`Madagaja` Movie Success Celebration : `ಮದಗಜ`ದ ಸಕ್ಸಸ್‌ ಸೆಲೆಬ್ರೇಷನ್: ರೋರಿಂಗ್‌ ಸ್ಟಾರ್ ಶ್ರೀಮುರಳಿ ಹೇಳಿದ್ದೇನು?

ಬೆಂಗಳೂರು : ರೋರಿಂಗ್‌ ಸ್ಟಾರ್‌ ಶ್ರೀಮುರಳಿ ʼಮದಗಜʼದಲ್ಲಿ ಅಬ್ಬರಿಸಿದ್ದರು. ಪ್ರತಿ ಸೀನ್‌ಗೂ ಪ್ರೇಕ್ಷಕರು ಜೈಹೋ ಎಂದಿದ್ದರು. ಚಿತ್ರ ಓಟಿಟಿಯಲ್ಲಿ ರಿಲೀಸ್‌ ಆಗಿದ್ದರೂ ಸಿನಿ ಮಂದಿರಗಳಲ್ಲಿ ಹಾಫ್‌ ಸೆಂಚ್ಯುರಿ ಭಾರಿಸಿತ್ತು. ಇದೀಗ ಸಿನಿಮಾ ಸಕ್ಸಸ್ ಸಂಭ್ರಮವನ್ನು ಸಕ್ಸಸ್‌ ಮೀಟ್ ಮೂಲಕ ʼಮದಗಜʼ‌ ತಂಡ ಹಂಚಿಕೊಂಡಿದೆ.

ಅದೇನ್‌ ಖದರ್‌, ಅದೇನ್‌ ಡೈಲಾಗ್.‌ ಒಂದೊಂದು ಸೀನ್‌ ಕೂಡ ಅದ್ಭುತ.. ಹೀಗೆ ʼಮದಗಜʼ ಸಿನಿಮಾ(Madagaja Movie) ನೋಡಿ ಬಂದ ಪ್ರೇಕ್ಷಕರು ಎಕ್ಸೈಟ್‌ ಆಗಿದ್ರು. ಕಡೆಗೆ ಓಟಿಟಿಯಲ್ಲಿ ಸಿನಿಮಾ ಬಹುಬೇಗ ರಿಲೀಸ್‌ ಆದರೂ ಚಿತ್ರಮಂದಿರಗಳಲ್ಲಿ ತುಂಬಿದ ಪ್ರದರ್ಶನ ಕಂಡಿತ್ತು. ಹಿಂಗೆ ಸಖತ್‌ ಸಕ್ಸಸ್‌ ಕಂಡ ಹಿನ್ನೆಲೆಯಲ್ಲಿ ಮದಗಜ ಚಿತ್ರತಂಡ ಸಕ್ಸಸ್ ಸಂಭ್ರಮವನ್ನು ಪ್ರೇಕ್ಷಕ ಪ್ರಭುವಿನ ಎದುರು ಹಂಚಿಕೊಂಡಿದೆ.

ಮಗುವಿನ ಜೊತೆ ಮುದ್ದಾಟ

ಇದಷ್ಟೇ ಅಲ್ಲದೆ ಸಿನಿಮಾ ಸಕ್ಸಸ್‌ ಆಗಲು ಕಾರಣರಾದ ತಂತ್ರಜ್ಞರು ಹಾಗೂ ಪ್ರತಿ ಸಿಬ್ಬಂದಿಯನ್ನೂ ಚಿತ್ರತಂಡದ ವತಿಯಿಂದ ಅಭಿನಂದಿಸಲಾಯಿತು. ಈ ವೇಳೆ ಮಗುವಿನ ಜೊತೆ ರೋರಿಂಗ್‌ ಸ್ಟಾರ್‌ ಶ್ರೀಮುರಳಿ(Roaring Star Sri Murali) ಆಡಿದ ಮುದ್ದಾದ ಮಾತುಗಳು ಎಲ್ಲರ ಗಮನ ಸೆಳೆಯಿತು.

ಇದಿಷ್ಟೇ ಅಲ್ಲ, ಮತ್ತೊಂದು ಸಿನಿಮಾ ಬಗ್ಗೆಯೂ ಶ್ರೀಮುರಳಿ(Sri Murali) ಹಿಂಟ್‌ ಕೊಟ್ಟಿದ್ದಾರೆ. ಶೀಘ್ರದಲ್ಲೇ ಮತ್ತೊಂದು ಸಿನಿಮಾ ಮೂಲಕ ಪ್ರೇಕ್ಷಕರ ಎದುರು ಬರುವ ಭರವಸೆ ನೀಡಿದ್ದಾರೆ. ಮತ್ತೊಂದ್ಕಡೆ ಮದಗಜ ತಂಡದಿಂದಲೇ ಇನ್ನೊಂದು ಸಿನಿಮಾ ಸೆಟ್ಟೇರಲಿದ್ದು, ಇದಕ್ಕಾಗಿ ಪೂರ್ವ ತಯಾರಿ ಕೂಡ ಸಾಗಿದೆ.