ಶ್ರೀರಾಮ, ವಿಷ್ಣುವಿನ ಪಾತ್ರವಾಯ್ತು ಇದೀಗ `ಕಣ್ಣಪ್ಪ` ಚಿತ್ರದಲ್ಲಿ ʼಶಿವʼನಾದ ಪ್ರಭಾಸ್‌..!

Prabhas in Kannappa movie : ‘ಆದಿಪುರುಷ’ ಸಿನಿಮಾದಲ್ಲಿ ರೆಬೆಲ್ ಸ್ಟಾರ್ ಪ್ರಭಾಸ್ ಪುರುಷೋತ್ತಮ ಶ್ರೀರಾಮಚಂದ್ರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪ್ರಸ್ತುತ ಚಿತ್ರೀಕರಣದಲ್ಲಿರುವ ಪ್ಯಾನ್ ವರ್ಲ್ಡ್ ಚಿತ್ರ 'ಕಲ್ಕಿ 2898 AD' ನಲ್ಲಿ ಶ್ರೀಮಹಾವಿಷ್ಣುವಿನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಅಲ್ಲದೆ ಇದೀಗ ಮುಂಬರುವ ಭಕ್ತಿಪ್ರಧಾನ ಸಿನಿಮಾವೊಂದರಲ್ಲಿ ಶಿವನ ಪಾತ್ರದಲ್ಲಿ ಡಾರ್ಲಿಂಗ್‌ ಕಾಣಿಸಿಕೊಳ್ಳಲಿದ್ದಾರೆ ಎಂದು ತಿಳಿದುಬಂದಿದೆ.

ಹೌದು.. ಡೈನಾಮಿಕ್ ಸ್ಟಾರ್ ವಿಷ್ಣು ಮಂಚು ಅಭಿನಯದ ಭಕ್ತಿ ಪ್ರಧಾನ ಚಿತ್ರ 'ಕಣ್ಣಪ್ಪʼ - ಎ ಟ್ರೂ ಎಪಿಕ್ ಇಂಡಿಯನ್ ಟೇಲ್ ಚಿತ್ರದಲ್ಲಿ ಪ್ರಭಾಸ್ ಶಿವನಾಗಿ ಕಾಣಿಸಿಕೊಳ್ಳಲಿದ್ದಾರಂತೆ. ರಾಷ್ಟ್ರ ಮತ್ತು ಅಂತರಾಷ್ಟ್ರೀಯ ಮಟ್ಟದಲ್ಲಿ ಈ ಸಿನಿಮಾ ರಿಲೀಸ್‌ ಆಗಲಿದೆ. ಇತ್ತೀಚಿಗೆ ಶ್ರೀಕಾಳಹಸ್ತಿ ದೇಗುಲದಲ್ಲಿ ಈ ಚಿತ್ರದ ಮುಹೂರ್ತ ನೆರವೇರಿತು, ಶೀಘ್ರದಲ್ಲೇ ಚಿತ್ರೀಕರಣ ಆರಂಭವಾಗಲಿದೆ. 

ಇದನ್ನೂಓದಿ:ಕನ್ಯತ್ವ ಕಳೆದುಕೊಳ್ಳಲು ಸರಿಯಾದ ವಯಸ್ಸೆಷ್ಟು? ಸಂಚಲನ ಸೃಷ್ಟಿಸಿದ ಕಾಲಿವುಡ್‌ ನಟಿ ಸ್ಟೇಟ್‌ಮೆಂಟ್‌!!

‘ಕಣ್ಣಪ್ಪ’ ಚಿತ್ರದಲ್ಲಿ ಪ್ರಭಾಸ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇದನ್ನು ವಿಷ್ಣು ಮಂಚು ಖಚಿತಪಡಿಸಿದ್ದಾರೆ. ಈ ಚಿತ್ರದಲ್ಲಿ ಪ್ರಭಾಸ್‌ ಶಿವನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಹಾಲಿವುಡ್ ಮಟ್ಟದಲ್ಲಿ ‘ಭಕ್ತ ಕಣ್ಣಪ್ಪ’ ಸಿನಿಮಾ ಮಾಡಬೇಕು ಅಂತ ವಿಷ್ಣು ಮಂಚು ಕೆಲ ವರ್ಷಗಳಿಂದ ಹೇಳುತ್ತಿದ್ದರು. ಕೆಲ ದಿನಗಳ ಹಿಂದೆ ಈ ಚಿತ್ರಕ್ಕೆ ಚಾಲನೆ ನೀಡಲಾಗಿತ್ತು.

ಲೆಜೆಂಡರಿ ನಟ, ಕಲೆಕ್ಷನ್ ಕಿಂಗ್, ವಿಷ್ಣು ಮಂಚು ಅವರ ತಂದೆ ಮೋಹನ್ ಬಾಬು ಅವರ 24 ಫ್ರೇಮ್ಸ್ ಫ್ಯಾಕ್ಟರಿ ಬ್ಯಾನರ್‌ ಅಡಿಯಲ್ಲಿ 'ಕಣ್ಣಪ್ಪ' ಚಿತ್ರ ನಿರ್ಮಾಣವಾಗುತ್ತಿದೆ. ಸ್ಟಾರ್ ಪ್ಲಸ್ ಟಿವಿಯಲ್ಲಿ ಮಹಾಭಾರತ ಸರಣಿಯನ್ನು ನಿರ್ಮಿಸಿದ್ದ ಮುಖೇಶ್ ಕುಮಾರ್ ಸಿಂಗ್ ಅವರು 'ಕಣ್ಣಪ್ಪ' ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. 

ಸುಮಾರು ರೂ. 150 ಕೋಟಿ ವೆಚ್ಚದಲ್ಲಿ ಚಿತ್ರ ನಿರ್ಮಾಣವಾಗಲಿದೆ. ಲೆಜೆಂಡರಿ ಬರಹಗಾರರಾದ ಪರುಚೂರಿ ಗೋಪಾಲ ಕೃಷ್ಣ, ಬುರ್ರಾ ಸಾಯಿ ಮಾಧವ್ ಮತ್ತು ತೋಟ ಪ್ರಸಾದ್ ಕಥೆ ಬರೆದಿದ್ದಾರೆ. ಈ ಚಿತ್ರಕ್ಕೆ ಮಣಿ ಶರ್ಮಾ ಮತ್ತು ಸ್ಟೀಫನ್ ದೇವಸಿ ಸಂಗೀತ ನೀಡಲಿದ್ದಾರೆ. ಈ ತಲೆಮಾರಿನ ಪ್ರೇಕ್ಷಕರಿಗೆ ಭಕ್ತ ಕಣ್ಣಪ್ಪ ಅವರ ಭಕ್ತಿಯ ಬಗ್ಗೆ ತಿಳಿಸುವುದು ಸಿನಿಮಾದ ಉದ್ದೇಶ ಎಂದು ನಟ ವಿಷ್ಣು ಮಂಚು ತಿಳಿಸಿದ್ದಾರೆ.