ಅಯೋಧ್ಯೆ ರಾಮಮಂದಿರ ಪ್ರಾಣಪ್ರತಿಷ್ಠಾಪನೆ ದಿನವೇ ನಟ ಕಿಶೋರ್ ವಿಭಿನ್ನ ಪೋಸ್ಟ್!

Actor Kishore Post: ಭಾರತದಲ್ಲಿ ಹಲವಾರು ವರ್ಷಗಳಿಂದ ಕೋಟ್ಯಾಂತರ ಜನರು ಅಯೋಧ್ಯೆಯ ಶ್ರೀ ರಾಮಮಂದಿರ  ಉದ್ಘಾಟನೆ ಕಾರ್ಯಕ್ಕಾಗಿ ಕಾಯುತ್ತಿದ್ದು, ಇಂದು ಶ್ರೀರಾಮಲಲಾ ಪ್ರಾಣ ಪ್ರತಿಷ್ಠಾಪನೆ ಸಮಾರಂಭ ನಡೆಯುತ್ತಾ ಇದೆ. ಈ ಕಾರ್ಯಕ್ರಮಕ್ಕೆ  ರಾಜಕೀಯ ಮುಖಂಡರು, ಉದ್ಯಮಿಗಳು, ಸಿನಿಮಾ ತಾರೆಯರು, ಕ್ರೀಡಾಪಟುಗಳಿಗೆ ಆಮಂತ್ರಣ ಕೊಡಲಾಗಿದೆ.

ಕಳೆದ ಎರಡು ದಿನದಿಂದ ಈ ಸಮಾರಂಭಕ್ಕೆ ಹಲವಾರು ತಯಾರಿಗಳು ನಡೆಯುತ್ತಿದ್ದು, ಸಾಕಷ್ಟು ಗಣ್ಯರು ನಿನ್ನೆಯಿಂದಲೇ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ. ಇಂದು ದೇಶದ ಜನರೆಲ್ಲರೂ ರಾಮನ ಜಪವನ್ನು ಮಾಡುತ್ತಿದ್ದರೇ, ಇತ್ತ ದಕ್ಷಿಣ ಸಿನಿರಂಗದ ನಟ ಕಿಶೋರ್‌ ಇನ್‌ಸ್ಟಾಗ್ರಾಮ್‌ ವಿಭಿನ್ನ ಪೋಸ್ಟ್‌ ಹಾಕಿದ್ದಾರೆ.

ಖಳನಟ ಹಾಗೂ ಪೋಷಕ ಪಾತ್ರದಲ್ಲಿ ಖ್ಯಾತಿ ಪಡೆದ ನಟಿ ಕಿಶೋರ್‌ ಬಸವಣ್ಣ ಇರುವ ಪೋಟೋ ಹಾಗು ಅವರ ವಚನವಿರುವ ಪೋಸ್ಟ್‌ನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಶೇರ್‌ ಮಾಡಿದ್ದಾರೆ. ಆ ಪೋಸ್ಟ್‌ನಲ್ಲಿ, "ಉಳ್ಳವರು ಶಿವಾಲಯ ಮಾಡುವರು, ನಾನೇನು ಮಾಡಲಿ ಬಡವನಯ್ಯಾ" ಎಂಬ ಸಾಲುಗಳು, ರಾಮಮಂದಿರ ಉದ್ಟಾಟನೆಯ ದಿನವೇ ಜನರಲ್ಲಿ ಪ್ರಶ್ನೆ ಹುಟ್ಟುಹಾಕುವಂತೆ ಮಾಡಲಾಗಿದೆ. 

ನಟ ಕಿಶೋರ್‌ನ ಪೋಸ್ಟ್‌ಗೆ ಸೋಷಿಯಲ್‌ ಮಿಡಿಯಾದಲ್ಲಿ ಕೆಲವರು ಜೈರಾಮ್‌ ಅಂತ ಬರೆದಿದ್ದರೇ, ಮತ್ತೆ ಇನ್ನು ಕೆಲವರು ಜೈ ಬಸವಣ್ಣ ಅಂತ ಬರೆದಿದ್ದಾರೆ. ಮತ್ತೆ ಇನ್ನೊಬ್ಬರು ಮುಂದಿನ ವರ್ಷ ಅಯೋಧ್ಯೆಯಲ್ಲಿ ಮಸೀದಿ ಉದ್ಘಾಟನೆಯಾಗಲಿದೆ. ಅವಾಗ ಯಾವ ಪೋಸ್ಟ್‌ ಹಾಕುತ್ತೀರ ಅಂತ ನೋಡ್ತಿವಿ ಅಂತ ಬರೆದಿದ್ದಾರೆ.