Abhi movie: ಅಭಿ ಸಿನಿಮಾಗೆ 20 ವರ್ಷ! ಅಪ್ಪು ನೆನೆದು ರಮ್ಯಾ ಭಾವುಕ ಪೋಸ್ಟ್

Abhi movie : ಅಭಿ ಪುನೀತ್‌ ರಾಜ್‌ಕುಮಾರ್‌ ನಾಯಕನಾಗಿ ನಟಿಸಿದ್ದ ಎರಡನೇ ಸಿನಿಮಾ ಆಗಿದೆ. ಅಭಿ ಸಿನಿಮಾಗೆ 20 ವರ್ಷಗಳು ತುಂಬಿದ ಹಿನ್ನೆಲೆ ರಮ್ಯಾ ಎರಡು ದಶಕಗಳ ಹಿಂದಿನ ಕೆಲವು ಫೋಟೋಗಳನ್ನು ತಮ್ಮ ಸೋಶಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿದ್ದಾರೆ. ನಾಯಕ ನಟನಾಗಿ ಪುನೀತ್‌ ನಟಿಸಿದ ಮೊದಲ ಸಿನಿಮಾ ಅಪ್ಪು. ಅದರಲ್ಲಿ ರಕ್ಷಿತಾ ನಾಯಕಿಯಾಗಿದ್ದಾರೆ. ಪ್ರೇಮಕಥೆ ಜೊತೆಗೆ ಕೋಮ ಸೌಹಾರ್ದತೆಯ ಸಂದೇಶ ಹೊತ್ತು ಅಭಿ ಸಿನಿಮಾ ತೆರೆಗೆ ಬಂದಿತ್ತು. ಪಾರ್ವತಮ್ಮ ರಾಜ್‌ಕುಮಾರ್‌ ಈ ಸಿನಿಮಾ ನಿರ್ಮಿಸಿದ್ದರು. ಅಭಿ ಸಿನಿಮಾದಲ್ಲಿ ಪುನೀತ್‌ ರಾಜ್‌ ಅಭಿನಯಕ್ಕೆ ಜನ ಮನಸೋತಿದ್ದರು. 

ಮಾಮಾ ಮಾಮಾ ಮಜಾ ಮಾಡು... ಈ ನಿನ್ನ ಕಣ್ಣಾಣೆ... ವಿಧಿ ಬರಹ ಎಂತ ಘೋರ.. ಹೀಗೆ ಸಿನಿಮಾದಲ್ಲಿನ ಎಲ್ಲ ಸಾಂಗ್‌ಗಳು ಇಂದಿಗೂ ಜನರ ಹಾಟ್‌ ಫೆವರೇಟ್‌ ಆಗಿವೆ. ಕೆ. ಕಲ್ಯಾಣ್‌, ಹಂಸಲೇಖ, ವಿ ನಾಗೇಂದ್ರ ಪ್ರಸಾದ್‌ ಈ ಹಾಡುಗಳ ಸಾಹಿತ್ಯ ಬರೆದಿದ್ದರು. ಗುರುಕಿರಣ್‌ ಸಂಗೀತ ನಿರ್ದೇಶನದಲ್ಲಿ ಈ ಸಿನಿಮಾ ಮ್ಯೂಸಿಕಲ್‌ ಹಿಟ್‌ ಕೂಡ ಆಗಿತ್ತು. ಪೂರ್ಣಿಮಾ ಎಂಟರ್‌ಪ್ರೈಸಸ್‌ ಬ್ಯಾನರ್‌ ಅಡಿ ಪಾರ್ವತಮ್ಮ ರಾಜ್‌ಕುಮಾರ್‌ ನಿರ್ಮಿಸಿದ್ದ ಅಭಿ ಸಿನಿಮಾವನ್ನು ದಿನೇಶ್‌ ಬಾಬು ನಿರ್ದೇಶಿಸಿದ್ದರು. 25 ಏಪ್ರಿಲ್‌ 2003 ರಂದು ಅಭಿ ರಿಲೀಸ್‌ ಆಗಿತ್ತು. 

ಇದನ್ನೂ ಓದಿ: ಹೊಸ ಸಿನಿಮಾಗಾಗಿ ಅರೆಬೆತ್ತಲಾದ ಆರ್ ಎಕ್ಸ್‌ 100 ಚಿತ್ರದ ನಟಿ ..!

25 ವಾರಗಳ ಕಾಲ ಚಿತ್ರಮಂದಿರಗಳಲ್ಲಿ ಅಭಿ ಸಿನಿಮಾ ಪ್ರದರ್ಶನಗೊಂಡಿತ್ತು. ಬಾಕ್ಸ್‌ ಆಫೀಸ್‌ನಲ್ಲೂ ಉತ್ತಮ ಮೊತ್ತ ಕಲೆಹಾಕಿತ್ತು. ಇದೇ ಸಿನಿಮಾ ನಂತರ ತೆಲುಗಿನಲ್ಲಿ ಅಭಿಮನ್ಯು ಹೆಸರಿನಲ್ಲಿ ರಿಮೇಕ್‌ ಆಯಿತು. ಅಭಿಮನ್ಯುದಲ್ಲಿ ನಂದಮೂರಿ ಕಲ್ಯಾಣ್ ರಾಮ್ ನಾಯಕನಾದರೆ ನಾಯಕಿಯಾಗಿ ರಮ್ಯಾ ನಟಿಸಿದ್ದರು.