Neha Shetty: ವೇದಿಕೆ ಮೇಲೆ ಸೀರೆ ಬಿಚ್ಚಿದ ನಟಿ..ಇಂತಹ ಕೀಳು ಮಟ್ಟದ ಪ್ರಚಾರ ಬೇಕಿತ್ತಾ ಎಂದ ನೆಟಿಜನ್ಸ್‌!

Neha Shetty : ಕನ್ನಡದಿಂದ ತಮ್ಮ ಸಿನಿ ಜರ್ನಿಯನ್ನು ಶುರು ಮಾಡಿ ಸಾಕಷ್ಟು ನಟ ನಟಿಯರು ತೆಲು ತಮಿಳು ಸೇರಿದಂತೆ ಇನ್ನಿತರ ಭಾಷಾ ಸಿನಿರಂಗದಲ್ಲಿ ಸೆಟಲ್‌ ಆಗುತ್ತಿದ್ದಾರೆ. ಸ್ಯಾಂಡಲ್‌ವುಡ್‌ ತೊರೆದು ಬೇರೆ ಸಿನಿರಂಗಕ್ಕೆ ಕಾಲಿಟ್ಟು ಅಲ್ಲಿಯೂ ಸೈ ಎನಿಸಿಕೊಂಡಿದ್ದಾರೆ.

ಸದ್ಯ ಸ್ಯಾಂಡಲ್‌ವುಡ್‌ನ ಮುಂಗಾರು ಮಳೆ 2 ಚಿತ್ರದ ಮೂಲಕ ಕನ್ನಡಿಗರ ಮನಸ್ಸಿಗೆ ಹತ್ತಿರವಾದ ನೇಹಾ ಶೆಟ್ಟಿ ಸಹ ತೆಲುಗಿನಲ್ಲೇ ಸೆಟಲ್‌ ಆಗಿದ್ದಾರೆ. ಹಲವು ಸಿನಿಮಾಗಳಲ್ಲಿ ನಟಿಸಿದರೂ ಹೇಳಿಕೊಳ್ಳುವಂತಹ ಹಿಟ್‌ ಈ ನಟಿಗೆ ಇನ್ನೂ ಸಿಕ್ಕಿಲ್ಲ. ಆದರೆ ನಟಿಗೆ ಸಿನಿಮಾ ಅವಕಾಶಗಳೇನು ಕಮ್ಮಿಯಾಗಿಲ್ಲ. 

2016 ರಲ್ಲಿ ತೆರೆಕಂಡ ಮುಂಗಾರು ಮಳೆ 2 ಸಿನಿಮಾ ಮೂಲಕ ಸಿನಿರಂಗಕ್ಕೆ ಕಾಲಿಟ್ಟ ಮಂಗಳೂರು ಚೆಲುವೆ ನೇಹಾ ಶೆಟ್ಟಿ, ಆ ಸಿನಿಮಾದ ನಂತರ ಸಿದಾ ಟಾಲಿವುಡ್‌ಗೆ ಜಿಗಿದರು. ಮೆಹಬೂಬ ಚಿತ್ರದ ಮೂಲಕ ತೆಲುಗು ಅಂಗಳಕ್ಕೆ ಕಾಲಿಟ್ಟ ಇವರು ಇದೀಗ ಗ್ಯಾಂಗ್ಸ್‌ ಆಫ್‌ ಗೋದಾವರಿ ಸಿನಿಮಾದ ಪ್ರಮೋಷನ್‌ ಕೆಲಸದಲ್ಲಿ ಬಿಜಿಯಾಗಿದ್ದಾರೆ.

ಇನ್ನು ಈ ಗ್ಯಾಂಗ್ಸ್‌ ಆಫ್‌ ಗೋದಾವರಿ ಚಿತ್ರದ ಒಂದು ಹಾಡು ಇತ್ತೀಚೆಗಷ್ಟೇ ಬಿಡುಗಡೆಯಾಗಿದೆ. ಈ ಹಾಡಿನ ರಿಲೀಸ್‌ ಈವೆಂಟ್‌ ವೇಳೆ ನಟಿ ನೇಹಾ ಶೆಟ್ಟಿ ವೇದಿಕೆ ಮೇಲೆ ನಾಯಕ ವಿಶ್ವಕ್‌ ಸೇನ್‌ ಜೊತೆ ಮೈ ಚಳಿ ಬಿಟ್ಟು ಡಾನ್ಸ್‌ ಮಾಡಿದ್ದಾರೆ. ಆ ವಿಡಿಯೋ ಇದೀಗ ಸಖತ್‌ ವೈರಲ್‌ ಆಗುತ್ತಿದೆ. 

ಈ ವಿಡಿಯೋ ಬರೀ ವೈರಲ್‌ ಆಗೋದಷ್ಟೇ ಅಲ್ಲ ಟ್ರೋಲ್‌ ಕೂಡಾ ಆಗುತ್ತಿದೆ. ಏನಿದೆ ಆ ವಿಡಿಯೋದಲ್ಲಿ ಅಂತೀರಾ..? ನೇಹಾ ಶೆಟ್ಟಿ ವೇದಿಕೆ ಮೇಲೆಯೇ ಸೀರೆಯ ಮೇಲ್ಬಾಗ ಬಿಚ್ಚಿ ನಾಯಕನಿಗೆ ಹೊದಿಸಿದ್ದಾರೆ. ಆ ಡಾನ್ಸ್‌ ವಿಡಿಯೋ ಸಖತ್‌ ವೈರಲ್‌ ಆಗಿದ್ದು ಅದರ ವಿರುದ್ಧ ಟೀಕೆಗಳು ಬರಲಾರಂಭಿಸಿವೆ.