂದು ಓಡಾಡ್ತಿದೆ. ಇದು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮ್ಯಾಟರ್ ಅನ್ನೋದು ವಿಶೇಷ. ಈ ಸುದ್ದಿ ಕೇಳಿರೋ ಅವರ ಅಭಿಮಾನಿಗಳು ಪೋಟೋ ಕ್ರಿಯೇಟ್ ಮಾಡಿ  ಖುಷಿ ಪಡ್ತಿದ್ದಾರೆ. ಅಷ್ಟಕ್ಕೂ ಆ ಮ್ಯಾಟರ್ ಆದ್ರೂ ಏನು? 

ವಿಕ್ರಾಂತ್ ರೋಣನ ನಂತರ ಕಿಚ್ಚ ಸುದೀಪ್ ಮತ್ಯಾವ ಸಿನಿಮಾ ಮಾಡಲಿದ್ದಾರೆ ಅನ್ನೋ ಕ್ಯೂರಿಯಾಸಿಟಿ ಇತ್ತು. ಆದರೆ, ಆ ಬಗ್ಗೆ ಸರಿಯಾದ ಉತ್ತರ ಸಿಕ್ಕಿರಲಿಲ್ಲ. ಇತ್ತ ಒನ್ಸ್ ಅಗೈನ್ ಅನೂಪ್ ಭಂಡಾರಿ ಜೊತೆ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿತ್ತು. ಈ ವಿಷಯವನ್ನು  ಸ್ವತಃ ಸುದೀಪ್ ಅವರೇ ಕನ್ಫರ್ಮ್ ಮಾಡಿದ್ದರು. ಚಿತ್ರಕ್ಕೆ ಬಿಲ್ಲಾ ಭಾಷಾ ರಂಗ ಅಂತ ಟೈಟಲ್ ಕೂಡಾ ಫಿಕ್ಸ್ ಆಗಿತ್ತು. ಇಷ್ಟೇಲ್ಲಾ ಆದ್ಮೇಲೂ ಸಿನಿಮಾ ಯಾವಾಗ ಅನ್ನೋದು ಮಾತ್ರ ಇಂದಿಗೂ ಸ್ಪಷ್ಟ ಉತ್ತರ ಸಿಕ್ಕಿಲ್ಲ. ಇದರ ಜೊತೆಗೆ ತಮಿಳನ ಖ್ಯಾತ ನಿರ್ದೇಶಕರ ಜೊತೆಗೆ ಸಿನಿಮಾ ಅನೌನ್ಸ್ ಆಗಲಿದೆ ಅನೋ ಮಾತುಗಳು ಕೇಳಿ ಬರ್ತಿದೆ.

ಇಷ್ಟೇಲ್ಲಾ ಬೆಳವಣಿಗೆಗಳ ನಡುವೆ, ಕಿಚ್ಚ ಸುದೀಪ್ ಹೊಂಬಾಳೆ ಜೊತೆ ಟೈ ಅಪ್ ಆಗಿದ್ದಾರೆ ಅನ್ನೋ ಸುದ್ದಿ ಕೂಡಾ ಇದೆ. ಅದಕ್ಕೆ ಪೂರಕವೆಂಬಂತೆ, ಹೊಂಬಾಳೆಯ ಕಾರ್ತಿಕ್‌ಗೌಡ,  ತಮ್ಮ ಸೋಷಿಯಲ್ ಮಿಡಿಯಾದಲ್ಲಿ ಸುದೀಪ್ ಜೊತೆಗಿನ ಪೋಟೊವನ್ನು ಶೇರ್ ಮಾಡಿದ್ದರು.  ಹಾಗಾಗಿ ಸದ್ಯಕ್ಕೆ ಹೊಂಬಾಳೆ ಪ್ರೊಡಕ್ಷನ್‌ನಲ್ಲಿ ಕಿಚ್ಚ ಸುದೀಪ್ ನಟಿಸೋದು ಗ್ಯಾರೆಂಟಿ ಅನ್ನೋ ಮಂದಿಯೂ ಇದ್ದಾರೆ.  ಆದರೆ ಈ ಬಗ್ಗೆ ಸುದೀಪ್ ಅಷ್ಟೇ ಹೇಳ್ಬೇಕಿದೆ.

ಇದನ್ನೂ ಓದಿ : Kantara: ‘ಕಾಂತಾರ’ ಸ್ಟೋರಿ ಹುಟ್ಟಿದ್ದು ಹೇಗೆ, ಯಾವಾಗ ಗೊತ್ತಾ..?

ಇದೀಗ ಪೋಟೋವೊಂದು  ಸಾಮಾಜಿಕ ಜಾಲತಾಣದಲ್ಲಿ ಸೆನ್ಸೇಷಲ್ ಸೃಷ್ಟಿಸಿದೆ. ಹೌದು ಕಿಚ್ಚ ಸುದೀಪ್ ಹಾಗು ಟಾಲಿವುಡ್ ರಾಣಿ ಸಮಂತಾ ಒಟ್ಟಾಗಿ ಇರೋ ಪೋಸ್ಟರ್ ಒಂದು ಎಲ್ಲರ ಕಣ್ಣರಳುವಂತೆ ಮಾಡಿದೆ..ಪೋಸ್ಟರ್‌ನಲ್ಲಿ ರಣಕಹಳೆ ಚಿತ್ರದ ಟೈಟಲ್ ಕೂಡ ಇದೆ. ಇದರ ಸಬ್ ಟೈಟಲ್ ಪೈಲ್ವಾನ್ ಭಾಗ ಎರಡು ಅಂತಿದೆ.

ಪೈಲ್ವಾನ್ ಕಿಚ್ಚ ಕೆರಿಯರ್ ಸೂಪರ್ ಹಿಟ್ ಸಿನಿಮಾ. ಕಿಟ್ಟಪ್ಪ ನಿರ್ದೇಶನದ ಈ ಚಿತ್ರದಲ್ಲಿ ಕಿಚ್ಚ ಸುದೀಪ್ ಸಿಕ್ಸ್‌ಪ್ಯಾಕ್‌ನಲ್ಲಿ ಮೋಡಿ ಮಾಡಿದ್ರು. ಬಾಲಿವುಡ್ ಸೂಪರ್ ಸ್ಟಾರ್ ಸುನೀಲ್ ಶೆಟ್ಟಿ ನಟಿಸಿದ್ದ ಈ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಧೂಳ್ ಎಬ್ಬಿಸಿತ್ತು. ಹಾಗಾಗಿ ಮತ್ತೆ ಪೈಲ್ವಾನ್ ಪಾರ್ಟ್ ಟೂಗೆ ಪ್ಲ್ಯಾನ್ ಮಾಡಿದ್ದರಾ ? ಅನ್ನೋ ಕ್ಯೂರಿಯಾಸಿಟಿ ಹೆಚ್ಚಿಸಿದೆ. ಅಫ್‌ಕೋರ್ಸ್ ಇದು ಫ್ಯಾನ್ ಮೇಡ್ ಮಾಡಿರೋ ಫೋಸ್ಟರ್ ಆಗಿದ್ದರೂ ಸಹ, ಈ ಪೋಸ್ಟರ್ ಗಾಂಧಿನಗರದಲ್ಲಿ ಕುತೂಹಲ ಮೂಡಿಸಿರೋದಂತು ಸುಳ್ಳಲ್ಲ. 

ಇನ್ನು ಸಮಂತಾ ಹಾಗು ಸುದೀಪ್ ಜೋಡಿಯಾಗಿ ನಟಿಸಿದ್ದ ಸೂಪರ್ ಹಿಟ್ ಸಿನಿಮಾ ಈಗ. ಸಿನಿ ಜಗತ್ತಿನಲ್ಲಿ ಹೊಸ ಅಧ್ಯಾಯ ಬರೆದಿದ್ದಂತ ಚಿತ್ರ. ಇಲ್ಲಿ ಸುದೀಪ್ ವಿಲನ್ ಆಗಿ ಕಾಣಿಸಿಕೊಂಡಿದ್ರು, ಒಂದಷ್ಟು ಸೀನ್‌ನಲ್ಲಿ ಇವರಿಬ್ಬರನ್ನು ನೋಡಿ ಅಭಿಮಾನಿಗಳು ಥ್ರಿಲ್ ಆಗಿದ್ರು. ಮತ್ತೊಮ್ಮೆ ಈ ಜೋಡಿ ತೆರೆ ಮೇಲೆ ಕಾಣಿಸಿಕೊಳ್ಳಲಿ ಅನ್ನೋದು ಅಭಿಮಾನಿಗಳ  ಆಸೆ  ಆಗಿತ್ತು. ಸಾಕಷ್ಟು ಬಾರಿ ಸುದೀಪ್ ಹಾಗು ಸಮಂತಾ ಒಟ್ಟಾಗಿ ನಟಿಸಲಿದ್ದಾರೆ ಅನ್ನೋ ಸುದ್ದಿ  ಕೇಳಿ ಬಂದಿತ್ತಾದರೂ ಯಾವುದು ಕೂಡ ಫೈನಲ್ ಆಗ್ಲೇ ಇಲ್ಲ. 

ಇದನ್ನೂ ಓದಿ : 'ಕಾಂತಾರ' ಲೀಲಾಗೆ 'ಕಾ' ಅಕ್ಷರ ಅದೃಷ್ಟವಂತೆ, 'ಕಾ' ಅಕ್ಷರದಲ್ಲೇ ಮತ್ತೊಂದು ಸಿನಿಮಾಗೆ ಸಪ್ತಮಿ ಗೌಡ ರೆಡಿ

ಅಭಿಮಾನಿಗಳು ಈಗ  ಇಬ್ಬರನ್ನೂ ಒಟ್ಟಾಗಿ ನೋಡೊ ಆಸೆಯನ್ನ ವ್ಯಕ್ತ ಪಡಿಸಿದ್ದಾರೆ. ಈ ಸುದ್ದಿ ನಿಜಾನಾ ? ತೆರೆಮರೆಯಲ್ಲಿ ಏನಾದರೂ ಈ ಚಿತ್ರಕ್ಕೆ ಪ್ಯ್ಲಾನ್ ನಡೀತಿದೆಯಾ..? ಪೈಲ್ವಾನ್ ಸಿನಿಮಾ ಮಾಡಿದ್ದ ಕಿಟ್ಟಪ್ಪನೆ ಈ ಚಿತ್ರಕ್ಕೂ ಮುಹೂರ್ತ ಇಟ್ಟಿರಬಹುದಾ.? ಅನ್ನೋ ಅನುಮಾನ ಗಾಂಧಿನಗರದಲ್ಲಿ  ಮೂಡಿದೆ. ಅದೇನೇ ಆಗ್ಲೀ ಸುದೀಪ್ ಬೇಗ ಅವರ ಮುಂದಿನ ಸಿನಿಮಾ ಅನೌನ್ಸ್ ಮಾಡಲಿ. ಜೊತೆಗೆ ಸುದೀಪ್ ಹಾಗು ಸಮಂತಾ ಮತ್ತೊಮ್ಮೆ ಒಟ್ಟಾಗಿ ಕಾಣಿಸಿಕೊಳ್ಳಲಿ ಅನ್ನೋದು ಅಭಿಮಾನಿಗಳ ಚಕ್ರವರ್ತಿ ಅಭಿಮಾನಿಗಳ ಮನದಾಸೆ.