ಸ್ಟಾರ್‌ಗಳಿಗೆ ಕಿಸ್‌, ಹಗ್‌.. ಕೈ ಕುಲುಕಲು ಬಂದ ಅಭಿಮಾನಿಗೆ ಕೋವಿಡ್‌ ನೆಪ..! ಇಷ್ಟೇ ನೋಡಿ ಫ್ಯಾನ್ಸ್‌ ಗತಿ... ವಿಡಿಯೋ ವೈರಲ್‌

Actress Nithya Menen : ಸೌಂದರ್ಯ ಜೊತೆಗೆ ಅಭಿನಯದ ಮೂಲಕ ಸಿನಿ ಪ್ರೇಕ್ಷಕರ ಮನ ಗೆದ್ದಿರುವ ನಿತ್ಯಾ ಮೆನನ್ ಒಂದು ಕಾಲದಲ್ಲಿ ಬಹುಬೇಡಿಕೆಯ ನಟಿ.. ಈ ಮಲಯಾಳಂ ಸುಂದರಿ ಕನ್ನಡ, ತೆಲುಗು, ತಮಿಳು ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇದೀಗ ನಿತ್ಯಾ ಅವರಿಗೆ ಸಂಬಂಧಿಸಿದ ವಿಡಿಯೋ ಒಂದು ಸೋಷಿಯಲ್‌ ಮೀಡಿಯಾದಲ್ಲಿ ಗಮನಸೆಳೆಯುತ್ತಿದೆ..

ನಿತ್ಯಾ 2009ರಲ್ಲಿ ಜೋಶ್‌ ಸಿನಿಮಾದ ಮೂಲಕ ಕನ್ನಡ ಸಿನಿರಂಗಕ್ಕೆ ಎಂಟ್ರಿ ಕೊಟ್ಟರು. ಮೈನಾ ಚಿತ್ರ ಈ ಸುಂದರಿಗೆ ಒಳ್ಳೆಯ ಕ್ರೇಜ್‌ ತಂದು ಕೊಟ್ಟಿತು. ಕೋಟಿಗೊಬ್ಬ 2 ಸಿನಿಮಾದಲ್ಲಿ ಕಿಚ್ಚ ಸುದೀಪ್‌ ಜೊತೆ ನಟಿಸುವ ಮೂಲಕ ಕನ್ನಡಿಗರ ಮನಗೆದ್ದರು. ಅದಾದ ನಂತರ ಸ್ಯಾಂಡಲ್‌ವುಡ್‌ನಿಂದ ದೂರ ಉಳಿದಿದ್ದಾರೆ.. 

ಇದನ್ನೂ ಓದಿ:ನಟಿ ರಶ್ಮಿಕಾ ಮಂದಣ್ಣಗೆ ಗಾಯ..! ಆತಂಕಗೊಂಡ ಕನ್ನಡ ಅಭಿಮಾನಿಗಳು.. ಏನಾಯ್ತು ಸುಂದರಿಗೆ..?

ಇತ್ತೀಚೆಗೆ ನಿತ್ಯಾ ಚೆನ್ನೈನಲ್ಲಿ ನಡೆದ 'ಕದಲಿಕ್ಕ ನೆರಮಿಲ್ಲೈ' ಸಿನಿಮಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ವೇಳೆ ನಟಿ ನಡೆದುಕೊಂಡ ರೀತಿ ವಿವಾದಕ್ಕೆ ಕಾರಣವಾಗಿದೆ. ಅಲ್ಲದೆ, ಈ ಕುರಿತ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದು, ಸಖತ್‌ ಟ್ರೋಲ್‌ ಆಗುತ್ತಿದೆ..

ಅಭಿಮಾನಿಗೆ ಹಸ್ತಲಾಘವ ಮಾಡಲು ಕೊರೋನಾ ನೆಪ ಹೇಳಿದ ನಟಿ.. ಸ್ಟಾರ್‌ಗಳಿಗೆ ಮುತ್ತು, ಅಪ್ಪುಗೆ ನೀಡುವ ಮೂಲಕ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಅಲ್ಲದೆ, ಸಾಮಾನ್ಯ ಜನರ ಜೊತೆ ಈ ರೀತಿಯ ನಡವಳಿಕೆ ಸರಿಯಲ್ಲ ಅಂತ ಕೋಪ ವ್ಯಕ್ತ ಪಡಿಸುತ್ತಿದ್ದಾರೆ.. ಈ ಕುರಿತು ನಟಿ ಇದುವರೆಗೂ ಪ್ರತಿಕ್ರಿಯೆ ನೀಡಿಲ್ಲ ಎನ್ನುವುದೇ ವಿಪರ್ಯಾಸ..