`ಜೈಲರ್` ಒಂದು ಮಾಮೂಲಿ ಸಿನಿಮಾ...! ಸಕ್ಸಸ್‌ ಬಳಿಕ ತಮ್ಮ ಚಿತ್ರದ ಬಗ್ಗೆ ರಜನಿ ಹೀಗ್ಯಾಕಂದ್ರು..?

Rajinikantha on Jailer movie : ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಇತ್ತೀಚಿನ ಚಿತ್ರ ಜೈಲರ್. ಈ ಸಿನಿಮಾ ರಜನಿ ಕೆರಿಯರ್‌ ಅನ್ನು ಮತ್ತೊಂದು ರೇಂಜ್‌ಗೆ ಕೊಂಡೊಯ್ದಿದೆ ಅಂದ್ರೆ ತಪ್ಪಾಗಲ್ಲ. ಆಗಸ್ಟ್ 10 ರಂದು ಬಿಡುಗಡೆಯಾದ ಈ ಚಿತ್ರ 550 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ್ದು, ಇದೀಗ ಓಟಿಟಿಯಲ್ಲಿ ಅಬ್ಬರಿಸುತ್ತಿದೆ.

ಜೈಲರ್‌ ಸಿನಿಮಾವನ್ನು ಅಭಿಮಾನಿಗಳು ತುಂಬಾ ಇಷ್ಟಪಟ್ಟಿದ್ದಾರೆ. ಆದರೆ, ಇಷ್ಟು ದೊಡ್ಡ ಯಶಸ್ಸು ಕಂಡ ‘ಜೈಲರ್’ ಸಿನಿಮಾ ನನಗೆ ಮಾಮೂಲಿ ಸಿನಿಮಾ ಅನ್ನಿಸುತ್ತಿದೆ ಎಂದು ರಜನಿಕಾಂತ್ ನೀಡಿರುವ ಹೇಳಿಕೆ ಇದೀಗ ಎಲ್ಲರಿಗೂ ಶಾಕ್‌ ನೀಡಿದೆ. ಹೌದು.. ಇತ್ತೀಚೆಗೆ ‘ಜೈಲರ್’ ಚಿತ್ರದ ಸಕ್ಸಸ್ ಮೀಟ್ ಏರ್ಪಡಿಸಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಚಿತ್ರತಂಡ ಭಾಗವಹಿಸಿತ್ತು. ಈ ಸಂದರ್ಭದಲ್ಲಿನ ತಲೈವಾ ಮಾತು ಎಲ್ಲರನ್ನೂ ಅಚ್ಚರಿಗೊಳಿಸಿದೆ. 

ಇದನ್ನೂ ಓದಿ: ʼರಾಷ್ಟ್ರ ಪ್ರಶಸ್ತಿʼ ಬಳಿಕ ನಟ ಅಲ್ಲು ಅರ್ಜುನ್‌ಗೆ ಒಲಿದು ಬಂತು ಅಪರೂಪದ ಗೌರವ..!

ವಾಸ್ತವವಾಗಿ 'ಜೈಲರ್' ಒಂದು ಅವ್ರೇಜ್‌ ಸಿನಿಮಾ ಅಂತ ನನಗೆ ಅನಿಸಿತು. ಆದರೆ, ಅನಿರುದ್ಧ್ ಈ ಸಿನಿಮಾವನ್ನು ಬೇರೆ ಮಟ್ಟಕ್ಕೆ ಕೊಂಡೊಯ್ದಿದ್ದಾರೆ. ಅವರ ಹಿನ್ನೆಲೆ ಸಂಗೀತ ಚಿತ್ರಕ್ಕೆ ಜೀವ ತುಂಬಿದೆ. ಅವರಿಂದಲೇ ಈ ಚಿತ್ರ ಈ ಮಟ್ಟದ ಯಶಸ್ಸನ್ನು ಗಳಿಸಿದೆ ಎಂದು ರಜನಿಕಾಂತ್‌ ಚಿತ್ರದ ಕುರಿತು ತಪ್ಪ ಅಭಿಪ್ರಾಯ ವ್ಯಕ್ತಪಡಿಸಿದರು.

ರಜನಿಕಾಂತ್ ಅವರ ಈ ಕಾಮೆಂಟ್‌ಗಳು ಚಿತ್ರರಂಗದ ಜೊತೆಗೆ ಸಾಮಾನ್ಯ ಪ್ರೇಕ್ಷಕರನ್ನು ಆಶ್ಚರ್ಯಗೊಳಿಸಿವೆ. ಅಲ್ಲದೆ, ಸಂಪೂರ್ಣವಾಗಿ ಅನಿರುದ್ಧ್ ಈ ಸಿನಿಮಾ ಮಾಡಿದ್ದರೆ ನಿರ್ದೇಶಕ ನೆಲ್ಸನ್ ದಿಲೀಪ್ ಕುಮಾರ್ ಏನೂ ಮಾಡಿಲ್ಲವೇ? ಅಂತ ಅವರ ಅಭಿಮಾನಿಗಳು ಕೋಪಗೊಂಡಿದ್ದಾರೆ. ರಜನಿಕಾಂತ್ ಅವರಂತಹ ದೊಡ್ಡ ಸ್ಟಾರ್‌ಗಳಿಂದ ಇಂತಹ ಕಾಮೆಂಟ್‌ಗಳನ್ನು ನಿರೀಕ್ಷಿಸಿರಲಿಲ್ಲ. ಈ ರೀತಿ ಕಮೆಂಟ್ ಮಾಡುವುದರಿಂದ ನಿರ್ದೇಶಕರ ಪ್ರತಿಭೆ ಖಂಡಿತ ಕಡಿಮೆಯಾಗುವುದು ಎಂದು ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ರಜನಿಗೆ ನೆಕ್ಸ್ಟ್‌ ಲೆವೆಲ್‌ ನೀಡಿದ್ದು, ನೆಲ್ಸನ್‌ ಆದ್ರೆ ಈ ರೀತಿ ಏಕೆ ಹೇಳುತ್ತಿದ್ದಾರೆ ಅಂತ ಪ್ರಶ್ನೆ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಬಿಳಿಯುಡುಗೆಯಲ್ಲಿ ಅದ್ಭುತವಾಗಿ ಕಂಗೊಳಿಸಿದ​ ಕಾಂತಾರ ಬೆಡಗಿ..! ಫೋಟೋಸ್‌ ಇಲ್ಲಿವೆ

ಸಧ್ಯ ಜೈಲರ್' ಚಿತ್ರ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮ್ ಆಗುತ್ತಿದೆ. ಒಟಿಟಿಯಲ್ಲೂ ಈ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಪ್ರೈಮ್ ವಿಡಿಯೋ ಇಂಡಿಯಾದ ಟಾಪ್ ಟ್ರೆಂಡ್‌ಗಳಲ್ಲಿ 'ಜೈಲರ್' ಎರಡನೇ ಸ್ಥಾನದಲ್ಲಿದೆ ಎಂಬುದು ಗಮನಾರ್ಹ.