ಕಿಡಿಗೇಡಿಗಳಿಂದ ಪ್ರಭಾಸ್ ಫೇಸ್‌ಬುಕ್ ಹ್ಯಾಕ್...ತಕ್ಷಣವೇ ಎಚ್ಚೆತ್ತುಕೊಂಡ ಡಾರ್ಲಿಂಗ್‌..!

Darling Prabhas : 'ಬಾಹುಬಲಿ' ಸಿನಿಮಾದ ನಂತರ ಸೋಲಿನ ಸುಳಿಯಲ್ಲಿ ಸಿಲುಕಿದ ನಟ ಪ್ರಭಾಸ್‌ಗೆ ʼಆದಿಪುರುಷ್‌ʼ ಸಿನಿಮಾ ಗೆಲುವು ತಂದು ಕೊಡಲಿಲ್ಲ. ಈ ಮೂಲಕ ಪ್ರಭಾಸ್‌ಗೆ ಮತ್ತೊಮ್ಮೆ ಹಿನ್ನೆಡೆಯಾಗಿತ್ತು. ಇದೆಲ್ಲದರ ನಡುವೆ ಪ್ರಭಾಸ್ ಫೇಸ್‌ಬುಕ್ ಪೇಜ್ ಅನ್ನು ಕಿಡಿಗೇಡಿಗಳು ಹ್ಯಾಕ್ ಮಾಡಿದ್ದು, ಈ ಸಂಬಂಧ ಡಾರ್ಲಿಂಗ್ ಪ್ರಭಾಸ್ ಹೇಳಿಕೆಯೊಂದನ್ನು ಬಿಡುಗಡೆ ಮಾಡಿದ್ದಾರೆ.

ಕಿಡಿಗೇಡಿಗಳು ಪ್ರಭಾಸ್ ಫೇಸ್‌ಬುಕ್ ಅನ್ನು ಹ್ಯಾಕ್ ಮಾಡಿ ಎರಡು ವಿಡಿಯೋಗಳನ್ನು ಶೇರ್ ಮಾಡಿದ್ದಾರೆ. ಅದರಲ್ಲಿ ಒಂದು ವಿಡಿಯೋಗೆ " ನತದೃಷ್ಟ ಮನುಷ್ಯರು" ಹಾಗೂ ಇನ್ನೊಂದು ವಿಡಿಯೋಗೆ "ವಿಶ್ವದಾದ್ಯಂತ ಚೆಂಡು ವಿಫಲಗೊಳ್ಳುತ್ತೆ" ಎಂದು ಕ್ಯಾಪ್ಷನ್ ಕೊಡಲಾಗಿತ್ತು.

ಈ ಕುರಿತು ತಕ್ಷಣವೇ ಎಚ್ಚೆತ್ತುಕೊಂಡ  ಪ್ರಭಾಸ್ ಟ್ವಿಟರ್‌ ಹಾಗೂ ಇನ್‌ಸ್ಟಾಗ್ರಾಂನಲ್ಲಿ ಈ ಹ್ಯಾಕ್‌ ಆಗಿರುವ ಬಗ್ಗೆ ಮಾಹಿತಿಯನ್ನು ನೀಡಿದ್ದರು. " " ನನ್ನ ಫೇಸ್‌ಬುಕ್ ಫೇಜ್ ಹ್ಯಾಕ್ ಆಗಿದೆ. ನನ್ನ ತಂಡ ಇದನ್ನು ಸರಿಪಡಿಸುತ್ತಿದ್ದಾರೆ" ಎಂದು ಬರೆದುಕೊಂಡಿದ್ದಾರೆ. ಸದ್ಯ ಪ್ರಭಾಸ್ ಫೇಸ್‌ಬುಕ್ ಪೇಜ್ ಸರಿ ಹೋಗಿದೆ ಎಂದು ಹೇಳಲಾಗಿದೆ. 

ಇನ್ನು ಆದಿಪುರುಷ್‌ ಸಿನಿಮಾ ಸಾಕಷ್ಟು ಟೀಕೆಗಳನ್ನು ಎದುರಿಸಿ ಬಿಡುಗಡೆಯಾದರೂ ಹೇಳಿಕೊಳ್ಳುವ ರೀತಿಯಲ್ಲಿ ಯಶಸ್ಸನ್ನು ತಂದುಕೊಡಲಿಲ್ಲ. ಚಿತ್ರದಲ್ಲಿನ ಪಾತ್ರದಿಂದಾಗಿ ಅನೇಕ ಜನರು ಸಿನಿಮಾ ವಿರುದ್ಧ ಆಕ್ರೋಶ ಹೊರಹಾಕಿದ್ದರು. ಹೀಗಾಗಿ ಬಾಕ್ಸಾಫೀಸ್‌ನಲ್ಲೂ ಈ ಸಿನಿಮಾ ನೆಲಕಚ್ಚಿತ್ತು.