ನವರಸ ನಾಯಕ ಜಗ್ಗೇಶ್ ಅವರಿಗೆ `ನಡೆದಾಡುವ ದೇವರ` ಪಾದುಕೆ ದೊರೆತದ್ದು ಹೇಗೆ!

ಬೆಂಗಳೂರು: ಸ್ಯಾಂಡಲ್ ವುಡ್ ನಟ, ನವರಸ ನಾಯಕ ಜಗ್ಗೇಶ್ ದೈವ ಭಕ್ತಿಯಲ್ಲಿ ಅಪಾರ ನಂಬಿಕೆ ಇರುವವರು ಎಂಬ ವಿಚಾರ ಎಲ್ಲರಿಗೂ ತಿಳಿದಿರುವುದೇ. ಜಗ್ಗೇಶ್ ಸಿದ್ಧಗಂಗಾ ಶ್ರೀಗಳ ಪರಮ ಭಕ್ತರಲ್ಲಿ ಒಬ್ಬರು.

ತ್ರಿವಿಧ ದಾಸೋಹಿ, ಕಾಯಕಯೋಗಿ, ಶತಾಯುಷಿ ಡಾ. ಶಿವಕುಮಾರ ಶ್ರೀಗಳ ಪರಮ ಭಕ್ತರಾಗಿದ್ದ ಜಗ್ಗೇಶ್ ಅವರಿಗೆ ಶ್ರೀಗಳಿಂದ ಅಪೂರ್ವ ಕಾಣಿಕೆಯೇ ಸಿಕ್ಕಿತ್ತು. ಅದೇ ಶ್ರೀಗಳು ಪಾದುಕೆ. 

ಶ್ರೀಗಳು ಶಿವಕ್ಯರಾದ ಸುದ್ದಿ ತಿಳಿಯುತ್ತಿದ್ದಂತೆಯೇ ಜಗ್ಗೇಶ್ ಕಂಬನಿ ಮಿಡಿದಿದ್ದು, ತಾವು ಈ ಹಿಂದೆ ಸಿದ್ದಗಂಗಾ ಮಠಕ್ಕೆ ತೆರಳಿದ್ದ ವೇಳೆ ಮಠದಲ್ಲಿ ಸೇವೆ ಮಾಡಿದ್ದ ಜಗ್ಗೇಶ್ ದಂಪತಿಗಳಿಗೆ ಪ್ರಸಾದ ರೂಪದಲ್ಲಿ ದೊರೆತಿದ್ದ ಶ್ರೀಗಳ ಪಾದುಕೆ ಬಗ್ಗೆ ತಿಳಿಸಿದ್ದಾರೆ. 

ಈ ವಿಷಯವನ್ನು ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ತಿಳಿಸಿರುವ ನಟ ಜಗ್ಗೇಶ್, ಶ್ರೀ ಶ್ರೀ ಶಿವಕುಮಾರಸ್ವಾಮಿಜೀ ಪಾದುಕೆ ಪಡೆದ ನಾವೆ ಧನ್ಯರು..
ಓಂ ನಮಃ ಶಿವಾಯಃ.. ಎಂದಿದ್ದಾರೆ.