ಸಲ್ಮಾನ್‌ ಖಾನ್‌ ಹುಟ್ಟುಹಬ್ಬದ ಬೆನ್ನಲ್ಲೇ ʼಸಲ್ಲು ನನ್ನವನೇʼ ಎಂದು ಬಹಿರಂಗ ಹೇಳಿಕೆ ಕೊಟ್ಟ‌ ಖ್ಯಾತ ನಟಿ!

Salman Khan-ಬಾಲಿವುಡ್‌ನ 'ಡಿಂಪಲ್ ಗರ್ಲ್' ಅಂದರೆ ಪ್ರೀತಿ ಜಿಂಟಾ ಅತ್ಯಂತ ಜನಪ್ರಿಯ ಮತ್ತು ಪ್ರತಿಭಾವಂತ ನಟಿ. ಅವರು 90 ರ ದಶಕದಲ್ಲಿ ಅನೇಕ ಹಿಟ್‌ಗಳನ್ನು ನೀಡಿದ್ದಾರೆ. ಆಕೆಗೆ ಬಾಲಿವುಡ್‌ನಲ್ಲಿ ಅನೇಕ ಸ್ನೇಹಿತರಿದ್ದರೂ ಸಲ್ಮಾನ್ ಖಾನ್ ಜೊತೆಗಿನ ಸ್ನೇಹ ತುಂಬಾ ವಿಶೇಷವಾಗಿದೆ. ಸಲ್ಮಾನ್ ಅವರ 59 ನೇ ಹುಟ್ಟುಹಬ್ಬಕ್ಕೆ ನಟಿ ವಿಶೇಷವಾಗಿ ವಿಷ್‌ ಮಾಡಿ.. ತನ್ನ ಸ್ನೇಹಿತನಿಗಾಗಿ ಪೋಸ್ಟ್ ಒಂದನ್ನು ಶೇರ್ ಮಾಡಿ ಶುಭ ಹಾರೈಸಿದ್ದರು.. ಆದರೆ ಅವರು ಬರೆದದ್ದು ಸಾಮಾಜಿಕ ಮಾಧ್ಯಮ ಬಳಕೆದಾರರ ಗಮನ ಸೆಳೆದಿದೆ.. ಅದರಲ್ಲಿ ಒಬ್ಬ ಬಳಕೆದಾರರು ಇಬ್ಬರೂ ಎಂದಾದರೂ ಡೇಟಿಂಗ್‌ ಮಾಡಿದ್ದೀರಾ? ಎಂದು ಪ್ರಶ್ನಿಸಿದ್ದಾರೆ. ಇದೀಗ ಬಳಕೆದಾರರ ಈ ಪ್ರಶ್ನೆಗೆ ನಟಿ ಉತ್ತರ ನೀಡಿದ್ದಾರೆ.

ಸಲ್ಮಾನ್ ಖಾನ್ ಜೊತೆ ಪ್ರೀತಿ ಜಿಂಟಾ ಸ್ನೇಹ ತುಂಬಾ ವಿಶೇಷ ಎಂಬುದು ಸಿನಿಪ್ರಿಯರಿಗೆ ಗೊತ್ತು. ಇತ್ತೀಚೆಗೆ, ಪ್ರೀತಿ ಭಾಯಿಜಾನ್ ಅವರ 59 ನೇ ಹುಟ್ಟುಹಬ್ಬದಂದು ಪೋಸ್ಟ್ ಶೇರ್ ಮಾಡಿದ್ದಾರೆ. ಈ ಪೋಸ್ಟ್ ಜೊತೆಗೆ, 'ಹುಟ್ಟುಹಬ್ಬದ ಶುಭಾಶಯಗಳು ಸಲ್ಮಾನ್ ಖಾನ್, ನಾನು ನಿನ್ನನ್ನು ಹೆಚ್ಚು ಪ್ರೀತಿಸುತ್ತೇನೆ ಎಂದು ಹೇಳಲು ಬಯಸುತ್ತೇನೆ. ಉಳಿದದ್ದನ್ನು ನಾನು ಭೇಟಿಯಾದಾಗ ಹೇಳುತ್ತೇನೆ.. ಇನ್ನೂ ಹೆಚ್ಚಿನ ಫೋಟೋಗಳು ಬೇಕು, ಇಲ್ಲದಿದ್ದರೆ ನಾನು ಅದೇ ಹಳೆಯ ಫೋಟೋಗಳನ್ನು ಪೋಸ್ಟ್ ಮಾಡುತ್ತೇನೆ!' ಈ ಪೋಸ್ಟ್‌ನೊಂದಿಗೆ ಹಾರ್ಟ್‌ ಎಮೋಜಿಯನ್ನು ಸಹ ಹಂಚಿಕೊಂಡಿದ್ದಾರೆ. ಪ್ರೀತಿಯ ಪೋಸ್ಟ್ ಕುರಿತು ಪ್ರತಿಕ್ರಿಯಿಸಿದ ಅವರ ಅಭಿಮಾನಿಯೊಬ್ಬರು, "ನೀವಿಬ್ಬರೂ ಪರಸ್ಪರ ಡೇಟ್ ಮಾಡಿದ್ದೀರಾ?" ಇದಕ್ಕೆ ಪ್ರೀತಿ ಉತ್ತರ ನೀಡಿದ್ದಾರೆ.. “ಇಲ್ಲ, ಇಲ್ಲವೇ ಇಲ್ಲ! ಅವನು ನನ್ನ ಕುಟುಂಬದ ಸದಸ್ಯ.. ನನ್ನ ಹತ್ತಿರದ ಸ್ನೇಹಿತ ಮತ್ತು ನನ್ನ ಗಂಡನ ಸ್ನೇಹಿತ.. ನಿಮಗೆ ಹಾಗೆ ಅನಿಸಿದರೆ ಕ್ಷಮಿಸಿ!” ಎಂದಿದ್ದಾರೆ.. 

ಇದನ್ನೂ ಓದಿ-ಬಿಗ್‌ ಬಾಸ್‌ ಮನೆಯಿಂದ ಹೊರ ಬಂದ ಐಶ್ವರ್ಯ ಸಿಂಧೋಗಿ ಪಡೆದ ಒಟ್ಟು ಸಂಭಾವನೆ ಎಷ್ಟು ಗೊತ್ತೇ?

ಇನ್ನು ಸಲ್ಮಾನ್ ಮತ್ತು ಪ್ರೀತಿ 90 ರ ದಶಕದಲ್ಲಿ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಅವರ ತೆರೆಯ ಮೇಲಿನ ಜೋಡಿ ಕೂಡ ಪ್ರೇಕ್ಷಕರಿಗೆ ಇಷ್ಟವಾಯಿತು. ಆದರೆ ಈಗ ತಾವು ಒಳ್ಳೆಯ ಸ್ನೇಹಿತರು ಮಾತ್ರ ಎಂದು ನಟಿ ಸ್ಪಷ್ಟನೆ ನೀಡಿದ್ದಾರೆ.