`One Breakfast...` ಪರಿಣಿತಿ ಚೋಪ್ರಾ - ರಾಘವ್ ಚಡ್ಡಾ ಪ್ರೀತಿ ಶುರುವಾಗಿದ್ದೇ ಇಲ್ಲಿಂದ.. ಕೊನೆಗೂ ಬಾಯಿಬಿಟ್ಟ ನಟಿ!

Parineeti Chopra - Raghav Chadha love story: ಪರಿಣಿತಿ ಚೋಪ್ರಾ ತನ್ನ ನಿಶ್ಚಿತ ವರ ರಾಘವ್ ಚಡ್ಡಾ ಅವರ ಜೊತೆ ಪ್ರೀತಿ ಶುರುವಾಗಿದ್ದು ಹೇಗೆ ಮತ್ತು ಎಲ್ಲಿ ಎಂದು ಅಂತಿಮವಾಗಿ ಬಹಿರಂಗಪಡಿಸಿದ್ದಾರೆ. ಬಾಲಿವುಡ್ ತಾರೆ ಪರಿಣಿತಿ ಚೋಪ್ರಾ ಮತ್ತು ಎಎಪಿ ನಾಯಕ ರಾಘವ್ ಚಡ್ಡಾ ಅವರ ಎಂಗೇಜ್‌ಮೆಂಟ್‌ ಮೇ 13 ರಂದು ನವದೆಹಲಿಯಲ್ಲಿ ನಡೆಯಿತು.

ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ನಿಶ್ಚಿತಾರ್ಥದ ಫೋಟೋಗಳನ್ನು ಪರಿಣಿತಿ ಶೇರ್‌ ಮಾಡಿದ್ದಾರೆ. ಆ ಒಂದು ಬೆಳಗಿನ ತಿಂಡಿಯಿಂದ ರಾಘವ್‌ ಜೊತೆ ಪ್ರೀತಿ ಕುಡುಯೊಡೆಯಿತು ಎಂದು ಪರಿಣಿತಿ ಹೇಳಿದ್ದಾರೆ. ಅವರ ನಿಶ್ಚಿತಾರ್ಥದ ಸಮಾರಂಭದಿಂದ ಫೋಟೋಗಳ ಸರಣಿಯನ್ನು ಹಂಚಿಕೊಂಡ ಪರಿಣಿತಿ, "ಒಂದು ಬ್ರೇಕ್‌ಫಾಸ್ಟ್‌ನಿಂದ ನಾನು ಒಬ್ಬರನ್ನು ಭೇಟಿಯಾದೆ. ಅತ್ಯಂತ ಅದ್ಭುತ ವ್ಯಕ್ತಿ. ಅವರ ಬೆಂಬಲ, ಹಾಸ್ಯ, ಬುದ್ಧಿ ಮತ್ತು ಸ್ನೇಹವು ಶುದ್ಧ ಸಂತೋಷವಾಗಿದೆ. ಅವರು ನನ್ನ ಮನೆ. ಪ್ರೇಮ, ನಗು, ಭಾವ, ಕುಣಿತಗಳ ನಡುವೆ ಸುಂದರವಾಗಿ ಬಿಚ್ಚಿಕೊಂಡ ಕನಸು! ನಾವು ಅತ್ಯಂತ ಪ್ರಿಯರಾದವರನ್ನು ತಬ್ಬಿ ಸಂಭ್ರಮಿಸಿದಾಗ, ಭಾವೋದ್ವೇಗಗಳು ಉಕ್ಕಿ ಬಂದವು. ರಾಜಕುಮಾರಿಯ ಕಥೆಗಳ ಭಯದಲ್ಲಿರುವ ಪುಟ್ಟ ಹುಡುಗಿಯಾಗಿ, ನನ್ನ ಕಾಲ್ಪನಿಕ ಕಥೆ ಹೇಗೆ ಆರಂಭವಾಗುವುದೆಂದು ನಾನು ಊಹಿಸಿದ್ದೆ. ಈಗ ಅದು ಶುರುವಾಗಿದ್ದು, ನಾನು ಊಹಿಸಿದ್ದಕ್ಕಿಂತಲೂ ಉತ್ತಮವಾಗಿದೆ." ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಎರಡು ಮದುವೆಯಾಗಿದ್ದರೂ ಸಹ ಶರತ್‌ ʼಒಂಟಿʼಯಾಗಿದ್ದರು..! ಕಾರಣ ಏನ್‌ ಗೊತ್ತಾ..?

ಪರಿಣಿತಿ ಮತ್ತು ರಾಘವ್ ಅವರ ನಿಶ್ಚಿತಾರ್ಥ ಸಮಾರಂಭವು ಸೆಂಟ್ರಲ್ ದೆಹಲಿಯ ಕಪುರ್ತಲಾ ಹೌಸ್‌ನಲ್ಲಿ ನಡೆಯಿತು ಮತ್ತು ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್, ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಮತ್ತು ಪರಿಣಿತಿ ಅವರ ಸೋದರಸಂಬಂಧಿ, ಜಾಗತಿಕ ಐಕಾನ್ ಪ್ರಿಯಾಂಕಾ ಚೋಪ್ರಾ ಜೋನಾಸ್ ಸೇರಿದಂತೆ ಸುಮಾರು 150 ಅತಿಥಿಗಳು ಭಾಗವಹಿಸಿದ್ದರು.