ಪ್ರಿಯಾಂಕಾ ಚೋಪ್ರಾ ಪತಿಯ ಬಳಿ ಓಡಿ ಹೋಗಿ ಫೋಟೋ ತೆಗೆಸಿಕೊಂಡ ಪಾಕ್ ನಟಿ..!

ನವದೆಹಲಿ: ಪಾಕಿಸ್ತಾನದ ನಟಿ ಮೆಹ್ವೀಶ್ ಹಯಾತ್ ಯುಎಸ್ ಓಪನ್‌ ಟೂರ್ನಿ ನೋಡಲು ಹೋಗಿದ್ದ ಪ್ರಿಯಾಂಕಾ ಚೋಪ್ರಾ ಅವರ ಪತಿ ನಿಕ್ ಜೊನಾಸ್ ಹತ್ತಿರ ಓಡಿಹೋಗಿ ಫೋಟೋ ತೆಗೆಸಿಕೊಂಡಿದ್ದಾರೆ.

ಈಗ ಅವರು ಈ ಫೋಟೋವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡು ಈ ರೀತಿ ಬರೆದುಕೊಂಡಿದ್ದಾರೆ. ' ನಾನು ನ್ಯೂಯಾರ್ಕ್ ನಲ್ಲಿ ನಡೆಯುತ್ತಿರುವ ಯುಎಸ್ ಸೆಮಿಫೈನಲ್ ನಲ್ಲಿ ಯಾರ ಹತ್ತಿರ ಓಡಿ ಹೋದೆ ಗೊತ್ತೇ ! ಒಂದು ವಿಷಯದಲ್ಲಿ ನಾವಿಬ್ಬರು ಒಪ್ಪಬಹುದಾದ ಆಟಗಾರ ಎಂದರೆ ರಫೇಲ್ ನಡಾಲ್ ' ಎಂದು ಟ್ವೀಟ್ ಮಾಡಿದ್ದಾರೆ.

ಮೆಹ್ವಿಶ್ ಪ್ರಸ್ತುತ ತನ್ನ ಕುಟುಂಬದೊಂದಿಗೆ ಅಮೇರಿಕಾದಲ್ಲಿ ರಜಾದಿನಗಳನ್ನು ಕಳೆಯುತ್ತಿದ್ದಾರೆ. ಬಾಲಿವುಡ್ ವಿರುದ್ಧ ದ್ವೇಷದ ಟ್ವೀಟ್ ಮಾಡಿದ್ದರಿಂದಾಗಿ ಈ ನಟಿ ಸುದ್ದಿಯಲ್ಲಿದ್ದರು. ತನ್ನ ದೇಶವನ್ನು ಕೆಟ್ಟದಾಗಿ ಬಿಂಬಿಸಿದ್ದಕ್ಕೆ ಅವರು ಬಾಲಿವುಡ್ ಮತ್ತು ಹಾಲಿವುಡ್ ವಿರುದ್ಧ ವಾಗ್ದಾಳಿ ನಡೆಸಿದ್ದರು.