ʼಇಂಡಿಯನ್‌ 2ʼ ಇಂಟ್ರೋ ಔಟ್:‌ ಕಮಲ್‌ಗೆ ರಜನಿ ಸಾಥ್‌

Indian 2 Intro Release: ನಿರ್ದೇಶಕ ಶಂಕರ್ ಹಾಗೂ ಕಮಲ್ ಹಾಸನ್ ಕಾಂಬಿನೇಷನ್‌ನ 'ಇಂಡಿಯನ್' ಸಿನಿಮಾ 22 ವರ್ಷಗಳ ಹಿಂದೆಯೇ ಸಿನಿಮಾ ರಿಲೀಸ್ ಆಗಿದ್ದು, ಈ ಚಿತ್ರ ಬಾಕ್ಸಾಫೀಸ್‌ನಲ್ಲಿ ಜೋರಾಗಿ ಸದ್ದು ಮಾಡಿ ಹೊಸ ದಾಖಲೆಗಳನ್ನು ಬರೆದಿತ್ತು. ಇಷ್ಟು ದೊಡ್ಡ ಸಕ್ಸಸ್ ಕೊಟ್ಟಿದ್ದರೂ ಕೂಡ ಇಂಡಿಯನ್‌ ಪಾರ್ಟ್ 2 ಸಿನಿಮಾ ಮಾಡುವ ಬಗ್ಗೆ ಇವರಿಬ್ಬರು ಆಲೋಚನೆಯನ್ನು ಮಾಡಿರಲಿಲ್ಲ.ಇದೀಗ 'ಇಂಡಿಯನ್ 2' ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದೆ. 

ಹೌದು.. ಕಮಲ್‌ ಹಾಸನ್‌ ಹಾಗೂ ನಿರ್ದೇಶಕ ಶಂಕರ್‌ ಜೋಡಿ ಒಂದಾಗಿ ಹಂಗಾಮ ಮಾಡುವುದಕ್ಕೆ ಸಜ್ಜಾಗಿದ್ದು, ಭ್ರಷ್ಟಚಾರ ವಿರುದ್ಧ ಸಿಡಿದೇಳುವ ಇಂಡಿಯನ್ ಈ ಬಾರಿ ಅಂತರಾಷ್ಟ್ರೀಯ ಮಟ್ಟದಲ್ಲಿ ಸದ್ದು ಮಾಡಲು ಹೊರಟಿದ್ದಾರೆ. ಟೀಸರ್ ನೋಡಿದರೆ 'ಇಂಡಿಯನ್ 2' ಗ್ಲೋಬಲ್ ಲೆವೆಲ್‌ನಲ್ಲಿ ಸದ್ದು ಮಾಡುವುದಕ್ಕೆ ರೆಡಿಯಾಗಿರೋ ಹಾಗೆ ಕಾಣಿಸುತ್ತಿದೆ. ನಿನ್ನೆ ಕಮಲ್‌ ಹಾಸನ್‌ ನಟಿಸಿರುವ ಬಹುನಿರೀಕ್ಷಿತ ʼಇಂಡಿಯನ್‌ 2ʼ ಚಿತ್ರದ ಇಂಟ್ರೋ ರಿಲೀಸ್‌ ಆಗಿದೆ.

ವಿಶೇಷ ಎಂದರೆ 'ಇಂಡಿಯನ್ 2' ಸಿನಿಮಾ ಮೊದಲ ಇಂಟ್ರೋವನ್ನು ಸೂಪರ್‌ಸ್ಟಾರ್ ರಜನಿಕಾಂತ್ ರಿಲೀಸ್ ಮಾಡಿದ್ದು, ತಮ್ಮ ಎಕ್ಸ್ ಖಾತೆಯಲ್ಲಿ ಲಿಂಕ್ ಶೇರ್ ಮಾಡಿ, "ನಮಸ್ಕಾರ.. ಮರಳಿ ಬಂದಿದ್ದಾನೆ ಇಂಡಿಯನ್.. ಇಗೋ ಇಂಡಿಯನ್ 2 ಇಂಟ್ರೋವನ್ನು ಅರ್ಪಿಸುತ್ತಿದ್ದೇನೆ" ಎಂದು ಗೆಳೆಯನ ಚಿತ್ರದ ತುಣುಕನ್ನು ಬಿಡುಗಡೆ ಮಾಡಿ ಶುಭಕೋರಿದ್ದಾರೆ. ಹಾಗಂತ ಕೇವಲ ರಜನಿಕಾಂತ್ ಅಷ್ಟೇ ಅಲ್ಲ. ಕನ್ನಡದಲ್ಲಿ ಕಿಚ್ಚ ಸುದೀಪ್ 'ಇಂಡಿಯನ್ 2' ಇಂಟ್ರೋವನ್ನು ರಿಲೀಸ್ ಮಾಡಿದ್ದಾರೆ. 

 'ಇಂಡಿಯನ್ 2'  ಸಿನಿಮಾದಲ್ಲಿ ಕಮಲ್ ಹಾಸನ್ ಜೊತೆಗೆ ಸಿದ್ಧಾರ್ಥ್‌, ಕಾಜಲ್ ಅಗರ್ವಾಲ್, ರಾಕುಲ್ ಪ್ರೀತ್ ಸಿಂಗ್, ಪ್ರಿಯಾ ಭವಾನಿ ಶಂಕರ್, ಕಾಳಿದಾಸ್ ಜಯರಾಮ್, ಗುಲ್ಶನ್ ಗ್ರೋವರ್, ದಿವಂಗತ ವಿವೇಕ್, ಸಮುದ್ರಖನಿ, ಬಾಬಿ ಸಿಂಹ ಸೇರಿದಂತೆ ಹಲವು ಮಂದಿ ಸಿನಿಮಾ ನಟಿಸಿದ್ದಾರೆ. ಅನಿರುದ್ಧ್ ಸಂಗೀತ ನೀಡಿರುವ 'ಇಂಡಿಯನ್ 2' ಚಿತ್ರದ ಇಂಟ್ರೊ ಕಮಲ್ ಹಾಸನ್ ಫ್ಯಾನ್ಸ್‌ಗೆ ಅಷ್ಟಾಗಿ ಇಷ್ಟ ಆಗಿಲ್ಲ. ಈ ಹಿಂದೆ ಶಂಕರ್ ಹೇಳಿರೋ ಭ್ರಷ್ಟಾಚಾರದ ಕಥೆಯನ್ನೇ ಈ ಸಿನಿಮಾದಲ್ಲೂ ಮುಂದುವರೆಸಲಾಗಿದೆ.