ʼ777 ಚಾರ್ಲಿ-2ʼ ಸಿನಿಮಾದಲ್ಲಿ ನಟಿಸಲ್ಲ ಎಂದ ರಕ್ಷಿತ್‌ ಶೆಟ್ಟಿ..! ಅಸಲಿ ಕಾರಣವೇನು.?

Rakshith Shetty : ಕಳೆದ ವರ್ಷ ತೆರೆಕಂಡ 777 ಚಾರ್ಲಿ ಸಿನಿಮಾ ಚಿತ್ರತಂಡಕ್ಕೆ ದೊಡ್ಡ ಸಕ್ಸಸ್‌ ತಂದು ಕೊಟ್ಟಿದೆ. ಈ ಸಿನಿಮಾ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗು ಹಿಂದಿಯಲ್ಲಿ ರಿಲೀಸ್‌ ಆಗಿತ್ತು. ಇದು ರಕ್ಷಿತ್ ಶೆಟ್ಟಿಗೆ ಪ್ಯಾನ್‌ ಇಂಡಿಯಾ ಲೆವೆಲ್‌ನಲ್ಲಿ ಮಿಂಚುವಂತೆ ಮಾಡಿದ ಸಿನಿಮಾ. ಅಲ್ಲದೆ, ಈ ಸಿನಿಮಾ ರಾಷ್ಟ್ರ ಪ್ರಶಸ್ತಿಯನ್ನು ಸಹ ಪಡೆದಿದೆ. 

ಆಕ್ಟೋಬರ್‌ 12ರಂದು ಇನೋವೇಟಿವ್‌ ಇಂಟರ್‌ ನ್ಯಾಷನಲ್‌ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ನಟ ರಕ್ಷಿತ್‌ ಶೆಟ್ಟಿ ಭಾಗಿಯಾಗಿದ್ದರು. ಅವರಿಗೆ ಅಲ್ಲಿ ಐಕಾನಿಕ್‌ ಸ್ಟಾರ್‌ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಈ ವೇಳೆ ಮಾತನಾಡಿದ ನಟ ರಕ್ಷಿತ್‌ ಶೆಟ್ಟಿ, 777 ಚಾರ್ಲಿ ನನ್ನ ವೃತ್ತಿ ಜೀವನದಲ್ಲಿ ಸ್ಪೆಷಲ್‌ ಸಿನಿಮಾ, ಈ ಸಿನಿಮಾಗಾಗಿ ನನಗೆ ರಾಷ್ಟ್ರ ಪ್ರಶಸ್ತಿ ತಂದು ಕೊಟ್ಟಿದಕ್ಕೆ ಧನ್ಯವಾದಗಳು. ಮನುಷ್ಯರ ಜೊತೆ ನಟಿಸಬಹುದು. ಆದರೆ ಚಾರ್ಲಿಯ ಜೊತೆ ನಟಿಸುವುದು ಅಷ್ಟೊಂದು ಸುಲಭದ ಕೆಲಸ ಆಗಿರಲಿಲ್ಲ. 

ಇದನ್ನೂ ಓದಿ: ‘ಗನ್ಸ್ ಆಂಡ್ ರೋಸಸ್’ ಹಿಡಿದು “108ಗೆ ಫೋನ್ ಮಾಡೋ ಶಿಷ್ಯ” ಎಂದ ವಿಜಯ್ ಪ್ರಕಾಶ್!

120 ದಿನಗಳ ಚಿತ್ರೀಕರಣದಲ್ಲಿ, ಪ್ರತಿಬಾರಿಯ 40 ಟೇಕ್‌ ಮಾಡಬೇಕಿತ್ತು. ಯಾಕಂದ್ರೆ ಚಾರ್ಲಿ ಯಾವಾಗ ಚೆನ್ನಾಗಿ ಆಕ್ಟ್‌ ಮಾಡ್ತಾಳೆ ಅನ್ನೋದೆ ದೊಡ್ಡ ಸಮಸ್ಯೆಯಾಗಿತ್ತು. ಹಾಗಾಗಿ ಈ ಕೆಲಸ ತುಂಬಾ ಸವಾಲಿನಿಂದ ಕೂಡಿತ್ತು. 777 ಚಾರ್ಲಿ ಸಿನಿಮಾ ಶೂಟಿಂಗ್‌ ಕೊನೆಯಲ್ಲಿ ನಿರ್ದೇಶಕ ಕಿರಣ್‌ ರಾಜ್‌ ಚಾರ್ಲಿ-2 ಸಿನಿಮಾ ಮಾಡೋಣ ಅಂತ ಹೇಳಿದರು. ಅದಕ್ಕೆ ನಾನು ನೀವು ಪಾರ್ಟ್-2 ಮಾಡಿ ನಾನು ಬರಲ್ಲ ಎಂದು ಹೇಳಿದೆ. 

ಒಬ್ಬ ನಟನ ಜೊತೆ ನಟಿಸುವಾಗ ಎಷ್ಟು ಎಂಜಾಯ್‌ ಮಾಡ್ತೀರೋ ಚಾರ್ಲಿ ಜೊತೆ ನಟಿಸುವಾಗ ಅಷ್ಟು ಕಷ್ಟ ಪಡಬೇಕಾಗುತ್ತದೆ. ಆದರೆ ಆ ಕಷ್ಟಕ್ಕೆ ಮೆಚ್ಚುಗೆ ಬಂದಾಗ ನೋವು ಮರೆತುಹೋಗುತ್ತದೆ. ಪ್ರಾಣಿ ಹಿಂಸೆ ಮಾಡಿ ಯಾವ ಸಿನಿಮಾ ಚಿತ್ರೀಕರಣ ಮಾಡುವ ಸಾಹಸ ಬೇಡ ಎಂದು ಹೇಳಿದರು.