ನಿಗೂಢವಾಗಿ ಸಾವನ್ನಪ್ಪಿದ 37 ವರ್ಷದ ಖ್ಯಾತ ನಟಿ ಹುಮೈರಾ..!

ಖ್ಯಾತ ನಟಿ ಹುಮೈರಾ ಹಿಮು ಸಾವಿಗೆ ಇನ್ನೂ ನಿಖರವಾದ ಕಾರಣ ಬಹಿರಂಗವಾಗಿಲ್ಲ. ಆದರೆ ವೈಧ್ಯರು ನಟಿಯ ಕುತ್ತಿಗೆಯ ಮೇಲೆ ಕೆಲವೊಂದಿಷ್ಟು ಗಾಯದ ಗುರುತು ಗಮನಿಸಿದ್ದು, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

Humaira Himu death : ಬಾಂಗ್ಲಾದೇಶದ ಖ್ಯಾತ ನಟಿ ಹುಮೈರಾ ಹಿಮು (37) ನಿಧನರಾಗಿದ್ದಾರೆ. ನಟಿ ಮಂಗಳವಾರದಂದು ಕೊನೆಯುಸಿರೆಳೆದಿದ್ದಾಗಿ ಮಾಹಿತಿ ಇದೆ. ಹುಮೈರಾ ಹಿಮು ಅವರ ಆರೋಗ್ಯವು ಹಠಾತ್ ಹದಗೆಟ್ಟಿತ್ತು, ತಕ್ಷಣವೇ ಅವರನ್ನು ಢಾಕಾದ ಉತ್ತರಾ ಮಾಡರ್ನ್ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು, ಅಲ್ಲಿ ವೈದ್ಯರು ಅವರು ಸಾವನ್ನಪ್ಪಿದ್ದಾರೆ ಎಂದು ಘೋಷಿಸಿದರು. 

ಆದರೆ ನಟಿಯ ಸಾವಿಗೆ ಇನ್ನೂ ನಿಖರವಾದ ಕಾರಣ ಬಹಿರಂಗವಾಗಿಲ್ಲ, ಆದರೆ ವೈಧ್ಯರು ನಟಿಯ ಕುತ್ತಿಗೆಯ ಮೇಲೆ ಕೆಲವೊಂದಿಷ್ಟು ಗಾಯದ ಗುರುತು ಗಮನಿಸಿದ್ದು, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಇದೆ ವೇಳೆ ಹುಮೈರಾ ಸ್ನೇಹಿತ ಪರಾರಿಯಾಗಿದ್ದು, ಪೊಲೀಸರು ಆತನ ಹುಡುಕಾಟದಲ್ಲಿದ್ದಾರೆ. ನಟಿಯ ಹಠಾತ್ ನಿಧನದಿಂದ ಅವರ ಕುಟುಂಬ ಮತ್ತು ಅಭಿಮಾನಿಗಳು ಆಘಾತಕ್ಕೊಳಗಾಗಿದ್ದಾರೆ. 

ಇದನ್ನೂ ಓದಿ: ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುವ ಸುಳಿವು ನೀಡಿದ ಕಂಗನಾ ರಣಾವತ್..! ಪಕ್ಷ ಯಾವುದು..?

ನಟಿ ಒಬ್ಬ ವ್ಯಕ್ತಿಯೊಂದಿಗೆ ಪ್ರೇಮ ಸಂಬಂಧ ಹೊಂದಿದ್ದಾಳೆ ಎಂದು ಪೊಲೀಸರು ಹೇಳಿಕೊಂಡಿದ್ದಾರೆ. ಇಬ್ಬರ ನಡುವಿನ ಜಗಳದ ಹಿನ್ನೆಲೆಯಲ್ಲಿ ಹುಮೈರಾ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ. ಆದರೆ ಈ ಕುರಿತು ಯಾವುದೇ ದೃಢವಾದ ದಾಖಲೆಗಳಿಲ್ಲ. ಮರಣೋತ್ತರ ಪರೀಕ್ಷೆ ವರದಿ ಬಂದ ನಂತರ ನಟಿ ಸಾವಿಗೆ ನಿಜವಾದ ಕಾರಣ ತಿಳಿಯಲಿದೆ. ಸದ್ಯ ಪೊಲೀಸರು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. 

ಹುಮೈರಾ ಹಿಮು ಅವರು 2006 ರಲ್ಲಿ ರಂಗಭೂಮಿ ಮೂಲಕ ನಟನಾ ವೃತ್ತಿ ಪ್ರಾರಂಭಿಸಿದರು. ಅನೇಕ ಬಾಂಗ್ಲಾದೇಶದ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 'ಛಾಯಾಬಿತಿ' ಟಿವಿ ಸರಣಿಯಿಂದ ಜನಪ್ರಿಯತೆಯನ್ನು ಪಡೆದರು. "ಹೌಸ್‌ಫುಲ್" ಮತ್ತು "ಗುಲ್ಶನ್ ಅವೆನ್ಯೂ" ಸೇರಿದಂತೆ ವಿವಿಧ ಟಿವಿ ಸರಣಿಗಳಲ್ಲಿ ಕಾಣಿಸಿಕೊಂಡಿದ್ದರು. ʼಅಮರ್ ಬೋಂಧು ರಾಶೆಡ್ʼ ಚಿತ್ರದ ಮೂಲಕ ಮುನ್ನೆಲೆಗೆ ಬಂದಿದ್ದರು.